Ibirori byo gutanga iryo peti, byizihirijwe rimwe n’isabukuru y’imyaka 25 Polisi y’u Rwanda imaze ishinzwe, aho abasoje amasomo yabo bakoze akarasisi ndetse banerekana bumwe mu bumenyi bungutse.

 Ibyo birori kandi, byitabiriwe n’imiryango y’abo bapolisi bashya, abayobozi batandukanye mu nzego za Guverinoma, abayobozi b’inzego z’umutekano, ndetse n’abakuru ba Polisi baturutse mu bihugu bitandukanye by’inshuti z’u Rwanda.

Umuyobozi mukuru w’ishuri rya Polisi ry’i Gishari, Commissioner of Police (CP) Rafiki Mujiji, yavuze ko amasomo y’aba bapolisi yatangiye mu kwezi kwa Nyakanga 2025, aho bigishijwe ku kwigirira icyizere, indangagaciro zigomba kubaranga mu kazi ndetse n’ikinyabupfura. Yagaragaje icyizere afitiye abo bapolisi bashya, avuga ko biteguye kuzuza neza inshingano zabo.

Yagize ati, “Turabashimira Nyakubahwa (Perezida), ku cyerekezo nyacyo no ku nkunga iri shuri rikesha ubuyobozi bw’igihugu. Iyo nkunga, yatumye ishuri ryivugurura mu kugira ibikorwaremezo byiza. Ibyo byatumye ireme ry’amasomo dutanga rijyana n’igihe.”

Mujiji kandi, yanashimiye ababyeyi n’imiryango muri rusange y’abapolisi basoje amasomo yabo, ku kuba barabashyigikiye mu rugendo rwo gukorera igihugu cyabo, anasaba abapolisi bashya kuzarangwa n’ubwangamugayo, kwemera guhangana n’ibibazo bazahura na byo, gukora neza akazi kabo kandi mu kinyabupfura.

Muri ibyo birori kandi, abapolisi bane bahize abandi mu gihe cy’amasomo, bahawe ibihembo. Uwabaye uwa mbere yitwa Castro Bowazi, uwabaye uwa kabiri yitwa Isaïe Kayiranga, uwabaye uwa gatatu yitwa Chantal Mureshya, naho uwahize abandi baturutse mu birwa bya Seychelles yitwa Nicolette Marie.

Amakimbirane y’aba bagabo babiri bari inshuti zikomeye, aje mu gihe igihugu kiremerewe n’imyenda myinshi, kuko imibare itangwa n’ibinyamakuru bitandukanye, yerekana ko iyo myenda imaze kurenga 132 ku ijana, ugereranyije n’umusaruro mbumbe w’igihugu.

Kimwe mu bituma Faye na Sonko badahuza, ni uburyo buri wese yifuza ko ikibazo cy’iyo myenda cyakemuka. Perezida Bassirou Diomaye Faye, yifuza ko igihugu ayoboye kiganira n’ikigega mpuzamahanga cy’imari (FMI), ku bijyanye n’imfashanyo icyo kigega kigenera Senegal, naho Sonko we yifuza ko icyo kibazo cy’imyenda cyakemukira ku gushaka ibisubizo bihereye imbere mu gihugu, kandi hatabayeho kwishingikiriza imiryango mpuzamahanga.

Nubwo bimeze bityo, inteko ishinga amategeko umutwe w’abadepite muri Senegal, kuri uyu wa kabiri iratorera kugira Ousmane Sonko umudepite, ndetse no kuba Perezida w’inteko, icyo uruhande rutavuga rumwe n’ubutegetsi rwamaganye, ruvuga ko ari uguhungabanya ubwisanzure bw’inteko ishinga amategeko y’icyo gihugu.

Ukutavuga rumwe hagati ya Perezida Bassirou Diomaye Faye na Ousmane Sonko, kuraca amarenga ko aba bombi bashobora kuzahangana mu matora y’umukuru w’igihugu ateganyijwe mu mwaka wa 2029.

Urukiko rukuru muri Espanye, rwatangaje kuwa 19 Gicurasi 2026  ko ingingo zatanzwe n’uruhande rwa Shakira zifite ishingiro, kuko mu rubanza, 

Umuhanzikazi Shakira ku Rubyiniro

urwego rw’igihugu rushinzwe imisoro ruterekanye ibigaragaza ko Shakira yamaze iminsi 183 ari muri Espanye mu mwaka wa 2011.

Urwo rukiko, rwahise rutegeka ko Shakira yishyurwa Miliyoni 55 z’amayero, ni hafi Miliyari 110 z’amafaranga y’u Rwanda, harimo amande yaciwe n’urwego rushinzwe imisoro muri Espanye ndetse n’indishyi z’akababaro.

Shakira, yishimiye umwanzuro w’urukiko ati, “Nyuma y’imyaka umunani nsa n’uwihishahisha, urukiko rushyize umucyo ku byo naregwaga. Ibi byose, byari byarateguwe kugira ngo byangize izina ryanjye, bituma mara amajoro menshi ntasinzira, bingiraho ingaruka mbi ku buzima bwanjye ndetse n’imibereho myiza y’umuryango wanjjye.”

Uyu muhanzikazi wamenyekanye mu ndirimbo zitandukanye nka Hips don’t lie, Wherever Whenever, Waka Waka n’izindi, yongeyeho ko atigeze anyereza imisoro, kuko niba urukiko rutabyemeje, ibyo yaregwaga ari ibinyoma.

Uruhande rw’urwego rushinzwe imisoro muri Espanye, rwo rwatangaje ko ruzajuririra urukiko rw’ikirenga rwo muri icyo gihugu, ko kandi nta faranga na rimwe ruzishyura Shakira mbere y’uko umwanzuro wa nyuma w’uru rubanza utangazwa.

Mu Kinyarwanda, baca umugani ngo, “Iyimijwe n’ikaramu ntiramburura.” Iyo uganiriye n’umusaza Ngaruyinka, ni bwo wumva neza igisobanuro cy’uyu mugani, bitewe n’urwibutso yasigiwe n’umwami Mutara III Rudahigwa. Ngaruyinka, yabisobanuriye KPMedia ati, “Ujya wumva nirahira Rudahigwa nti, Mba ndoga rudahigwa! Cyangwa se ndakifuriza Rudahigwa akabi! Uwo ni Nkubito y’Imanzi. Kubera iki kandi nta nka bashoreye yigeze ampa? Yampaye ikaramu.”

Iby’iyo mpano umwami Mutara III Rudahigwa yahaye Ngaruyinka, arabyibuka neza nk’ibyabaye ejo. Yabisangije KPMedia24 agira ati, “Najyanye i Bwami na Papa, twari twicaranye n’umubyeyi wacu, (Rosalie Gicanda), Umbabarire kuko iyo muvuze ntangira kugira amarangamutima kubera amateka ya nyuma. Rudahigwa rero yasanze twicaye aho maze abaza Papa ati, “Sha! Aka kana ni akawe?” Undi ati, “Yego.” Arahindukira arambaza ati, “Sha! Uriga?” Nanjye nti, “Ndiga.” Ati, “Wabaye uwa kangahe?” Nti, “Nabaye uwa mbere.” Ati, “Ni byo?” Papa ati, “Ni byo. Ni we uba uwa mbere mu ishuri.” Yaragiye anzanira ikaramu, ampa ikaramu imwe bavomeshaga Wino.”

Birumvikana ko impano nk’iyo iturutse ku mwami ari ifoto idasibangana ku mutima, ni cyo cyatumye Ngaruyinka Sebashi yirahira umwami, akanasobanura impamvu amwirahira agira ati, “Impamvu nirahira umwami Rudahigwa ngo yampaye inka, ni uko ibyo nabashije kugera byose, nabigezeho kuko nize. Yampaye umurage w’ikaramu.”

Uretse kuba yarigeze guhura n’umwami Mutara III Rudahigwa, Ngaruyinka Sebashi aribuka neza uko yanabanye n’umwamikazi Rosalie Gicanda, ndetse anaboneraho kumusobanurira KPMedia24 by’umwihariko, kugira abatamuzi cyangwa abamuzi igice bamusobanukirwe neza.

Ngaruyinka Sebashi, yasobanuye imico n’imyitwarire y’umwamikazi Rosalie Gicanda agira ati, “Yari umubyeyi mwiza, ugira urugwiro, kandi ukunda abantu. Yagiraga urukundo rudasanzwe, kandi yanagiraga isuku nk’umwamikazi birumvikana, kandi nyamara umwami yari yaratanze, ariko yarihanganaga cyane.”

Nkuriyinka Sebashi, ntiyahawe impano n’umwami gusa, kuko n’umwamikazi Rosalie Gicanda yamuhaye impano zinyuranye nk’uko abyivugira agira ati, “Njya muri Kongo mu kwezi kwa Nyakanga mu mwaka wa 1976, nagiye kumureba i Butare, aho yari yaragiye bitewe n’uko yavuye i Nyanza hari Perefe witwaga Shamukiga w’umuhindangiga ukomoka mu Kabagari wari umumereye nabi cyane, noneho Musenyeri Gahamanyi aramufasha ajya i Butare. Ubwo rero nagiye kumureba i Butare kumubwira nti, “Ngiye muri Kongo, nakundaga kugenda nkararayo, nari nk’umwana we. Noneho ampa amafaranga ibihumbi icumi by’icyo gihe. Ibyo ni byo nagize impamba, njyana n’umukecuru wanjye kuko twari kumwe.”

Uretse impano y’amafaranga ibihumbi icumi Ngaruyinka Sebashi yahawe n’umwamikazi Rosalie Gicanda, hari n’indi mpano itazamuva ku mutima yibuka yahawe n’umwamikazi. Iyo mpano, Ngaruyinka Sebashi yayisobanuriye KPMedia24 agira ati, “Mu mwaka wa 1978, nagarutse mu Rwanda, ahantu nahitiye ni i Butare kureba Shangazi cyangwa se Masenge, ni ko twamwitaga. Amalinete ya mbere nambaye yo kutabona, ni we wayanguriye. Naramubwiye nti, “Mfite ikibazo cy’amaso!” Na we arambwira ati, “Ayo maso ni aya so ndayazi. Ariko se kwa muganga ntibagerageza?” Anjyana ku witwa Bourgois, umupadiri w’umubiligi wapimaga amaso agatanga n’amalinete. Nuko angurira amalinete, ariko amafaranga yatanze sinyazi. Arangije, ampa ibihumbi bitanu na none, maze ndagenda.”

Gusa nubwo byari bimeze gutyo, Ngaruyinka Sebashi, ababazwa n’uko nta buryo bw’itumanaho bwabagaho kugira ngo avugane n’umwamikazi Rosalie Gicanda, cyane ko yari umubyeyi we mu buryo buziguye.

Umusaza Ngaruyinka Sebashi, ni umwe mu bagize uruhare rutaziguye mu gukangurira abanyarwanda bari batuye i Bibwe muri Repubulika ya Demokarasi ya Kongo, ndetse mu mwaka wa 1999, yanabaye Bourgmestre i Gaseke mu cyahoze ari Perefegitura ya Gisenyi, ubu ni mu karere ka Ngororero mu ntara y’Uburengerazuba.

John Rucyahana, yavukiye i Butete mu karere ka Burera mu ntara y’amajyaruguru tariki 14 Ugushyingo mu mwaka wa 1945, atangira kwiga amashuri abanza mu gace avukamo, mbere y’uko umuryango we uhungira mu gihugu cya Uganda mu mwaka wa 1959, bitewe n’itotezwa ryakorewe abatutsi n’ubuyobozi bwariho mu Rwanda muri uwo mwaka.

Musenyeri Rucyahana, asobanura igihe cy’ubugimbi bwe nk’igihe cy’icuraburindi kuri we agira ati, “Icyo gihe, ubuto bwanjye bwaravangiwe. Intego zacu, ibyo twifuzaga, ibyiringiro byacu n’ibindi, byabaye bibi, noneho tuva muri bwa buzima bwo kumva ufite agaciro ko kwishimira uwo uri we, ubana n’umuryango, n’ibyiringiro byo kwiga tukagera kure. Mu by’ukuri, ibyo byose twatekerezaga, byabaye nk’ibisutswemo amazi akonje bavanye muri Frigo, noneho dutangira kubaho mu bwoba.”

Nubwo urugendo rwe nk’impunzi rwatangiriye mu gihugu cya Repubulika ya Demokarasi ya Kongo, ubuzima ntibwigeze buba bwiza muri icyo gihe, kuko intambara yatangijwe na Pierre Mulele hagati y’umwaka wa 1963 kugeza mu mwaka wa 1968, ubwo yarwanyaga ubutegetsi bw’i Kinshasa, yageze i Goma aho yigaga, bigasaba ko anyura mu Rwanda kugira ngo ahungire mu gihugu cya Uganda nk’uko abisobanura ati, “Twaje kuva muri Kongo kubera intambara ya Mulele, kuko muri Goma hatangiye kuba imidugararo, bagafata abantu bakabajyana i Rwanda. Icyo gihe bafashe umuntu witwaga Butera, ndamwibuka, n’abandi bantu batatu babazana i Gisenyi barabica, bivamo n’imvururu muri Kongo, icyo gihe uwari uyoboye umujyi baramucyura, bitewe n’ugusakuza kw’abantu bo muri ONU. Ibyo bihe bibi, byatumye abanyeshuri bari bariyo tudafite aho ducumbika kandi tutamerewe neza tugenda.”

Mu myaka yo hagati y’umwaka wa 1965 n’umwaka wa 1967, urugendo rwe nk’impunzi, rwakomeje kumusharirira ubwo yari ageze i Bunyoro muri Uganda, aho asobanura ko hari imibu n’izuba ryinshi, bigatuma bamwe mu bahashyizwe nk’impunzi bahagwa. Musenyeri Rucyahana, asobanura ubukana bw’aho hantu agira ati, “Hari imibu, hari izuba riteye ubwoba, hameze nabi, abantu barapfa benshi cyane! Abahaguye, bishwe na Malaria, bicwa n’imirire mibi, barapfuye ari benshi cyane, ku buryo twahambaga kuva mu gitondo kugera nimugoroba, abandi bantu bapfuye tukabaraza.”

Ubwo yageraga i Kinyala muri Uganda ari na ho yaje kwakirira agakiza, Musenyeri John Rucyahana, asobanura ko kimwe mu byamubabaje ari ukubona bamwe mu bana bari bato kuri we batoragura za biswi zaguye hasi ati, “Aho ni ho nagize umutwaro wo kubona abana bacu batoragura za Biswi mu itaka, barwanira za biswi, babajugunyira nk’ujugunyira imbwa, birambabaza cyane! Byarambabaje cyane kubona abana bari bafite ibyiringiro, nanjye nari mfite ibyiringiro byo kuzaba umuntu no kuzagira icyo mba cyo, nkabona barumuna banjye n’abana b’ababyeyi bacu n’abana b’inshuti n’abavandimwe, bya byiringiro byo kuzagira agaciro bihinduka gutoragura ibyo hasi.”

Nubwo na we yari agikeneye kwiga, ariko uwo mubabaro watumye we na bagenzi be bake bashinga ishuri ryatangiranye abana 600, bakigishirizamo abo bana, ariko na bo biyigisha.

Nubwo nta bikoresho bari bafite, Musenyeri John Rucyahana, yishimira ko nyuma y’imyaka ine iryo shuri ritangiye, ryatsindishije ikizamini cya Leta riri ku mwanya wa mbere. Yagize ati, “Twageze ubwo nyuma y’imyaka nk’ine dutangiye iryo shuri, ishuri ryacu ryabaye irya mbere mu gutsindisha neza ikizamini cya Leta cy’amashuri abanza. Abo muri ako karere baribazaga ngo, ni nde wigisha bariya bana? Bariya barimu bambaye amakabutura, babigenjeje gute kugira ngo bariya bana batsinde kurusha abanyoro?”

Nyuma y’uko Musenyeri John Rucyahana na bagenzi be bahawe amahirwe yo kwiga mu mashuri nderabarezi kugira ngo bagire ubumenyi buhagije ku mwuga w’ubwarimu, Musenyeri John Rucyahana, abifashijwemo no kuvuga ubutumwa bw’ijambo ry’Imana, yaje kunguka igitekerezo cyo kutigisha abana amasomo asanzwe yo mu ishuri gusa, ahubwo no kubaremamo indangagaciro z’umunyarwanda w’ejo hazaza.

Musenyeri John Rucyahana, asobanura uwo murimo ukomeye yakoze agira ati, “Nyuma rero yo kurokoka no kuvuga ubutumwa, ba bana bacu, ntitwari tukibabwira ibyo kubara, guteranya n’ibindi ndetse no kubigisha andi masomo nk’uko andi mashuri abigenza, ahubwo tukabatoza no kuba abantu. Ntabwo ari ukuvuga amasomo y’imibare, siyansi cyangwa ibindi, oya, ahubwo twigishaga abana mu buryo bwo kubafasha kwishakira ibisubizo. Icyo dukeneye nk’abanyarwanda, mu by’ukuri ni imibare, cyangwa ni ukuba abantu? Icyo dukeneye, ni ukugira agaciro no kugira indangagaciro zishingiye ku muco.”

Muri uko kurema indangagaciro z’abana, Musenyeri John Rucyahana, yakoraga icyo umuntu yagereranya no kubahanurira ababwira ati, “Mwa bana mwe, u Rwanda ruzabakenera. Nubwo turi hano, ntabwo turi aba hano. Ni byo turi hano, tugomba gushimira Imana, tugomba kubana neza n’abantu ba hano, ariko hano si iwacu. Mugomba kumenya ko hari ahandi twavuye.”

Musenyeri Rucyahana, agereranya icyo umuntu yakwita ubuhanuzi n’ishusho ya Mose cyangwa Musa uvugwa muri Bibiliya, kuko uwo muhanuzi yabanje kuba mu mahanga nk’umucakara ariko agaherekeza Abayisiraheli kugera mu gihugu cy’isezerano.

Uretse kuba abigereranya, Musenyeri John Rucyahana, avuga ko yanakunze cyane imico y’uwo muhanuzi akanayigiraho agira ati, “Icyo nakunze cya Mose cy’icyo gihe, Farawo yaramubwiye ngo nimugende mujye kuramya iyo Mana yanyu mu butayu. Na we ati Oya! Twe tuzajyana n’abakecuru bacu n’abana bacu n’inka zacu n’imitungo yacu n’imbata zacu, nta cyo tuzasiga, byose bizakorera Uwiteka. Aho ni ho namenye ko agakiza katavuga ibyerekeye amarangamutima, ubwenge no gutekereza, ngo Rucyahana n’Imana mu ijuru, Rucyahana yapfuye ngo njye mu by’umwuka. Oya, namenye ko nkizwa wese n’ibikorwa byanjye byose.”

Nubwo ari mu kiruhuko cy’izabukuru ku myaka 80 y’amavuko, Musenyeri John Rucyahana ntiyigeze ahagarika kwigisha abana no kubatoza indangagaciro, kuko kuri ubu afasha abana batishoboye kubona amafaranga y’ishuri ndetse no gufasha ababyeyi babo gukora imishinga mito n’iciriritse yiganjemo iy’ubworozi.

Imibare y’iyi Minisiteri, igaragaza ko mu mwaka wa 2025, u Rwanda rwaguze isukari mu mahanga ingana na toni 195,610 zifite agaciro k’amadolari ya Amerika Miliyoni 145, ni hafi Miliyari 212 z’amafaranga y’u Rwanda, mu gihe mu mwaka wari wabanje, u Rwanda rwaguze isukari mu mahanga ingana na toni 308,000 zifite agaciro k’amadolari Miliyoni 238, ni hafi Miliyari 348 z’amafaranga y’u Rwanda.

Isukari u Rwanda rwatumije mu mahanga, yiganjemo idatunganyijwe yakoreshejwe n’inganda ziyikenera mu gukora ibicuruzwa byazo, iyakoreshejwe mu gutunganya ibiribwa n’ibinyobwa, ndetse n’ikoreshwa mu ngo z’abantu muri rusange.

Minisitiri w’ubucuruzi n’inganda Prudence Sebahizi, agaragaza ko isukari u Rwanda rutumiza mu mahanga yagabanutse, ahanini biturutse ku kugabanuka kw’isukari isanzwe ikoreshwa n’abanyarwanda, kwiyongera kw’isukari itunganyirizwa imbere mu gihugu, ndetse no kugabanuka kw’isukari u Rwanda rugura mu mahanga, rukayigurisha mu bihugu bihana imbibi na rwo.

Minisitiri Prudence Sebahizi yabwiye itangazamakuru ati, “Igabanuka ry’isukari itumizwa mu mahanga, rishobora gushakirwa mu kugabanuka kw’isukari ikoreshwa n’abaturage, ibi bikajyana n’ubwiyongere bw’umusaruro w’isukari uboneka imbere mu gihugu.”

Minisitiri Prudence Sebahizi kandi, yagaragaje ko isukari idatunganyije u Rwanda rwaguraga mu mahanga rukayigurisha mu bihugu by’ibituranyi na yo yagabanutse mu mwaka wa 2025 ugereranyije n’umwaka wabanje wa 2024, ibyagize uruhare mu kugabanuka kw’isukari u Rwanda rutumiza mu mahanga, ati, “Iri gabanuka, ryatewe n’uko isoko rihagaze ndetse no guhinduka kw’ibyifuzo by’abaguzi, nta zindi mpamvu zishingiye kuri politiki zabiteye.”

Nubwo iri gabanuka ryabayeho mu mwaka wa 2025 ugereranyije n’umwaka wa 2024, Leta y’u Rwanda igaragaza ko mu mwaka wari wabanje, habayeho kwiyongera kw’isukari u Rwanda rutumiza mu mahanga, kuko isukari ingana na toni 308,000 u Rwanda rwaguze mu mahanga mu mwaka wa 2024 ifite agaciro ka Miliyoni 238 z’amadolari ya Amerika, yiyongereye ku rugero rwa 24 ku ijana ugereranyije n’isukari u Rwanda rwaguze mu mahanga mu mwaka wa 2023, kuko yo yari ifite agaciro k’amadolari ya Amerika Miliyoni 192.

U rwanda, rwashyize mu bikorwa imisoro rusange yashyizweho mu muryango wa Afurika y’Iburasirazuba, ndetse na politiki zigamije kurengera abaguzi ndetse n’inganda zikora isukari z’imbere mu gihugu.

Mu rwego rwo guhangana n’izamuka rikabije ry’ibiciro no gushyigikira inganda zikora ibikomoka ku isukari z’imbere mu gihugu, Leta y’u Rwanda yemeje isaranganywa ry’isukari inganda zizajya zigura mu mahanga.

Leta y’u Rwanda kandi, yoroheje by’agateganyo imisoro ku isukari ndetse n’ibicuruzwa nkenerwa mu gutunganya ibiribwa biturutse mu karere ka Afurika y’Iburasirazuba, mu rwego rwo kugabanya izamuka ry’igiciro cyishyurwa n’umuguzi wa nyuma, nk’uko Minisiteri y’imari n’igenamigambi yabitangaje.

Minisitiri w’ubucuruzi n’inganda Prudence Sebahizi, yagaragaje kandi ko Leta y’u Rwanda ifite umugambi wo kugena ubutaka buri ku buso bwa Hegitari 8,000 buzahingwaho ibisheke, ndetse no gukurura abashoramari, ku buryo byibura Miliyoni 50 z’amadolari zizaba zarashowe mu itunganywa ry’isukari mu myaka iri imbere.

Iyo politiki ya Leta y’u Rwanda, igamije kongerera imbaraga inganda z’imbere mu gihugu zikora isukari mu mikoro ndetse no mu bwinshi bw’isukari zitunganya, ndetse no kugabanya ku buryo bugaragara isukari u Rwanda rugura mu mahanga.

Umuvugizi w’ibiro by’umukuru w’igihugu mu Burusiya bizwi nka Kremlin, Dmitry Peskov, yavuze ko ubuyobozi bwa Gisirikare muri Mali budashobora guhangana bwonyine n’imitwe y’iterabwoba budahawe ubufasha n’Uburusiya agira ati, “Ukuba k’Uburusiya muri Mali ni ingirakamaro nk’uko byasobanuwe na Leta y’iki gihe muri icyo gihugu. Muri Mali, Uburusiya buzakomeza guhangana n’imitwe igendera ku matwara akarishye, iterabwoba n’ibindi bikorwa bibi, kandi buzakomeza guha ubufasha Leta ya Mali muri iki gihe.”

Abarwanyi b’umutwe w’AbaTuareg bafatanyije n’abo mu mutwe wiyise uwo kubohora intara ya Tuareg ariko yiswe Azawad n’uwo mutwe, baherutse gutangaza icyifuzo cyabo cyo guhirika ubutegetsi bwa Mali, by’umwihariko bakaba bifuza kugera ku mugambi wabo babanje kwigarurira uduce tw’Amajyaruguru ya Mali harimo intara za Gao, Timbuktu ndetse na Ménaka, ni nyuma y’uko ibitero byagabwe n’imitwe yitwaje intwaro mu cyumweru gishize, bitumye iyo mitwe itera intambwe ikigarurira agace ka Kidal.

Uretse iyi mibare, umuganga w’inzobere mu buvuzi bw’impyiko usannzwe akorana n’umuryango mpuzamahanga witwa Inshuti Mu buzima wanakoranye n’ibitaro bya Butaro mu gusuzuma iki kibazo, Dr. Etienne Ntabanganyimana, yanahereye ku kuba bamwe muri bo bageze ku cyiciro cya gatatu n’icya kane muri ubu burwayi, maze atangariza ikinyamakuru The New Times ati, “Iyi mibare iteye inkeke rwose.”

Nubwo nta n’umwe wasanzwe ageze ku cyiciro cya gatanu cy’uburwayi bw’impyiko, ari na cyo cyiciro gikomeye kurushaho, Dr. Ntabanganyimana, yagaragaje ko mu bantu 866 basanzwemo icyo kibazo, 36 muri bo bari mu cyiciro cya kane, bityo aburira abantu gufata ingamba zikwiye, kuko nta gikozwe abo bantu bashobora kwisanga mu cyiciro cya gatanu, aho kugira ngo bafashwe, byasaba gukoresha imashini iyungurura amaraso, cyangwa bigasaba ko undi muntu atanga impyiko ye mu rwego rwo gufasha umurwayi.

Muri kano karere kari mu turere dukora ku mipaka u Rwanda rusangiye n’ibihugu by’ibituranyi, uretse ikibazo cy’ikoreshwa ry’ubuvuzi bwa Magendu cyane cyane ubwifashisha ibyatsi, ikindi gishyirwa mu majwi mu gutera ubwiyongere bw’ikibazo cy’uburwayi bw’impyiko, ni ugukoresha ibisindisha ku rugero rwo hejuru.

By’umwihariko ku kijyanye n’imiti y’ibyatsi, Dr. Ntabanganyimana yasabye abantu kutizera cyane ubwo buvuzi agira ati, “Imiti ya Gakondo by’umwihariko iy’ibyatsi si myiza ku buzima bwacu, kuko ibiyigize ndetse n’urugero rw’umuti ruyirimo bitazwi. Ishobora kongera ibyago byo kwangirika kw’impyiko, cyane cyane ku bafite uburwayi bwa Diyabete n’ubw’umuvuduko ukabije w’amaraso. Abaturage bakwiriye kwirinda gukoresha iyo miti, kuko ishobora kongera ubukana bw’uburwayi bw’impyiko.”

Uyu muganga, yanagarutse ku kuba abarwayi benshi bo mu bice by’icyaro bakunze kugana abavuzi ba Gakondo mbere yo kugana abavuzi bemewe, icyo abona nko gishobora kugabanya amahirwe y’ubuvuzi bwafasha umurwayi agira ati, “Ubu buvuzi, bushobora gutera impyiko gukomereka cyane, kandi mu gihe bitakurikiranywe neza, bishobora gutera uburwayi budakira bw’impyiko.”

Uyu muganga, yagiriye inama abantu yo gufata ibisindisha mu rugero, kunywa amazi ahagije, guhangana n’indwara za Diyabete n’umuvuduko ukabije w’amaraso bagabanya umunyu barya, kandi bagakora imyitozo ngororamubiri mu buryo buhoraho mu rwego rwo guhangana n’uburwayi bw’impyiko.

Uretse mu karere ka Burera, ikigo cy’igihugu cy’ubuzima, RBC, kigaragaza ko abafite uburwayi bw’impyiko bakomeje kwiyongera mu bitaro byo hirya no hino mu gihugu.

Dr. Jean Claude Habineza, ukuriye ishami rishinzwe indwara zitandura muri RBC, yabwiye itangazamakuru ati, “Ubu ni uburwayi bukomeje kwiyongera, ariko ni n’uburwayi bushobora kwirindwa. Imibare y’abafite uburwayi bw’impyiko mu bitaro byo hirya no hino ku isi harimo n’u Rwanda, ikomeje kwiyongera. Iyo urebye amakuru atangwa n’ibitaro, ubona ko imibare iri kwiyongera cyane.”

Dr. Jean Claude Habineza, yashimangiye ko kugabanya kunywa inzoga, kureka kunywa itabi ndetse no kugabanya gukoresha imiti igabanya ububabare, ari zimwe mu ngamba zafasha kugabanya ibyago byo kurwara impyiko.

Abaturage b’akarere ka Burera, bishimiye iri suzumwa ryakozwe, ahubwo basaba ko ryakwaguka rikagera ku bantu benshi.

Umwe muri bo, ni Agnès Uwamariya w’imyaka 47 y’amavuko aho yatangarije itangazamakuru ati, “Ndi umwe mu bitabiriye bwa mbere iri suzuma ryakorewe abafite indwara ya Diyabete n’umuvuduko ukabije w’amaraso. Izi gahunda ni ingirakamaro, cyane cyane ku baturage bo mu cyaro, aho abenshi bizera imiti y’ibyatsi kurusha kugana inzobere z’abaganga.”

Byinshi mu bitangazamakuru byandika ku ikoranabuhanga, byo byatangaje mu minsi yashize ko igikoresho cy’ikoranabuhanga kizakorwa n’ikigo cya OpenAI, kizaba ari igikoresho kitagendanwa, kandi kitagira ikirahure.

Biteganyijwe ko nibigenda neza nk’uko iki kigo kibyifuza, mu mpera z’uyu mwaka wa 2026 cyangwa se mu ntangiriro z’umwaka wa 2027, ibisabwa byose kugira ngo Telefoni ya mbere y’iki kigo ikorwe bizaba byamaze kuboneka, ku buryo Telefoni ya mbere y’iki kigo izajya ku isoko mu mwaka wa 2028.

Abahuriye mu nama, basuzumye imyanzuro yafatiwe mu nama iheruka ya 11 yabereye i Kigali mu Rwanda mu mwaka wa 2023 aho igeze ishyirwa mu bikorwa, ndetse n’imbogamizi zihari kugira ngo zikurweho, hamwe no kwigira hamwe izindi nzego zo kwaguriramo ubutwererane hagati y’impande zombi.

Mu minsi itatu y’imirimo y’iyo nama kandi, hazabamo no kwigira hamwe uburyo bwo gushimangira ubutwererane mu nzego ibihugu byombi bisanzwe bifitanyemo imikoranire, harimo umutekano, iterambere ry’ibikorwaremezo, uburezi, ikibazo cy’abimukira ndetse n’ubucuruzi.

Ku ngingo y’ubucuruzi, abitabiriye iyi nama kandi basuzumye uko ubucuruzi nyambukamipaka bwanozwa hakurikijwe amabwiriza mu bucuruzi yashyizweho n’umuryango wa Afurika y’Iburasirazuba (EAC). Impande zombi kandi zemeye ko hakenewe gukurwaho imbogamizi zikigaragara mu bucuruzi hagati y’impande zombi, kugira ngo ubucuruzi bushingiye ku bukerarugendo, ubuhinzi, ubwubatsi n’ubukorikori butere imbere, nk’uko byagaragajwe na Minisiteri y’ububanyi n’amahanga ya Uganda.

Itsinda rihuriweho n’u Rwanda na Uganda rizwi nka JPC, (Joint Permanent Commission) ryashyizweho mu rwego rwo gusuzuma no kongera inzego z’imikoranire n’ubutwererane, ndetse no gukuraho imbogamizi zishobora kubangamira imikoranire myiza hagati y’impande zombi.

Abakurikiranywe muri izo dosiye na bo baragabanutse, bava ku bantu 82 mu mwaka wa 2025, bagera kuri 53 muri uyu mwaka wa 2026, aho na bo bagabanutse ku ijanisha rya 27.2 ku ijana.

Muri iyo shusho, umuvugizi w’urwego rw’igihugu rw’ubugenzacyaha RIB Dr. Murangira B. Thiery, yerekanye ko mu byaha byakozwe, icyaha cyo guhohotera uwacitse ku icumu rya Jenoside ari cyo cyiganje cyane, aho hari dosiye 22 zigishingiyeho, bingana na 44.9 ku ijana, naho icyaha cyo guhakana Jenoside cyo cyagaragaye muri dosiye 8, icyaha cyo gupfobya Jenoside cyo cyagaragaye muri dosiye 7, icyaha cyo guha ishingiro Jenoside, cyo cyagaragaye muri dosiye 6, icyaha cy’ingengabitekerezo ya Jenoside cyo kigaragara muri dosiye 4, icyaha cyo kuzimiza cyangwa gutesha agaciro ibimenyetso cyangwa amakuru y’ibyerekeye Jenoside, ndetse n’icyaha cyo gusenya, konona cyangwa gutesha agaciro urwibutso rwa Jenoside cyangwa ahashyinguye imibiri y’abazize Jenoside, hagaragaye dosiye imwe kuri buri cyaha.

Iyo shusho kandi, yerekana ko intara y’Amajyepfo ari yo yagaragayemo dosiye nyinshi ku kigero cya 29 ku ijana, naho intara y’Iburasirazuba ikaza ku mwanya wa kabiri aho yagaragayemo dosiye zingana n’ijanisha rya 27 ku ijana, naho ku rwego rw’uturere, akarere ka Gasabo ni ko kagaragayemo dosiye nyinshi, aho kihariye dosiye 5, kagakurikirwa n’uturere twa Gatsibo na Kayonza two mu ntara y’Iburasirazuba ndetse n’akarere ka Nyanza ko mu ntara y’Amajyepfo, aho buri karere kagize dosiye 4, naho akarere ka Rubavu ko mu Burengerazuba bw’u Rwanda n’aka Nyamagabe ko mu Majyepfo, two twagaragayemo dosiye 3 kuri buri karere, n’aho uturere twa Muhanga na Nyaruguru two mu Majyepfo, aka Nyamasheke ko mu Burengerazuba n’aka Nyagatare ko mu Burasirazuba, two twagaragayemo dosiye 2 kuri buri karere.

Ashingiye ku kuba icyaha cyo guhohotera uwacitse ku icumu rya Jenoside ari cyo cyiganje cyane, kandi abenshi mu bagikurikiranyweho baragikoze biturutse ku magambo babwiye abacitse ku icumu rya Jenoside yakorewe abatutsi, umuvugizi w’urwego rw’igihugu rw’ubugenzacyaha RIB Dr. Murangira B. Thiery, yavuze ko hagiye kubaho kwigisha ariko kujyana no guhana.        

Yagize ati, “Ibi byaha, ibyinshi muri byo ku kigero cya 90 ku ijana, bikorwa mu magambo abwirwa abarokotse Jenoside, ari amunnyega, ari amubabaza, ari amusubiza mu bihe bibi, cyangwa se ayo kumukomeretsa gusa. Iyo tuvuga ngo birakorwa mu magambo, tukumva ko ubukana bw’icyaha bwaba buri kugabanuka, ariko kandi tuzi ko ijambo ryica. Ibyo rero bikaduha umukoro wo kugumya kwigisha abantu no kubahana. Kwigisha bigomba kujyana no guhana, kuko ayo magambo ntabwo akwiriye kwihanganirwa n’uwo ari we wese.”

Dr. Murangira kandi, yanasabye abanyarwanda kwirinda gukora ibikorwa bo bashobora kwibwira ko nta cyo bitwaye, nyamara bishobora gukomeretsa bamwe mu barokotse Jenoside.

Yifashishije urugero rw’abahanzi b’indirimbo zo kwibuka, yagize ati, “Tujya tubona abantu bahimba indirimbo zo kwibuka. Ni byiza pe! Ariko hariho imyitwarire ubona bajya ku rwibutso n’uko bifata, ukabona ntibijyanye! Hari ababibona bashobora gukomereka. Twubahe ibihe turimo! Si ibihe byo kwirya,  kujya kwifotoza no kwigira ibintu biteye isoni. Twubahe ibihe turimo, ni ibihe biremereye!”

Uretse abahanzi kandi, Dr. Murangira B. Thiery, yanakebuye bamwe mu bantu batanga ubutumwa bifashishije imbuga nkoranyambaga, aho usanga bigisha abantu ububi bwa Jenoside, nyamara amagambo bakoresheje ugasanga ashobora kubyara icyaha. Mbere yo gukora ibiganiro byabo kuri izo mbuga, barasabwa kubanza kwihugura ku mateka ya Jenoside, nk’uko Dr. Murangira B. Thiery yabibasabye agira ati, “Rwose ufite umutima mwiza wo kwigisha, ariko nawe banza wihugure, udashiduka muri bya bintu ukora wakoreyemo ibyaha. Ufite umutima mwiza wo guhugura, ariko ushobora gusanga wakoreyemo ibyaha kubera inyito. Iyi ni content (Ingingo) ugomba kubanza kwihuguramo ukabimenya nawe, hato udakoresha amagambo adakwiriye, twajya mu mategeko tugasanga wakoze icyaha cyo gupfobya cyangwa guhakana.”

Ku kibazo cy’ingengabitekerezo ya Genocide ikigaragara mu Banyarwanda, umunyamabanga nshingwabikorwa w’umuryango Ibuka uharanira inyungu z’abarokotse Jenoside, Naftar Ahishakiye, agaragaza ko igikwiye ari ugukomeza kwigisha abanyarwanda Jenoside n’ububi bwayo, n’uko yasenye igihugu.

Yagize ati, “Igikwiye gukorwa, ni ugukomeza kwigisha abantu, mu miryango abantu bakwiye gutinyuka bakaganira kuri Jenoside yakorewe abatutsi, bakaganira ku ngengabitekerezo ya Jenoside, kandi ibintu bakabiganira mu mazina yabyo, abana bakabwirwa ukuri, uko Jenoside yateguwe, uko yakozwe, ingaruka yagize, n’impamvu umuntu adakwiye kubana n’ingengabitekerezo yayo uyu munsi.”

Dr. Murangira B. Thiery, yasoje asaba abantu kwirinda ibikorwa bishobora kuganisha ku byaha, haba ibikozwe binyuze mu kuvuga, cyangwa se ibindi bikorwa bishobora gutuma umuntu ubiketsweho akurikiranwa, nko gutema amatungo y’uwarokotse Jenoside, kumwangiririza ibihingwa n’ibindi, agaragaza ko uwo bizagaragaraho, ubutabera buzamukurikirana.

Mu gihe igikorwa cyo kubarura abaturage bo mu mugi wa Kigali ku ndangamuntu koranabuhanga cyasojwe tariki 2 Mata 2026, imibare itangwa n’ikigo cy’igihugu cy’indangamuntu NIDA, iragaragaza ko 98 ku ijana by’abanyakigali bamaze kubarurwa.

Ubuyobozi bw’ikigo cy’igihugu gishinzwe indangamuntu NIDA, bwagaragaje ko iyi mibare yazamuwe ahanini no gushyira ibiro by’ibarura hafi y’ahantu hahurira abantu benshi, nko mu bigo bitegerwamo imodoka za rusange, Imbuga City Walk, n’ahandi hatandukanye.

Umuyobozi mukuru w’ikigo cy’igihugu gishinzwe indangamuntu NIDA Josephine Mukesha, yabwiye ikinyamakuru The New times ko abacikanwe bashobora kwibaruriza mu bindi bice by’igihugu, aho igikorwa cyo kubarura abaturage kizakomereza.

Uyu muyobozi yabwiye iki kinyamakuru ati, “Ijanisha ry’ababarurwa rikomeje kuzamuka mu gihe turi kugera no mu tundi turere. Mu gihe twabaruraga mu mujyi wa Kigali, twabonye na bamwe mu baturage bo mu ntara y’Amajyepfo baza kwibaruza.”

Josephine Mukesha kandi, yanavuze impamvu asaba abaturage bo mu mujyi wa Kigali bacikanwe kuzajya kwibaruriza aho igikorwa kizaba kiri gukorerwa hirya no hino mu gihugu agira ati, “Twatanze iminsi y’inyongera yo kwibaruza, ariko muri iyo minsi, twakiraga abantu bake cyane. Ndashishikariza abacikanwe kuzagana abakarani bacu b’ibarura mu turere twa Ngoma, Bugesera na Kirehe.”

Utwo turere two mu ntara y’Iburasirazuba, ni two tuzaba dutahiwe mu gikorwa cyo kubarura, kuva tariki 21 Mata 2026.

Mukesha kandi, yanagarutse ku kibazo cy’abaturage bafite amakuru atuzuye cyangwa se atarakosowe, avuga ko umuturage ufite icyo kibazo ashobora guhura n’ingorane zo kugana abakarani b’ibarura inshuro zirenze imwe, bityo mu kwirinda uko gusiragira, aboneraho kugaragaza ko ikigo ayoboye cyatangije ubukangurambaga bwo gusuzuma amakuru y’umuturage, aho buri wese ufite telefone igendanwa ashobora kwisuzumira amakuru ye yanditswe mu gitabo cy’irangamimerere mbere yo kujya kwibaruza ku ndangamuntu koranabuhanga, aho yandika mu butumwa bugufi ijambo “Amakuru” hamwe na numero ye y’indangamuntu, akohereza ubwo butumwa kuri 3500.

Josephine Mukesha kandi, yanamaze impungenge abaturage bafite intege nke, nk’abageze mu za Bukuru n’abafite ubumuga badashobora kugera aho igikorwa cyo kubarurwa kizajya gikorerwa, avuga ko hashyizweho uburyo abo bantu bazajya begerwa.

Igikorwa cy’ibarura kandi, kizakorwa mu buryo budaheza buri wese, nk’uko ubuyobozi bwa NIDA bwabitanzeho umucyo, kuko ahazajya hakorerwa igikorwa cy’ibarura hazaba ari ahantu horohereza abafite ubumuga kuhagera, ikindi kandi, abafite ubumuga batazashobora gutanga ibimenyetso koranabuhanga biranga intoki, cyangwa se (Fingerprint), cyangwa iby’isura cyangwa se (Facial recognition) mu ndimi z’amahanga, na bo bazafashwa batange amakuru yabo ashobora kuboneka.

Ku bantu bafite kuva ku myaka 16 kuzamura, igihe bagiye kubarurwa, bazajya basabwa gutanga ibimenyetso koranabuhanga biranga umuntu, nk’iby’intoki (Fingerprint), iby’isura (Facial recognition), ndetse n’amakuru y’umuntu ku giti cye, nk’amazina ye, itariki y’amavuko, amazina y’ababyeyi be, ndetse n’aho umuntu atuye.

Abasanzwe bafite indangamuntu bazasabwa kuzerekana, naho abatazifite bo bazerekana ibindi byangombwa nk’icyemezo cy’amavuko, cyangwa se ibindi byangombwa byemewe bibaranga.

Nk’uko byatangajwe n’ikigo cy’igihugu gishinzwe indangamuntu NIDA, indangamuntu zisanzwe zikoreshwa mu Rwanda, zizasimburwa n’indangamuntu koranabuhanga mu kwezi kwa Kamena mu mwaka wa 2027, .

Kuva saa sita z’ijoro ku isaha ngengamasaha ya GMT, ni ukuvuga saa munani z’igicuku ku isaha yo mu Rwanda kuri uyu wa kane, muri Isiraheli ntihongeye kugabwa ibitero bya za Misile biturutse muri Iran, bityo ubutegetsi bwa Isiraheli na bwo butangaza isubikwa ry’ibihe bidasanzwe, aho amashuri ndetse n’inyubako zikoreramo abantu benshi harimo n’inkiko zari zifunze.

Ibitero bya Iran, byaturutse ku kuba Iran yaragabweho ibitero tariki 28 Gashyantare 2026 n’ubuyobozi bwa Isiraheli bufatanyije na Perezida wa Leta zunze ubumwe za Amerika Donald Trump, biturutse ku byifuzo byabo byo kubuza Iran gukomeza igisirikare cyayo, guca intege iki gihugu mu ikorwa ry’intwaro za Neuclear, ndetse no guhirika ubutegetsi bwa Kiyisilamu bwa Iran.

Kuwa gatatu w’iki cyumweru, impande zose zirebwa n’iyi ntambara, ziyemeje agahenge k’ibyumweru bibiri, ariko birasa n’aho ako gahenge gashobora kutamara igihe cyemeranyijwe, ahanini biturutse ku bitero igihugu cya Isiraheli gikomeje kugaba muri Libani, kandi ibyo bitero bikaba bigamije gushegesha umutwe wa Hezbollah ushyigikiwe na Iran.

Ubutumwa bw’umuvugizi w’urukiko rw’i Tel Aviv ari na rwo ruburanisha Bwana Netanyahu bwashyizwe ahagaragara kuri uyu wa kane buragira buti, “Nyuma y’isubikwa ry’ibihe bidasanzwe, bigatuma urwego rw’ubutabera rwongera gukora nk’uko byari bisanzwe, imanza zose zigiye kongera kuburanishwa nk’uko byari bisanzwe.” Ubwo butumwa bwongeraho ko Netanyahu azajya aburana buri ku Cyumweru na buri wa Gatatu.

Bwana Netanyahu, arahakana ibyaha byose ashinjwa birimo Ruswa, ubujura ndetse no gusuzugura inzego z’ubugenzacyaha muri icyo gihugu mu mwaka wa 2019, nyuma y’imyaka myinshi uyu mugabo akorwaho iperereza.

Netanyahu kandi, ni we minisitiri w’intebe wa mbere wa Isiraheli ukiri ku mwanya we urezwe mu nkiko ibyaha biri ku rwego rw’impanabyaha. Urubanza rwe rwatangiye mu mwaka wa 2020, ariko rugenda rusubikwa biturutse ku nshingano afite, ndetse nta n’amatariki atangazwa urubanza rwe ruzapfundikirirwaho, ndetse aramutse ahamijwe n’urukiko ibyaha ashinjwa, ashobora gukatirwa ibihano birimo n’igifungo.

Perezida wa Leta zunze ubumwe za Amerika Donald Trump, uzwiho kuba inshuti ikomeye ya Netanyahu, yashyigikiye icyifuzo cya Netanyahu cyo gusaba Perezida wa Isiraheli Isaac Herzog kugenera imbabazi z’umukuru w’igihugu Bwana Netanyahu, kandi ko mu gihe Netanyahu yakwitaba inkiko mu buryo buhoraho, bishobora kugira ingaruka mbi ku gukora akazi ke neza.

Ibiro bya Perezida Isaac Herzog, byatangaje ko abagize akanama gashinzwe iby’imbabazi z’umukuru w’igihugu kabarizwa muri minisiteri y’ubutabera muri Isiraheli, kazakusanya ibitekerezo, maze kakabigeza ku mujyanama wa Perezida mu by’amategeko, maze na we akageza icyo cyifuzo kuri Perezida, ariko na none, Perezida Isaac Herzog, yibukije ko nta mbabazi z’umukuru w’igihugu zishobora gutangwa mu gihe urubanza rutarasomwa.

Ibi byaha byose Netanyahu ashinjwa, hiyongereyeho ibindi byaha ashinjwa kuba yarakoze nyuma y’uko umutwe wa Hamas ugabye ibitero kuri Isiraheli mu kwezi kw’Ukwakira mu mwaka wa 2023, byagabanyije icyizere afitiwe n’abaturage ba Isiraheli.

Mu kwezi kw’Ukwakira 2026, igihugu cya Isiraheli kizagira amatora y’abagize inteko ishinga amategeko, aho ishyaka rifite intebe nyinshi, ari ryo rihitamo uzaba Minisitiri w’intebe w’iki gihugu, ariko abasesenguzi benshi mpuzamahanga mu bya politiki, baremeza ko ishyaka rya Netanyahu ndetse n’amashyaka yose amushyigikiye bigoye ko azatsinda.

Icyo gikorwa, cyabaye kuwa kabiri tariki 7 Mata 2026, kibera mu nyubako ikoreramo umuryango w’abibumbye iri i Nairobi muri Kenya, witabirwa n’umuryango nyarwanda ubarizwa muri Kenya, bamwe mu bahagarariye ibihugu byabo muri Kenya, sosiyete sivile iri muri icyo gihugu, ndetse na bamwe mu bayobozi y’amadini ya gikristu ikorera muri icyo gihugu.

Abatanze ibiganiro muri icyo gikorwa, bagarutse ku kuba genocide yakorewe abatutsi mu mwaka wa 1994, ari amwe mu mateka mabi yaranze ikiremwamuntu, kuko genocide yakorewe abatutsi mu mwaka wa 1994, yatwaye ubuzima bw’inzirakarengane zirenga miliyoni mu minsi 100 gusa, bityo bahamagarira isi yose kwikiriza intero ya “Ntibizongere ukundi”.

Abatanze ibiganiro kandi, banagarutse ku kibazo cy’umutekano muke ukomeje kugaragara mu Burasirazuba bwa Repubulika ya Demokarasi ya Kongo, bakomoza ku mvugo z’ivangura zikomeje kugaragara muri icyo gihugu, bagaragaza ko zibangamiye inzira y’amahoro muri ako gace, basaba umuryango mpuzamahanga kwirinda ko ibyabaye mu Rwanda byaba no muri Repubulika ya Demokarasi ya Kongo, cyane ko guceceka kw’amahanga kwatumye genocide yakorewe abatutsi igira ubukana.

Serge Rwigamba warokotse genocide yakorewe abatutsi mu mwaka wa 1994 ariko ikamutwara abari bagize umuryango we bagera kuri 15, yatanze ubuhamya agaragaza uburyo abakoze genocide bafatanyije n’abari abayobozi b’igihugu icyo gihe, bakoze ibitero byinshi aho yari atuye, ari na byo byiciwemo abe.

Muri icyo gikorwa cyo kwibuka ku nshuro ya 32 genocide yakorewe abatutsi cyabereye i Nairobi, abahanzi b’indirimbo, imivugo, ndetse n’ubuhamya bwatanzwe na Serge Rwigamba, byose bigaragaza inkovu zatewe na genocide yakorewe abatutsi mu mwaka wa 1994, guhamagarira amahanga ko abagize uruhare muri genocide bakihishahisha bagezwa imbere y’ubutabera, ndetse n’inzira yo kwiyubaka no kwimakaza politiki y’ubumwe n’ubudaheranwa u Rwanda rwahisemo.

Mu izina ry’umunyamabanga mukuru w’umuryango w’abibumbye Antonio Guterres, umuyobozi w’ibiro by’uyu muryango bikorera muri Kenya ari we Zainab Bangura, yatanze ubutumwa agaragaza ko umuryango mpuzamahanga watereranye u Rwanda, kandi wananiwe guhagarika genocide, maze asaba ko hafatwa ingamba zikwiriye zo kwirinda ko ibyabaye mu Rwanda byaba aho ari ho hose ku isi.

Muri ubwo butumwa, Antonio Guterres yagize ati, “Mu myaka 32 ishize, u Rwanda rwababaye kubera ibihe bikomeye rwanyuzemo. Hari imiryango yazimiye. Twunamiye abazize genocide, kandi turubaha n’abayirokotse. Turibuka kandi ugutsindwa kw’umuryango mpuzamahanga, kuko nta cyo wakoze kugira ngo hirindwe ko genocide ibaho.”

Antonio Guterres kandi, yashimangiye ko hakenewe kongerera ingufu imiryango mpuzamahanga ishobora kubona ibimenyetso by’ubwicanyi ndengakamere, ndetse no gufasha mu kwirinda ubwo bwicanyi hakiri kare.

Yagize ati, “Dukeneye gufasha imiryango mpuzamahanga ishobora kudufasha kwirinda hakiri kare ibikorwa by’ubwicanyi ndengakamere. Reka uyu munsi utubere intangiriro yo gushyira hamwe dushimangira kwibuka, gutega amatwi ndetse no gukora.”

Ambasaderi w’u Rwanda muri Kenya, Ernest Rwamucyo, yagaragaje ko u Rwanda rukomeje guhangana n’amateka yarwo ababaje, binyuze mu ntambwe rukomeje gutera mu kwiyubaka ndetse n’ubumwe bw’abanyarwanda.

Yagize ati, “Genocide ni amateka yacu kandi ntidushobora kuyahunga. Urugendo rwo kwiyubaka duhereye hasi, si ikintu cyoroshye, ahubwo ni ikintu gisaba gukomera.” 

Ambasaderi Rwamucyo kandi, yanongeyeho ko kwibuka ari igikorwa cy’ingirakamaro, kuko gituma amateka mabi yaranze u Rwanda adashobora kwisubiramo.

Dennis Mburu, umuyobozi wungirije ushinzwe Afurika muri Minisiteri y’ububanyi n’amahanga wa Kenya, ari na we wari uhagarariye Leta y’iki gihugu muri iki gikorwa, we yavuze ko genocide yakorewe abatutsi mu mwaka wa 1994 ari ugutsindwa gukomeye kw’ikiremwamuntu.

Yagize ati, “Uku kwabaye ugutsindwa gukomeye kw’ikiremwamuntu. Turazirikana ingaruka mbi zatewe na genocide yakorewe abatutsi, kandi nka Kenya, twishimiye gushimangira ubushake dufite bwo gukomeza gukorana n’u Rwanda.”

Abitabiriye icyo Gikorwa, bacanye urumuri rw’icyizere, ndetse banashyira indabo ahabugenewe mu rwego rwo kunamira no guha icyubahiro abazize genocide yakorewe abatutsi mu mwaka wa 1994.

Uretse muri Kenya, no mu bindi bihugu u Rwanda rufitemo ababihagarariye, ndetse no ku cyicaro gikuru cy’umuryango w’abibumbye kiri i New York muri Leta zunze ubumwe za Amerika, tariki 7 Mata 2026, habereye igikorwa cyo kwibuka ku nshuro ya 32 genocide yakorewe abatutsi mu mwaka wa 1994.

Uyu muhango wabereye ku rwibutso rwa genocide rwa Kigali i Gisozi, aho umukuru w’igihugu ndetse na Madame we Jeanette Kagame babanje gushyira indabo ku mva ziruhukiyemo imibiri isaga ibihumbi 250 y’abatutsi bishwe muri genocide, kunamira abazize genocide yakorewe abatutsi, ndetse no gucana urumuri rw’icyizere rukomeza kwaka kugeza iminsi 100 yo kwibuka genocide yakorewe abatutsi irangiye.

Mu ijambo rye, umukuru w’igihugu, yahereye ku mateka igihugu cyanyuzemo ndetse n’ubuhamya bwatanzwe n’uwarokotse genocide yakorewe abatutsi mu mwaka wa 1994, maze agaragaza ko u Rwanda rudashobora gupfa kabiri.

Yagize ati, “Ntabwo wakwica umuntu kabiri. Ubigerageje, azakwica mbere y’uko umwica. Ubwo turi aha mutureba, bamwe bajya bashinyagura bavugira hanze, igihugu cyose, igihugu cy’u Rwanda ureba, ntabwo gishobora gupfa kabiri. Mbere y’uko wakwica u Rwanda, ruzakwica. Ntabwo wakwica abantu kabiri ntibibaho, uko utureba uku ntitwapfa kabiri. ari twe bakuru, ari abana bacu, nta wuzabica kabiri ntibishoboka, ntabwo byakunda. Tuzabaho, nk’uko abantu bakwiriye kuba babaho, nk’uko abandi bantu abo ari bo bose babaho, byanze bikunze nta we twabisaba.”

Nyakubahwa Perezida wa Repubulika y’u Rwanda Paul Kagame kandi, yongeye gushimangira ko u Rwanda rutazongera kuba mu icuraburindi rya Genocide, mu ijambo rye agira ati, “Abanyarwanda bazi neza ikiguzi cyo kwihanganira ubuhezanguni, kandi ihame shingiro tugenderaho mu by’umutekano ni ugushyira imbere kurengera ubuzima bw’abaturage bari mu kaga. Nyuma ya genocide, abanyarwanda twahisemo kongera kubaka igihugu cyacu twese hamwe, ibyo kandi bikajyana n’isezerano ryo kutazigera na rimwe twemera ko politiki ya genocide yongera kugira aho ishinga imizi mu Rwanda. Reka mbabwire. Genocide ntishobora kubaho ukundi hano, ntizongera kubaho ukundi.”

Uretse u Rwanda, tariki 7 Mata buri mwaka ku isi yose, ni umunsi mpuzamahanga wo kuzirikana genocide yakorewe abatutsi mu mwaka wa 1994, nk’uko bikubiye mu myanzuro y’umuryango w’abibumbye yo ku matariki ya 23 Ukuboza 2003, ndetse na 26 Mutarama 2018.

Dr. MURANGIRA B. Thierry kandi, yanagarutse ku bantu bafata ingendo zo hanze y’igihugu mu rwego rwo gufata akaruhuko cyangwa se gukora ibitaramo, maze abakebura agira ati, “Hari n’ibikorwa twagiye tubona, ntabwo bigize ibyaha ariko si ibyo gushimwa, ni ibyo kugawa. Ugasanga abantu bamwe, abahanzi bamwe, bambuka bakajya gukorera ibitaramo mu bindi bihugu! Oya! Ntabwo iki gihe ari igihe cyo kugenda, ahubwo ni igihe cyo kugira ngo dufatanye. Cyangwa se ugasanga abandi ngo bigiriye muri vacances, ngo mu Rwanda, ngo ibintu byose, Oya! Kwibuka ntabwo bikuraho akandi kazi twari dusanzwe dukora.”

Uyu muvugizi kandi, yanibukije abanyarwanda kwirinda inzira zose zituma bashobora kugwa mu byaha muri iki gihe cyo kwibuka ku nshuro ya 32 genocide yakorewe abatutsi mu mwaka wa 1994 agira ati, “Hari ibikorwa bimwe na bimwe tuba tudakwiriye gukora, kuko ibyinshi usanga bivamo n’ibyaha. Urugero rumwe nabaha, abantu bari bicaye mu kabari banywa inzoga bashyizeho umuziki mu gihe cyo kwibuka, umuntu arinjira arababwira ati, “Ese iki ni cyo gihe cyo kuba mwakwishimisha bigeze aha?” Umwe avamo arababwira ati, “Ariko namwe abarokotse, musigaye mwirata. Iyo bigeze mu gihe cyo kwibuka, muba mwirase ntituzi ibyo muba mwigize.” Ibyo ngibyo bihise bituma akora icyaha. Ni ibyo bikorwa rero tugenda twirinda kugira ngo bitatuganisha mu cyaha.”

Mu mwaka ushize wa 2025 ubwo hibukwaga ku nshuro ya 31 Genocide yakorewe abatutsi, urwego rw’igihugu rw’ubugenzacyaha RIB, rwatangaje ko mu cyumweru cy’icyunamo, rwakiriye ibirego 82 bifitanye isano n’ingengabitekerezo ya genocide, aho hakurikiranywe abantu 87, ibyo birego bikaba byariyongereye ugereranyije n’umwaka wari wabanje, kuko uru rwego rwakiriye ibirego 32, naho abantu 53 bakaba barakurikiranywe.

Uku kwiyongera kw’ibi byaha, guhuzwa n’imvugo z’urwango n’amacakubiri zikomeje kwiyongera mu gihugu gituranyi cya Repubulika ya Demokarasi ya Kongo, aho abaturage b’icyo gihugu bavuga ururimi rw’Ikinyarwanda biganjemo abatutsi bakomeje guhohoterwa, kuburabuzwa ndetse no kwicwa, kandi ababikora bagakomeza gukingirwa ikibaba n’ubutegetsi bwa Repubulika ya Demokarasi ya Kongo.

Aya magambo ya Perezida Trump, arasa no kwerura ko yifuza gukura igihugu cye mu muryango wo gutabarana wa OTAN, dore ko yakunze kugaragaza iki gitekerezo mu bihe bitandukanye by’ubuyobozi bwe, ibyo bikanagaragazwa n’igitabo cyanditswe n’uwahoze ari umunyamabanga wa OTAN, Bwana Jens Stoltenberg, aho yanditse ko kuri Manda ya mbere ya Perezida Donald Trump, yakunze kugaragaza ibimenyetso byo gushaka gukura igihugu cye mu muryango wa Otan.

Amagambo ya Perezida Trump, aje n’ubundi umubano wa Leta zunze ubumwe za Amerika n’ibihugu byo ku mugabane w’uburayi utifashe neza, ahanini biturutse ku kuba bimwe mu bihugu birimo Ubwongereza, byaranze gufasha Leta zunze ubumwe za Amerika gufungura ku ngufu umuhora wa Hormuz wafunzwe na Iran.

Mu magambo asa n’aya Perezida Trump, umunyamabanga wa Leta zunze ubumwe za Amerika ushinzwe ububanyi n’amahanga Marco Rubio, yavuze ko Leta zunze ubumwe za Amerika zizasuzuma neza umubano wazo n’umuryango wa Otan intambara yo muri Iran nirangira.

Marco Rubio yagize ati, “Ese uyu muryango, wabaye umuryango wungura uruhande rumwe gusa?” Yibajije atyo mu kiganiro n’itangazamakuru, abitewe no kuba ibihugu binyamuryango byarangiye Leta zunze ubumwe za Amerika gukoresha inkambi zabyo za Gisirikare n’ikirere cyabyo mu kugaba ibitero kuri Iran.

Amasezerano ashyiraho umuryango wo gutabarana wa OTAN, ntategeka ibihugu binyamuryango gushyigikira ibitero byakozwe n’igihugu kimwe, nk’uko Leta zunze ubumwe za Amerika zabigenje zigaba igitero kuri Iran. Gusa mu ngingo ya 5 y’aya masezerano, harimo ko mu gihe igihugu kinyamuryango gitewe, by’umwihariko mu bice bigenzurwa na cyo, aba ari muryango wose uba utewe, ibihugu byose binyamuryango bigomba gufatira hamwe umwanzuro wa politiki mbere y’uko ibikorwa byo kurwanya uwabateye bitangira, ndetse kandi, buri gihugu kinyamuryango gifite uburenganzira bwo kwifatira igisubizo cyacyo, ndetse ntikinategekwa gukoresha ingabo zacyo. Amakimbirane yose ari hanze y’ubutaka bw’umuryango wa OTAN, harimo n’ikibazo cy’intambara yo muri Iran, ntikiri mu masezerano ashyiraho uyu muryango, ibyatumye ibihugu binyamuryango bisa n’ibiceceka muri iyi ntambara.

Birasa n’aho amagambo ya Perezida Trump nta cyo azahindura, kuko byinshi mu bihugu binyamuryango muri OTAN bisa n’ibitarahindura uruhande mu ntambara yo muri Iran. Nk’ubu, Minisitiri w’intebe w’Ubwongereza SIR Keir Starmer, yavuze ko igihugu cye kititeguye kujya muri iyi ntambara, ahubwo ko cyiteguye kwakira ibiganiro hamwe n’abafatanyabikorwa mpuzamahanga mu rwego rwo gufungura umuhora wa Hormuz.

Mu kiganiro SIR Keir Starmer yagiranye n’itangazamakuru mu murwa mukuru w’Ubwongereza ari wo Londres, yagize ati, “Ngomba guhagararira inyungu zacu.” Uyu muyobozi kandi yanongeyeho icyifuzo cy’igihugu cye ko ari ukugabanya umwuka mubi hagati y’impande zishyamiranye binyuze muri dipolomasi, kugira ngo ibikomoka kuri peteroli bidakomeza guhenda cyane.

Kugeza ubu, umuhora wa Hormuz uracyari umutima w’ikibazo cyatejwe n’iyi ntambara, kuko ifungwa ryawo ryatumye igiciro cy’akagunguru ka Peteroli itunganyijwe kirenga amadolari 100 y’abanyamerika, nubwo igiciro cyako cyagiye kigabanuka buhoro buhoro, bitewe n’amagambo yagiye avugwa n’abayobozi ba Leta zunze ubumwe za Amerika na Iran, ko intambara ishobora kurangira vuba, nubwo kuri Iran by’umwihariko, Perezida w’iki gihugu Masoud Pezeshkian, we yavuze ko iyi ntambara izarangira niba igihugu cye gihawe ibihamya ko kitazongera guterwa, naho Perezida Trump we ku ruhande rwa Leta zunze ubumwe za Amerika akaba yaravuze ko iyi ntambara izarangira mu byumweru bike.

Amakimbirane mu muryango wo gutabarana wa OTAN, ntiyatejwe n’intambara yo muri Iran gusa, kuko no mu minsi yashize, Perezida wa Leta zunze ubumwe za Amerika Donald Trump yashyiriyeho imisoro y’inyongera ku bihugu byose byabangamiye ko Leta zunze ubumwe za Amerika zigarurira zikanagenzura ikirwa cya Greenland, gifatwa nk’igice kiyoborwa n’igihugu cya Denmark gisanzwe ari n’igihugu kinyamuryango muri Otan. Perezida Trump, yavuze ko igihugu cyose kizitambika icyifuzo cye cyo kwigarurira Greenland kizahura n’ibibazo by’ubukungu, ndetse anavuga ko Denmark iyoboye ikirwa cya Greenland mu buryo yise “urwenya”

Ubwo yaganiraga y’ikinyamakuru The New Times, umuyobozi mukuru w’ikigo cy’igihugu cy’indangamuntu (NIDA) Josephine Mukesha, yavuze ko mu mwaka wa 2027, indangamuntu koranabuhanga, ari yo izajya ikoreshwa muri serivisi zose, haba iza Leta cyangwa iz’abikorera, nk’iz’amabanki, iz’ibigo by’itumanaho n’iz’ubuvuzi.

Uyu muyobozi kandi, yanaburiye abaturage batifuza guhabwa indangamuntu koranabuhanga, avuga ko uzaba atayifite azagorwa no kubona serivisi yahabwaga ku ndangamuntu isanzwe.

Uretse kuba ino ndangamuntu izoroshya itangwa rya serivisi, umuyobozi wa NIDA yavuze ko amakuru y’ikoranabuhanga y’umuntu azaba afite umutekano usesuye, kuko we ubwe ari we uzaba afite uburenganzira bwo kwemerera abandi kuyageraho.

Iyi ndangamuntu koranabuhanga, izahabwa abanyarwanda bose uhereye ku bana bakivuka, ibi bisobanuye ko imyirondoro y’umwana ukivuka izajya ihita yandikwa, bitandukanye n’uburyo bwakoreshwaga ku ndangamuntu isanzwe, aho uwabaga yemerewe kuyitunga, ari umunyarwanda wujuje imyaka 16 y’amavuko.

Uretse abanyarwanda bose uhereye ku bana bakivuka, indangamuntu koranabuhanga, izahabwa impunzi ndetse n’abanyamahanga baba mu Rwanda.

Iyi ndangamuntu koranabuhanga, ni kimwe mu bikorwa bya Guverinoma y’u Rwanda bigize politiki yo kwihutisha iterambere (NST2, yo kuva mu mwaka wa 2024 kugeza mu mwaka wa 2029, aho u Rwanda rufite intego yo kongera umuvuduko w’iterambere ry’ubukungu bw’igihugu, ndetse no guteza imbere ubukungu bushingiye ku ikoranabuhanga.

Mu busesenguzi bwashyizwe ahagaragara n’urubuga rwa internet rwa GovInsider, Ambasaderi w’u Rwanda muri Singapore, wanabaye umuyobozi mukuru w’ikigo cy’igihugu gishinzwe ikoranabuhanga mu itumanaho n’isakazabumenyi (RISA) Ambasaderi Innocent Muhizi, yagendeye ku bikorwa byo guteza imbere ikoranabuhanga mu Rwanda, maze agaragaza ko u Rwanda ari urugero rwiza rugaragaza abayobozi bitaye ku guteza imbere umusaruro, kudaheza mu by’imari ndetse no kongera amahirwe y’ishoramari mu gihugu.

Uretse iyi ndangamuntu koranabuhanga, Ambasaderi Muhizi, yanagarutse ku zindi serivisi z’ikoranabuhanga zikoreshwa mu Rwanda, nk’uburyo bwo guhererekanya amafaranga binyuze kuri telefoni zigendanwa buzwi nka EKash, urubuga rw’Irembo rusabirwaho serivisi za Leta, nk’uburyo bworohereje abanyarwanda gukoresha ikoranabuhanga mu by’imari, ndetse no kugabanya icyuho cya ruswa.

Ibikorwaremezo bishingiye ku ikoranabuhanga byashyizweho na Leta y’u Rwanda, harimo n’indangamuntu koranabuhanga, bikubiye mu mushinga ugamije guteza imbere ubucuruzi na serivisi zishingiye ku ikoranabuhanga, cyangwa se Rwanda Digital Acceleration Development Project (RDAP) mu cyongereza, aho u Rwanda ruwushyira mu bikorwa ku nkunga ya Banki y’isi ifite agaciro ka Miliyoni 200 z’amadolari ya Amerika.

Minisitiri w’ububanyi n’amahanga w’Ubufaransa, Jen-Noël Barrot, yavuze ko igihugu cye kitashyizweho igitutu n’uwo ari we wese, ko ahubwo cyahisemo gutumira igihugu cya Kenya bitewe n’imirongo migari yashyizweho na G7.

Umwe mu bayobozi bakuru mu biro by’umukuru w’igihugu muri Leta zunze ubumwe za Amerika bizwi nka “White house”, na we yunze mu ry’Ubufaransa, avuga ko icyemezo cyo gutumira igihugu cya Kenya, cyaturutse ku biganiro byahuje ibihugu bigize umuryango wa G7. Yagize ati, “Ntitwigeze dusaba Ubufaransa gukuraho ubutumire bwahawe Afurika y’epfo.” Ndetse yongeraho ko Washington ihaye ikaze Kenya muri iyo nama.

Umubano hagati ya Pretoria na Washington wakomeje kuzamba, bitewe n’uko perezida wa Leta zunze ubumwe za Amerika Donald Trump atishimiye ikirego Afurika y’Epfo yajyanye mu rukiko mpuzamahanga rw’Ubutabera cyangwa se ICJ mu magambo ahinnye y’icyongereza, aho yashinjaga Israel gukorera genocide abaturage ba Gaza, maze na Trump akavuga ko abaturage bafite uruhu rwera bazwi nka White Afrikaners batuye aho muri Afurika y’epfo bakomeje kwicwa. Nyuma kandi, Perezida Trump yahise ashyiraho inyongera ku misoro ingana na 30 ku ijana ku bicuruzwa byose biva muri Afurika y’epfo bigacuruzwa ku masoko yo muri Amerika, nubwo urukiko rw’ikirenga rwa Amerika rwatesheje agaciro itegeko ry’imisoro rya Perezida Trump.

Leta zunze ubumwe za Amerika kandi, zanze kwitabira inama y’ibihugu 20 bikize ku isi bihuriye mu muryango wa G20 yabereye i Johannesburg mu mwaka ushize, ndetse zinakura Afurika y’Epfo mu bihugu bizitabira inama zose z’uwo muryango wa G20, kuko Leta zunze ubumwe za Amerika ari zo zifite intebe y’ubuyobozi bwawo uyu mwaka.

Mu kwezi kw’Ugushyingo 2025, Perezida w’Ubufaransa Emmanuel Macron, ubwo yari yitabiriye inama y’umuryango wa G20, ku giti cye yahaye ubutumire bwo kuzitabira inama ya G7 izabera mu gace ka Evian-les-Baines mu Bufaransa, kuva tariki 15 kugeza tariki 17 Kamena 2026. Uretse igihugu cya Kenya, ubuyobozi bw’Ubufaransa, bwatangaje ko ibindi bihugu byatumiwe muri iyo nama ari Ubuhinde, Koreya y’Amajyepfo ndetse na Brazil.

Ryzhenkov kandi, yongeyeho ko Perezida Lukashenko yasabye abo bireba kwihutisha iyemezwa ry’amasezerano azatuma abaturage b’ibihugu byombi bagenderana nta viza basabwe.

 “Muri rusange, twasinyanye amasezerano y’ubucuti n’ubufatanye. Bityo rero, tugomba gusuzuma byinshi bizashingirwaho ejo hazaza muri ubwo bucuti bwacu.” Yavuze atyo, agaragaza ko bimwe mu bizibandwaho mu guteza imbere ubutwererane hagati y’ibihugu byombi, harimo ubuhinzi, ubuzima n’uburezi.

Amagambo y’uyu muyobozi, aje nyuma y’umunsi umwe gusa Minsk na Pyongyang bisinyanye amasezerano y’ubucuti ubwo Perezida Lukashenko yasuraga Koreya y’Amajyaruguru bwa mbere kuva yatangira kuyobora igihugu cya Belarus. Ubwo yari amaze guhura n’umuyobozi wa Koreya y’amajyaruguru Kim Jong un, perezida Lukashenko yavuze ko umubano mwiza hagati y’ibihugu byombi winjiye mu cyo yise, “intambwe y’ingenzi kandi nshya.”

Gutangira gutegura ifungurwa rya Ambasade ya Belarus muri Koreya y’Amajyaruguru, bije nyuma y’uko igihugu cya Koreya y’Amajyaruguru gifunguye ambasade yacyo muri Belarus mu mwaka wa 2016.

Mu magambo ye, Papa Leo XIV yagize ati, “Ntidushobora guceceka, kandi hari abantu bari kubabara, byongeye kandi, inzirakarengane zitagira uwazirinda, ni zo ziri gusiga ubuzima muri aya makimbirane.”

Amagambo ya Papa Leo wa XIV, aje mu gihe intambara ibihugu bya Leta zunze ubumwe za Amerika na Israel byashoje kuri Iran yinjiye mu cyumweru cyayo cya kane.

Nyamara, si ubwa mbere Leta ya Vatican igira icyo ivuga kuri iyi ntambara, kuko no kuwa gatatu tariki 18 Werurwe 2025, uwagereranywa na Minisitiri w’ububanyi n’amahanga wa Vatican ari na we mudipolomate mukuru w’iyi leta, Karidinali Pietro Parolin, yari yavuze ko yahamagariye perezida wa Leta zunze ubumwe za Amerika Donald Trump kurangiza iyi ntambara vuba bishoboka, ndetse anahamagarira ubuyobozi bw’igihugu cya Israel guhagarika ibitero gikomeje kugaba muri Libani.

Uru ruzinduko rwa Madame Nkulikiyinka, ni kimwe mu bikorwa bya Dipolomasi bikomeje gukorwa na Guverinoma y’u Rwanda, mu rwego rwo gushakira amajwi Madame Louise Mushikiwabo, kugira ngo atorerwe kuba umunyamabanga wa OIF kuri Manda ya gatatu. Mu bikorwa bisa n’iki, mu ntangiriro z’iki cyumweru, minisitiri w’ububanyi n’amahanga, Ambasaderi Olivier Nduhungirehe, yari yahuye n’ubuyobozi bw’igihugu cya Djibouti, ndetse kandi na Minisitiri w’imikino, Nelly Mukazayire, na we yari yahuye n’abayobozi b’ibihugu bya Sénégal ndetse na Mauritania.

Biteganyijwe ko amatora y’umunyamabanga mukuru wa OIF azaba mu kwezi kw’Ugushyingo uyu mwaka, mu murwa mukuru w’igihugu cya Cambodje ari wo Phnom Penh, ubwo hazaba hari kuba inama y’uyu muryango.

Madame Louise Mushikiwabo, amaze kuyobora uyu muryango kuri Manda ebyiri. Bwa mbere, yatowe mu mwaka wa 2018, ndetse yongera gutorwa mu mwaka wa 2022. Uyu wahoze ari minisitiri w’ububanyi n’amahanga natsinda amatora yo muri uyu mwaka, azaba abaye umuntu wa kabiri mu mateka y’uyu muryango ubaye umunyamabanga mukuru wawo kuri manda eshatu.

Kuwa gatanu tariki 20 Werurwe 2026, Perezida Trump, yari yashinje ibihugu binyamuryango by’umuryango wo gutabarana wa NATO kutamufasha kugira ngo ubunigo bwa Hormuz bufungurwe, ariko yongeraho ko azabyikorera we ubwe.

Kugeza ubu, nta muyobozi wa kimwe mu bihugu by’inshuti za Amerika wari wavuga ko ashyigikiye icyemezo cya Trump cyo guha igihugu cya Iran igihe ntarengwa cyo gufungura ubunigo bwa Hormuz, kuko nka minisitiri w’imibereho myiza mu Bwongereza Steve Reed, we yanze gusubiza itangazamakuru niba ashyigikiye cyangwa se adashyigikiye uruhande rwa perezida Trump, naho minisitiri w’ububanyi n’amahanga w’Ubuyapani, Toshimitsu Motegi, we yavuze ko igihugu cye gishobora gutekereza kohereza ingabo mu rwego rwo kurinda ubunigo bwa Hormuz, ariko mu gihe impande zombi zihanganye zaba zemeranyije guhagarika intambara.

Ubunigo bwa Hormuz, ni bwo bufatiye runini icuruzwa ry’ibikomoka kuri Peteroli ku isi, kuko bunyuzwaho hafi kimwe cya kane cya Peteroli icuruzwa ku isi yose.

Ishami ry’umuryango w’abibumbye ryita ku buzima OMS, na ryo ryemeje iby’icyo gitero, rivuga ko muri abo bantu 64 bishwe, harimo abana 13, abaforomo 2 ndetse n’umuganga 1, abandi bantu 89 na bo barakomeretse, ndetse kandi icyo gitero cyatumye ibyo bitaro bidashobora kongera gukora.

Mu butumwa yanyujije ku rubuga nkoranyambaga rwa X, umuyobozi w’iryo shami, Tedros Adhanom Ghebreyesus yasabye impande zose zihanganye guhagarika intambara agira ati, “Amaraso menshi yaramenwe.” “Mu myaka isaga itatu ishize, OMS imaze kubarura abantu 2036 bishwe mu bitero 213 bitandukanye byagabwe ku nzego z’ubuzima, harimo n’igitero cyo ku ijoro ryo kuwa gatanu.” “Igihe kirageze ko intambara ihagarara muri Sudan, maze abaturage, abatanga serivisi z’ubuzima ndetse n’iz’ubugiraneza bakarindwa.” Inzego z’ubuzima, ntizigomba kugabwaho ibitero, amahoro ni wo muti uruta iyindi.”

Gusa, ingabo za Leta ya Sudan, na zo zavuze ko zatunguwe n’ibyo zishinjwa ko ziri inyuma y’iki gitero, ahubwo zivuga ko zubaha amahame n’amategeko mpuzamahanga, ariko itsinda ry’abanyamategeko bakomoka muri Sudan kandi badafite aho babogamiye, basabye umuryango mpuzamahanga gutangiza iperereza ryigenga kandi rinyuze mu mucyo, kugira ngo abakoze icyo gitero bajyanwe imbere y’ubutabera.

Igihugu cya Sudan, cyinjiye mu bihe by’umutekano muke mu kwezi kwa Mata mu mwaka wa 2023, ubwo perezida w’iki gihugu, Abdel Fattah al-Burhan, yari atangiye kutavuga rumwe n’uwari umwungirije, Mohamed Hamdan Dagalo. Kugeza ubu, abarenga ibihumbi 150 bamaze guhitanwa n’iyi ntambara, naho abanttu miliyoni 12, hafi kimwe cya gatatu cy’abaturage ba Sudan bose, bamaze guhunga iyi ntambara, ndetse umuryango w’abibumbye wise iyi ntambara, ikibazo kibangamiye uburenganzira bw’ikiremwamuntu kurusha ibindi byose ku isi.

Iki kirego, cyari cyaratanzwe n’umushoramari witwa Giuseppe Pampena, ahagarariye abashoramari bose bashoye imari yabo muri Twitter kuva hagati mu kwezi kwa Gicurasi kugeza mu ntangiriro z’Ukwakira mu mwaka wa 2022, ari na wo mwaka Elon Musk yaguzemo uru rubuga nkoranyambaga rwahinduye izina mu mwaka wakurikiyeho, rukaba rwitwa X.

Urwo rubanza, ruteganya ko Elon Musk agomba kwishyura abashoramari amafaranga ari hagati y’amadorari 3 n’amadorari 8 ku mugabane mu gihe cy’iminsi yose ayo makuru y’ibinyoma kuri Twitter yandikwaga, bityo abanyamategeko b’abo bashoramari bakaba babona ko amafaranga yose hamwe Elon Musk ashobora kwishyura, ari hagati ya Miliyari 2 na Miliyari 2 n’igice z’Amadolari.

Kugeza ubu, Elon Musk nta cyo aravuga ku byo yahamijwe, ariko igica amarenga ko uyu mugabo ashobora kuzajurira, ni uko abanyamategeko be bibukije ibiro ntaramakuru by’abafaransa (AFP) ko ikirego nk’icyo yakigizweho umwere muri Leta ya Texas, ubwo akanama k’inyangamugayo muri iyo Leta kagezwagaho ikirego mu mwaka wa 2018. Icyo gihe, Elon Musk yashinjwaga na bwo kwandika amakuru y’ibinyoma abinyujije ku rubuga nkoranyambaga rwa Twitter, kugira ngo yigarurire wenyine uruganda rukora imodoka zikoresha amashanyarazi rwa Tesla.

Ubwamamare bwe nk’umukinnyi wa za Filime bwatangiye mu mwaka wa 1972, ubwo yagaragaraga muri Filime yitwa Way of the Dragon arwana n’undi mukinnyi wa filime witwa Bruce Lee, ariko igikundiro cye cyaje gutumbagira cyane ubwo yagaragaraga mu ruhererekane rwa filime zacaga kuri televiziyo rwitwaga Texas Ranger.

Ikinyamakuru cya TMZ, cyari cyanditse ko mbere y’urupfu rwe, Chuck Norris yari yabanje kujyanwa igitaraganya kuvurirwa mu bitaro bya Hawaii.

Nubwo umuryango we watangaje iby’urupfu rwe ariko, hari byinshi uyu muryango wagize ubwiru, nk’indwara nyayo yamuhitanye, umuhango wo kumuherekeza n’ibindi, bitewe n’uko uru rupfu ruje ruwutunguye nk’uko bikubiye mu butumwa bwawo.

Chuck Norris, asize umugore, abana 5 ndetse n’abuzukuru 13.

Itangazo rya Israel Katz, rikomeza rivuga ko minisitiri w’intebe wa Isiraheli, Benjamin Nettanyahu, yatanze uruhushya rwo kwica abayobozi bakuru bo muri Iran, igihe cyose ingabo za Isiraheli zabona uburyo bwo kubica, bidasabye kwemezwa n’inzego nkuru za politiki muri Isiraheli.

Uretse Ismaile Khatib, Isiraheli kuwa kabiri tariki 17 Werurwe 2026, yari yatangaje ko yishe umunyamabanga w’inama nkuru y’umutekano muri Iran witwa Ali Larijani, n’abandi bayobozi batandukanye bari kumwe na we.

Kuva tariki 28 Gashyantare 2026, ibitero bya Leta zunze ubumwe za Amerika zifatanyije na Isiraheli byagabwe kuri Iran, bimaze guhitana ubuzima bw’abantu barenga 1000, barimo uwari umuyobozi w’ikirenga wa Iran Ali Khamenei, abayobozi batandukanye b’ingabo za Iran, ndetse n’abayobozi banyuranye b’inzego za politiki muri iki gihugu.

Mu kwezi kwa Werurwe 2025, ni bwo perezida wa Leta zunze ubumwe za Amerika Donald Trump yasinye iteka rifunga igitangazamakuru cy’Ijwi rya Amerika, kuko yagishinjaga kubogamira ku ruhande rw’abamurwanya, ari na byo byatumye abanyamakuru batatu b’icyo gitangazamakuru batanga ikirego mu rukiko rwa Washington D.C, nyuma y’icyumweru icyo gitangazamakuru gifunzwe, bashinja ubuyobozi bwa Donald Trump kubangamira ubwisanzure mu gutanga ibitekerezo, kandi byemewe n’itegekonshinga.

Ubusanzwe, Ijwi rya Amerika, ryatangiye gukora mu mwaka wa 1942, mu gihe cy’intambara ya kabiri y’isi, mu rwego rwo kurwanya ibitekerezo by’Abanazi ba Adolf Hitler, ndetse mu myaka iki gitangazamakuru cyari kimaze gikora, cyatangazaga mu ndimi zisaga 50 zitandukanye, zirimo n’Ikinyarwanda.

Kugeza ubu, umuyobozi washyizweho n’urwego rureberera ibitangazamakuru bya Leta ya Amerika ruzwi nka USAGM mu magambo ahinnye y’icyongereza, ari na rwo rwarebereraga Ijwi rya Amerika, ariko utaremezwa na Sena y’iki gihugu witwa Sarah Rogers, ntibiramenyekana niba azajurira.

Doja Cat, amazina ye bwite ni Amala Ratna Zandile Dlamini, yavutse ku wa 21 Ugushyingo 1995 i Los Angeles muri Leta Zunze Ubumwe za Amerika. Se akomoka muri Afurika y’Epfo naho nyina akaba umunyamerikakazi. Uru ruvange rw’umuco ni rumwe mu bigaragara mu bihangano bye, aho akomatanya injyana zitandukanye zirimo POP, RAP na R&B.

Yatangiye kumenyekana cyane mu 2018 abikesha indirimbo ye Mooo!, yakwirakwiye ku mbuga nkoranyambaga zirimo TikTok. Nyuma y’iyo ntsinzi yasohoye album Hot Pink, yamuhesheje kumenyekana cyane ku rwego mpuzamahanga, by’umwihariko binyuze mu ndirimbo “Say So” yamugejeje ku rutonde rw’indirimbo zikunzwe cyane muri Amerika no hanze yayo.

Kuva icyo gihe, Doja Cat yakomeje gushyira hanze indirimbo zakunzwe zirimo Woman, Kiss Me More yakoranye na SZA, Paint the Town Red na Need to Know. Izi ndirimbo zatumye akomeza kwigaruriza abakunzi benshi ku isi, cyane cyane urubyiruko.

Nubwo atavugwaho rumwe na bamwe bitewe n’imyambarire ye idasanzwe, imyitwarire itangaje ndetse no kogosha umusatsi n’ibitsike, benshi bemeranya ku buhanga bwe n’umusaruro akomeje gutanga.

Yegukanye igihembo cya Grammy Awards, ndetse indirimbo ze zagiye zigaruka kenshi ku rutonde rwa Billboard Hot 100. Yanatsindiye ibihembo bya American Music Awards, bikomeza gushimangira umwanya afite mu muziki w’iki gihe.

Igitaramo cya “Move Afrika” kizabera i Kigali, kije mu gihe u Rwanda rukomeje kwagura ibikorwa by’imyidagaduro mpuzamahanga, rukiyubakira izina nk’ahantu hashobora kwakira abahanzi bakomeye ku isi.

Ku wa 17 Werurwe 2026, abakunzi b’umuziki bazaba bahanze amaso kuri BK Arena, mu gitaramo gishobora gusiga amateka no kongera kwerekana ko Kigali iri kwinjira neza ku ikarita y’imyidagaduro mpuzamahanga.

Yatsindiye Grammy Award ya Best Pop Duo/Group Performance hamwe na SZA ku ndirimbo yabo “Kiss Me More” muri Mata 2022

Ubutegetsi bwa Amerika buvuga ko iyi miryango itari mu murongo w’icyerekezo cy’igihugu, iyobowe nabi ndetse iteye inkeke ku bwisanzure n’ubusugire bw’Abanyamerika.

Mu miryango 35 itari iya Loni n’inzego 31 za Loni Trump yashyize ku rutonde, harimo n’Amasezerano Ngenderwaho y’Umuryango w’Abibumbye ku Mihindagurikire y’Ibihe (UN Framework Convention on Climate Change), asobanurwa nk’inkingi ya mwamba y’amasezerano ajyanye no kubungabunga ikirere, akaba ari na yo masezerano shingiro y’amasezerano ya Paris yo mu 2015 ku mihindagurikire y’ibihe.

Amerika ntiyitabiriye inama mpuzamahanga iheruka y’Umuryango w’Abibumbye ku mihindagurikire y’ibihe yabaye umwaka ushize, ku nshuro ya mbere mu myaka isaga 30 ishize.

Amerika izava kandi mu Ishami rya Loni rishinzwe abagore (UN Women), rikora ku buringanire n’ubwuzuzanye bw’abagore no mu Ishami ry’Umuryango w’Abibumbye rishinzwe iterambere ry’abaturage (UNFPA), Ishami rya Loni ryita ku bijyanye no kuboneza imbyaro n’ibijyanye n’ubuzima bw’ababyeyi n’abana.

Leta Zunze Ubumwe za Amerika yari yaragabanyije inkunga yageneraga UNFPA umwaka ushize.

Inyandiko ya Trump ivuga ko kuvana Amerika muri iyi miryango, bivuze ko igihugu cye kitazongera gutangamo inkunga.

Kuva yatangira manda ye ya kabiri umwaka ushize, Trump yashatse kugabanya cyane inkunga Leta Zunze Ubumwe za Amerika zageneraga Umuryango w’Abibumbye (UN), ahagarika uruhare rwa Amerika mu Ishami rya Loni rishinzwe Uburenganzira bwa Muntu, akomeza guhagarika inkunga yagenerwaga Ishami rya Loni rishinzwe gufasha Abanya-Palestine ndetse ava no mu Ishami rya Loni rishinzwe Uburezi n’Umuco, UNESCO.

Yanatangaje kandi imigambi yo kuva mu Ishami ry’Umuryango w’Abibumbye ryita ku Buzima no mu masezerano ya Paris ajyanye n’imihindagurikire y’ibihe.

Izindi nzego ziri ku rutonde Amerika igomba kuvamo zirimo Inama y’Umuryango w’Abibumbye ku bucuruzi n’Iterambere, Ihuriro Mpuzamahanga ry’Ingufu (International Energy Forum), Ishami rya Loni rishinzwe iyandikwa ry’intwaro na Komisiyo ya Loni ishinzwe kubaka amahoro.

Ati “Umupira ntiwari umukino gusa, wari umuryango n’ubuzima bwanjye. Buri myitozo, buri mukino n’ibitambo byose byangize uwo ndi we uyu munsi.”

Rutanga yashimiye amakipe yose, abatoza, abakinnyi bakinanye , abayobozi n’abafana bose bamugiriye icyizere kandi bakamwitahi mu rugendo rwee.

Ati “Urukundo n’inkunga mwampaye bizahora mu mutima wanjye. Atari ugusezera ahubwo ari ugushimira ku byo umupira wampaye n’abantu bose bawugize uwo wari wo kuri njye. Urugendo rwanjye rwo gukina umupira nk’uwabigize umwuga naha rurangiriye”.

Rutanga w’imyaka 34 yazamukiye mu ikipe ya APR FC yavuyemo yerekeza muri Rayon Sports, Gorilla na Police FC,

Yari umwe mu bakinnyi beza muri Shampiyona y’u Rwanda bazwiho gutera imipira iteretse izwi nka “Coup Franc”.

Benshi bamwibukira kuri Coup Franc yatereye Rayon Sports inganya na Gor Mahia yo muri Kenya mu 2018 mu mikino y’amatsinda ya CAF Confederation Cup.

Izo mpunzi zisaba amahanga kudakomeza kurebera ibikorwa by’urwango bene wabo bavuga Ikinyarwanda bakorerwa muri Repubulika Iharanira Demokarasi ya Congo (RDC).

Byabaye kuri uyu wa 7 Mutarama 2025 aho abahagarariye izo mpunzi bahereye kuri Ambasade y’Abanyamerika i Kigali nyuma bakomereza no ku zindi zirimo iya Qatar, u Bushinwa, u Burusiya, u Bufaransa, iya RDC n’izindi.

Banagiye kandi ku biro by’Ubuhuzabikorwa bw’Amashami ya Loni mu Rwanda, ku biro by’Ishami ry’Umuryango w’Ubumwe bw’u Burayi mu Rwanda no ku Ishami ry’Umuryango w’Abibumbye ryita ku Mpunzi.

Bari bambaye imyenda iriho ubutumwa bwamagana urwango n’ivangura rikorerwa bene wabo bavuga Ikinyarwanda muri RDC, ndetse buri rwego bagezeho baruhaga inyandiko y’amapaji 10 igaragaza ibibi bibera mu gihugu cyabo bifuzaga ko bitakomeza kureberwa.

Hari n’icyapa bagendanaga kiriho amafoto ya bamwe mu bayobozi mu gihugu cyabo n’ubutumwa bwamagana ibikorwa bibi byatumye abaturage babo bahunga ku buryo bamwe bamaze imyaka irenga 30 mu buhungiro.

Uwimana Agnes wageze mu Rwanda mu 1996 uba mu nkambi ya Kiziba mu Karere ka Karongi yavuze ko yahageze ari umwana uri mu myaka wa 12 ariko ubu bigaragara ko ari umubyeyi mukuru.

Yabwiye IGIHE dukesha iyi nkuru ko mbere yo guhunga bakorewe ivangura rikomeye kuko ari Abatutsi, Abahema n’Abanyamulenge, abandi baricwa bituma bahungira mu Rwanda ariko bakababazwa n’uko icyo bahunze gikomeje gufata indi ntera.

Ati “Iryo vangura no kutwanga batuvangura n’abandi Banye-Congo ntibyigeze bihagarara, byarakomeje nubwo hashize imyaka irenga 30 turi mu nkambi. Haba ivangura n’ubwicanyi byarakomeje kugeza n’ubu impunzi zikomeje guhunga ziva muri Congo.”

Uwimana yavuze ko icyo bakeneye ku mahanga ari ukureka kurebera ibiri kuba bagafasha mu kubikemura noneho izo mpunzi zigataha.

Ati “Dukeneye ko batuvuganira tugataha. Dukeneye kugira igihugu kuko gusazira mu buhungiro ukanahabyarira ni ikibazo. Abana bacu ubu nta cyerekezo bafite. Turasaba kandi ko habaho ubutabera kuko ariya magambo Gen. Ekenge yavuze yo kutuvangura yaradukomerekeje cyane. Habeho ubutabera bwo gukurikirana abantu bafite amagambo nk’ariya asesereza kandi avangura.”

Munyakarambi Sebutezi Edison umaze mu Rwanda imyaka irenga 13 mu Nkambi ya Kigeme i Nyamagabe yavuze ko yazanye n’umuryango we wose kandi barambiwe kwitwa abanyamahanga mu gihugu cyabo.

Ati “Mu 2012 ubwo intambara yongeraga kubira, uwari Guverineri wa Kivu y’Amajyepfo witwa Julien Paluku yaravuze ngo umuntu ujya iwabo ni nk’ugiye gupfa ntawe ubatangarira. Batwitaga abanyamahanga bumva ko guhungira mu Rwanda ari ukuza mu rugo aho kumva icyatumye duhunga.”

Yongeyeho ko bizeye ko gukomeza kugaragariza amahanga akarengane kabo bizatuma bumvwa ku buryo bagira icyo bakora.

Ati “Mu gihe hari ibiganiro by’amahoro twagira ngo tubibutse ko n’ijwi ry’impunzi rihari. Twizeye ko hari abazabyumva bagakora icyo bakwiye gukora bakabuza ubuyobozi bwa RDC gukomeza kuvangura Abanye-Congo ahubwo bagakora icyatuma dusubira mu byacu.”

Uwase Kalinda Chance umaze imyaka itatu mu Nkambi ya Nkamira mu Karere ka Rubavu, yavuze ko yacikirije amashuri kuko yari ageze mu mwaka wa kane w’amashuri yisumbuye ndetse ko yari afite inzozi zo kuba umuganga.

Ati “Nari naratangiye kwiga ubuganga kandi mfite inzozi ko mbashije gusubirayo ngakomeza nabasha gufasha abandi. Twari twarazanye na Papa ariko ubwo AFC/M23 yamaraga gufata Goma yasubiyeyo kuko hari agahenge, tuba twizeye ko Imana nibishaka tuzongera tugahura.”

Munyakarambi yavuze ko mu rugendo rwo gushakira amahoro Uburasirazuba bwa RDC bakomokamo basanga umutwe wa AFC/M23 na Twirwaneho bamaze gutera intambwe nini kuko ibice bagenzura ubu ari byo bitekanye kurusha ibindi ku buryo basubiyeyo baba batekanye.

Doumbouya yafashe ubutegetsi nyuma ya Coup d’Etat ya gisirikare yakuyeho Alpha Condé muri Nzeri 2021. Azayobora Guinée muri manda y’imyaka irindwi.

U Rwanda na Guinea Conakry ni ibihugu bisanzwe bifitanye umubano ndetse n’imikoranire mu ngeri zitandukanye, ndetse mu 2024 byasinyanye amasezerano 12 mu nzego zinyuranye zirimo ubukerarugendo, ubuhinzi, ingufu, guteza imbere ibyoherezwa mu mahanga, ubukungu, umutekano, ubucukuzi bw’amabuye y’agaciro n’umuco, guteza imbere ibyanya byahariwe inganda n’ibindi.

Ibihugu byombi bifitanye kandi umubano mu bya dipolomasi ndetse byasinye amasezerano atandukanye y’ubufatanye.

Mu bihe bitandukanye, Perezida wa Repubulika Paul Kagame yagiye agenderana na mugenzi we Gen Mamadi Doumbouya aho bagiranye ibiganiro byavuyemo ingamba zigamije kurushaho kwimakaza ubutwererane bw’ibihugu byombi.

Amatora yo muri Centrafrique yabaye ku itariki 28 Ukuboza 2025, aho mu bari bahanganye bikomeye na Perezida Touadéra harimo uwahoze ari Minisitiri w’Intebe, Anicet-Georges Dologuele wagize amajwi 14.66%.

Hari kandi Henri-Marie Dondra wagize amajwi 3.19%, uyu na we akaba yarabaye Minisitiri w’Intebe w’iki gihugu, gusa aba bombi ntibemera ibyavuye muri aya matora.

Biteganyijwe ko Urukiko rushinzwe Itegeko Nshinga muri Santrafurika, ruzatangaza ibyavuye muri aya matora ku buryo bwa burundu bitarenze tariki 20 Mutarama 2026.

Perezida Archange Touadéra w’imyaka 68, yatorewe bwa mbere kuyobora Centrafrique mu 2016, aho mbere yaho yabaye Minisitiri w’Intebe w’iki gihugu kuva mu 2008 kugeza mu 2013.

Yongeye gutorerwa kuyobora iki gihugu muri manda ya kabiri mu kwezi k’Ukuboza 2020, icyo gihe na bwo yatsinze Anicet-Georges Dologuele bari bahanganye.

Mu 2023, muri Centrafrique habaye amatora agamije kuvugurura Itegeko Nshinga ry’iki gihugu ku bijyanye na manda y’Umukuru w’Igihugu kugira ngo yemererwe kwiyamamaza bitagira iherezo, ndetse manda ivanwa ku myaka itanu ishyirwa ku myaka irindwi, bikaba biri mu byatumye Archange Touadéra yemererwa kwiyamariza manda ya gatatu, ari na yo yatorewe kuyoboramo iki gihugu, mu matora yitabiriwe ku kigero cya 52.42%.

Archange Touadéra yagiye ku butegetsi bwa mbere ku itariki 30 Werurwe 2026, asimbuye Catherine Samba Panza, wari uyoboye Leta y’inzibacyuho ya Centrafrique kuva ku itariki 23 Mutarama 2014.

Mu matora ya 2020, igihugu cya Centrafrique cyari cyugarijwe n’ibibazo by’umutekano muke, aho imitwe yitwaje intwaro yarwanyaga ubutegetsi bw’iki gihugu, yari mu mirwano ikaze hafi y’umurwa mukuru Bangui, ku buryo amatora yashoboraga kutaba.

Icyakora Ingabo z’u Rwanda zoherejwe muri iki gihugu mu butumwa bwo kubungabunga amahoro bwari buyobowe na Afurika Yunze Ubumwe (AU), ndetse n’izoherejweyo ku bw’amasezerano mu 2020, zatsinsuye iyi mitwe ziyigizayo, bityo amatora araba, igikowa cy’ubutwari zishimirwa kugeza uyu munsi.

Nicolas Maduro yageze imbere y’Urukiko, aho ashinjwa kuba mu bucuruzi bw’ibiyobyabwenge no gufasha abandi bakorana ubwo bucuruzi kubyohereza muri Amerika, abo iki gihugu gifata nk’ukutwe w’iterabwoba, icyakora we yahakanye ibyaha byose ashinjwa.

Ahawe ijambo, Maduro yagize ati “Nta cyaha nakoze, ndi umuntu w’umunyakuri, ndacyari Perezida wa Venezuela”.

Hagati aho mu gihe uru rubanza rwabaga, hanze y’Urukiko hari huzuye abantu bari mu myigaragambyo yamagana ifatwa rya Maduro, bazunguza amabendera ya Venezuela, ndetse bafite ibyapa byanditseho ngo “free President Maduro” (Murekure Perezida Maduro).

Nyuma yo gusomera Maduro ibyaha aregwa na we akabihakana kimwe n’umugore we, iburanisha ryasubitswe, umucamanza Alvin Hellerstein akaba yavuze ko urubanza ruzasubukurwa ku itariki 17 Werurwe 2026, bivuze ko abaregwa bakomeza gufungwa.

Hagati aho, Delcy Rodriguez, wari Visi Perezida wa Nicolas Maduro kuva muri 2018, ni we Inteko Ishinga Amategeko ya Venezuela yashyizeho ngo ayobore igihugu by’agateganyo.

Uretse i New York habereye imyigaragambyo, no mu murwa mukuru wa Venezuela, Caracas, ibihumbi by’abaturage biraye mu mihanda bagaragaza ko bashyigikiye Maduro, basaba ko arekurwa bidatinze.

Abanyafurika n’ab’ahandi batuye muri Afurika, bo bazajya bishyura Amadolari 500 ya Amerika, bakaba basabwa Pasiporo, Indangamuntu y’aho batuye, ikarita y’Umudiplomate cyangwa visa imara nibura amezi ane akurikirana.

RDB ivuga ko iri gabanya rigamije gukangurira Abanyarwanda n’akarere gusura ahantu nyaburanga hakomeye cyane muri aka karere, ari ho muri Pariki y"Igihugu y’ibirunga.

Iyi pariki ni cyo cyanya rukumbi ku isi kikibarizwam ingagi zo mu Birunga.

Izamuka ry’ibiciro byo gusura ingagi mu Rwanda ryatangiye kuva ku Madolari ya Amerika 750 hagati ya 2017 na 2019, kikagera ku madolari 1500 ya Amerika.

Kuva mu 2020 kugeza ubu, igiciro cyo gusura ingagi ku banyamahanga nticyigeze gihinduka mu Rwanda.

Ibyahindutse ahanini ni ibiciro byagabanyijwe by’agateganyo byagenewe, abanyarwanda n’Abanyafurika bo mu Karere (nko ku Madolari 200 USD)

Abanyamahanga batuye mu Rwanda (Amadolari $500 USD). Ibi byagabanyijwe byagiye bikoreshwa cyane cyane mu bihe byo kuzahura ubukerarugendo nyuma ya COVID-19.

Abakinnyi bashya bose ba Rayon Sports bahise berekeza mu Nzove mu myitozo yabo ya mbere nk’abakinnyi ba Rayon Sports.

Ku wa mbere, tariki 5 Mutarama 2026, ni bwo Rayon Sports yakuriweho ibihano byo kutandikisha abakinnyi yari yarafatiwe n’Ishyirahamwe ry’Umupira w’Amaguru ku Isi (FIFA).

Ni nyuma yo kwirukana bamwe mu bari abakozi bayo mu buryo bunyuranyije n’amategeko bakajya kuyirega.

Abo barimo Umunya-Brésil Roberto Oliveira Gonçalves do Carmo ’Robertinho’ na rutahizamu ukomoka muri Guinea-Bissau, Adulai Jalo, bayireze bayishinja kubirukana binyuranyije n’amategeko ndetse inamubereyemo umwenda.

Iyi kipe yategetswe kumwishyura ’Robertinho’ ibihumbi 22,5$ [arenga miliyoni 32.7 Frw], by’imishahara y’amezi ane na Adulai Jalo 7000$,

Kuri ubu iyi kipe yambara ubururu n’umweru yamaze kwishyura aya mafaranga yose yasabwa, ihabwa uburenganzira bwo kongeramo abakinnyi bashya muri uku kwezi kwa Mutarama 2026.

Aba rero, ngo bagomba gukorwaho ubushakashatsi, hagendewe ku bikorwa by’indashyikirwa bakoze, kugira ngo bazemezwe nk’Intwari z’Igihugu.

Rwaka yagize ati “Icyo nababwira cyo, nta muntu ugirwa Intwari atakorewe ubushakashatsi. Icyifuzo cy’uko nyakubahwa Perezida wa Repubulika yagirwa Intwari, hari abagitanze, hari n’urubyiruko rwanditse rubisaba. Twebwe iyo umuntu yanditse, dusaba ko yandika uwo muntu, akavuga icyo yakoze, igihe yagikoreye, aho yagikoreye n’akamaro cyagize, ahasigaye ibindi tugakora ubushakashatsi.”

Ku bijyanye na Perezida Kagame, ngo baracyafite ibindi bakirimo gutekereza bijyanye n’uburyo bizakorwa, kuko Perezida wa Repubulika ni we ubwe wemeza intwari, none na we ubwe yatanzweho umukandida. Icyakora Rwaka agira ati "byose birashoboka."

Uretse Perezida Kagame hari n’abandi benshi bagomba gukorwaho ubushakashatsi bashobora kuzagirwa Intwari z’u Rwanda abandi bakaba bahabwa Imidali n’Impeta by’ishimwe hagendewe ku bikorwa byabo.

CHENO igaragaza ko kugeza ubu, mu Rwanda hari amoko arindwi y’impeta z’ishimwe ari yo Uruti, Umurinzi, Agaciro, Igihango, Indashyikirwa, Indangamirwa n’Indengabaganizi.

U Rwanda n’Abanyarwanda baritegura kwizihiza umunsi ngarukamwaka w’Intwari ubusanzwe wizihizwa buri ku wa 1 Gashyantare, ukazaba wizihizwa ku nshuro ya 32.

Biteganyijwe ko guhera ku Cyumweru tariki 4 Mutarama 2026, hazatangizwa ukwezi kwahariwe ibikorwa byo kwizihiza Intwari z’u Rwanda.

Muri ibyo bikorwa harimo ibiganiro bizatambuka kuri radiyo, televiziyo no ku mbuga nkoranyambaga zitandukanye.

Hari kandi n’imikino y’amaboko ndetse n’amaguru izakinwa mu marushanwa ya ‘Ubutwari Tournament’, bisozwe n’igitaramo gisingiza Intwari z’Igihugu kizaba ku wa 31/01/2026.

Biteganyijwe ko kuri Hôtel des Mille Collines, Atelier du Vin, Serena Hotel na Parking ya KCC ho hazaturikirizwa ibishashi bigenewe abashyitsi baho.

Umujyi wa Kigali wasabye abaturage kwimishira umwaka mushya, ariko banywa mu rugero ndetse bakirinda guha inzoga abataruzuza imyaka 18.

Ni inama yitabiriwe n’abayobozi muri za Minisiteri n’izindi nzego za Leta na Sosiyete Sivile, zifite aho zihuriye n’imibereho y’umuryango n’urubyiruko, aho bunguranaga ibitekerezo ku muryango utekanye n’imyitwarire y’urubyiruko ruzavamo abayobozi u Rwanda rwifuza.

Minisitiri Uwimana yashimangiye ko mu miryango hakirimo ibibazo bishingiye ku makimbirane ahanini aterwa n’uko inzego zibishinzwe ziyakemura zititsa cyane ku kiyatera nyir’izina.

Ati: “Ni gahunda yatangiye mu 2017, ariko urebye usanga dukemura aho twabonye byacanye maremare [byakomeye], kubera ko havuzwe iki, tugahita dushyira mu bikorwa, tutabanje gusesengura ngo turebe ikibazo gihagaze gite."

Yakomeje agira ati "Ushobora kumara imyaka 10, ariko wasubira inyuma ugasanga nta cyo wakoze kubera ko ntabwo uzi uko watangiye.”

Minisitiri Uwimana yavuze ko mu ngamba zashyizweho zigamije gukumira ibibazo biterwa no kumva nabi uburinganire bw’abagabo n’abagore kenshi biba isoko y’amakimbirane, ubu hatangiye kuvugururwa uburyo bwo kwigisha ibijyanye n’ubwo buringanire.

Ati: “Muri uyu mwaka twatangiye gahunda yo kwigisha ihame ry’uburinganire ariko cyane cyane twifashishije abagabo, bakarushaho kumva no gusigasira ihame ry’uburinganire.” 

Minisitiri Uwimana yavuze ko ari uburyo butanga amakuru ahagije ku mibare y’abashakanye bukorwa bunyujijwe mu mikino aho irangira umugabo cyangwa umugore  wayikurikiye, asobanukiwe icyo yakoraga kikabangamira uwo bashakanye.

MIGEPROF ivuga ko ubu mu gihugu hose hahuguwe abagera kuri 448, barimo 10 bo muri buri Karere k’u Rwanda n’abandi 10 bo mu mashuri makuru na Kaminuza 15, ari na bo bafasha muri iyo gahunda.

Ati: “Dutegereje kuzakora icyo gikorwa ku buryo bigera ku rwego rw’Umudugudu, twizera ko bizumvikanisha neza iki kintu [ihame ry’uburinganire] cyari kimeze nk’aho kitumvikanye neza.”

Imibare y’Urwego rw’Ubugenzacyaha (RIB) yo muri Nzeri 2025, yerekanye ko   mu myaka 6 ishize abashakanye bagera kuri 395 bicanye, aho bishwe n’abantu 497, biturutse ku makimbirane yo miryango.

RIB ivuga ko ubwo bwicanyi mu miryango buterwa ahanini no kuba abashakanye bagirana amakimbirane batumvikana ku mitungo, abumvise nabi ihame ry’uburinganire ndetse n’ubushoreke.

Yavuze ko umwaka wa 2025 usoje Abanyarwanda bishimira ibyo bagezeho kuko wakozwemo byinshi byo kwishimira.

Ati: “Ariko iyo wishimira ibikorwa nk’ibyo aho uhera ni ku bantu. Abantu ni bo bakora ibintu. Ndabashimira rero nk’abantu mwakoreye Igihugu cyanyu, tukaba twarageze kuri byinshi, ndetse dutegereje kugera ku bindi byinshi muri uyu mwaka mushya tugiyemo wa 2026.

Yakomeje agira ati ""Ndabashimira mwebwe muri hano n’abandi Banyarwanda bari hirya no hino batashoboye kuza hano, ndagira ngo tuvuge ngo babyumve ko turi kumwe na bo. Turi aha turi bake ariko turi kumwe na bo aho bari hose.”

Perezida Kagame kandi yavuze ko ibyiza byagezweho muri uwo mwaka kubera umutekano, yibutsa Abanyarwanda ko ubushize yababwiye kuryama bagasinzira mu gihe cyabyo ndetse bakanakora kuko barinzwe.

Umukuru w'Igihugu yashimiye abaturage n’inzego zinyuranye zigira uruhare kugira ngo umutekano w’u Rwanda ube usesuye, by’umwihariko ashimira abarara ijoro bakirirwa amanywa batagoheka, abandi bagatanga ubuzima bwabo ngo bw’Abanyarwanda bukomeze bubeho neza.

Ati: “Abantu batanga ubuzima bwabo kugira ngo ubwanyu bukomeze urumva ko ari igikorwa gikomeye. Nagira ngo mu izina ryanyu n’abandi mbashimire cyane."

Yakomeje agira ati "Ndetse hari imiryango abo bana bakomokamo, cyangwa bafitanye isano iyo ari yo yose, badahoboye cyangwa batazashobora kuba bari kumwe, kwishimana n’abo babo kubera ko batanze ubuzima bwabo kugira ngo ubwanyu bukomeze bubeho. Ariko nagira ngo mbabwire ko iyo miryango itari yonyine, turi kumwe na yo buri munsi.”

Perezida Kagame yibukije by’umwihariko urubyiruko ko ari zo mbaraga z’Igihugu, agaragaza ko iyi minsi mikuru ikwiye kuba iy’amahoro, umunezero n’imigisha iva ku mana.

Yagiriye inama abishimira Iminsi Mikuru kuzirikana ko hari n’amategeko ndetse n’inzego zihinzwe kuyarengera ngo zikumire ibyahungabanya umutekano n’ituze ry’Abanyarwanda.

Tito Rutaremara yavuze ko Leta y’u Rwanda yashyize imbere urubyiruko muri gahunda zose zo kubaka Igihugu kubera ko ababohoye u Rwanda bakanahagarika Jenoside yakorewe Abatutsi bari urubyiruko.

Ati “Bazi ko urubyiruko rushoboye byose kuko ni byo bakoze ari urubyiruko ni cyo gituma iyi Leta ibumva. Ayo rero ni amahirwe. Andi mahirwe ni uko Leta ibafasha [urubyiruko] mu bushobozi bwayo.”

Rutaremara yavuze ko kuri ubu hari ikibazo mu muryango, gishingiye ku miterere y’imibereho y’abantu, aho usanga ababyeyi batakibona umwanya w’umuryango.

Ati “Ubu dufite uburezi butuzuye, abarimu n’abandi baratanga ubumenyi ariko ababyeyi ntibakiboneka. Kera umwana yasigaranaga na Nyirarume, Nyirasenge na ba Nyirakuru [….] umwana kera ntabwo yarerwaga na Se na Nyina gusa, yarerwaga n’abo bose.”

Yerakanye ko hakwiye gushyirwa imbaraga mu burezi abato bahabwa, bakwigishwa gukunda u Rwanda no kurumenya, guhozaho, kwigisha urubyiruko kwishakamo ibisubizo, guhanga udushya, kwigisha gutekereza aho gufata mu mutwe.

Umuyozi Mukuru Wungirije w’Umuryango Imbuto Foundation, Annie Christa Umuhoza, yagaragaje ko mu rwego rwo kwita ku burere buhabwa urubyiruko, haherewe ku bakiri bato by’umwihariko ishyira imbaraga mu marerero hirya no hino mu gihugu.

Yerekanye ibikorwa na Imbuto Foundation mu guteza imbere uburezi binyuze muri gahunda zitandukanye zirimo nka Edified Generation n’izindi.

Yakomeje agaragaza ko inzego zitandukanye zikwiye guhuriza hamwe imbaraga mu rwego rwo guharanira ko ingamba zishyirwaho n’ibyemezo bifatwa bitanga umusaruro.

Ati “Dufite porogaramu nyinshi nk’igihugu, ugasanga buri muntu afite igitekerezo cyiza ariko ugasanga turakora dutatanya imbaraga. Icyifuzo cyanjye ni uko turamutse duhuje imbaraga, tukamenya ko dushyize hamwe hari icyo twageraho cyafasha urwo rubyiruko.”

Minisitiri w’Uburinganire n’Iterambere ry’Umuryango, Consolée Uwimana, yerekanye ko umuryango utekanye igihugu cyifuza ushoboka, asaba inzego zose guhuza imbaraga.

Ati “Umuryango ushoboye kandi utekanye igihugu cyifuza urashoboka. Dufite amahirwe ko dufite imiryango myinshi iriho neza, imiryango myiza nidufashe guherekeza imiryango irwaye kugira ngo igire umurongo. Hamaze gukorwa byinshi ariko ndifuza ko imyumvire ihinduka, kandi nifuza ko ihera mu bayobozi kugira ngo dufashe abaturage gukemura ibibazo hakiri kare.”

Yakomeje asaba ubufatanye bw’inzego zitandukanye mu guharanira ko hubakwa umutekano uhamye kandi utekanye bikaba inshingano za buri wese.

Abitabiriye ibiganiro nyunguranabitekerezo biyemeje gushyira imbaraga mu kurandura ibibazo bikomereye umuryango nyarwanda no gutoza urubyiruko rw’ejo hazaza.

Visi Perezida wa Sena Ushinzwe Amategeko no kugenzura ibikorwa bya guverinoma, Nyiharabimana Solina, yasabye ko imyanzuro yafatiwe muri ibyo biganiro idakwiye gusigara muri raporo gusa ahubwo ikwiye gushyirwa mu bikorwa.

Ati “Twese dukunda igihugu cyacu, ukurengera umuryango nyarwanda ni ukurengera igihugu cyacu. Gufata imyanzuro ni kimwe ariko kuyishyira mu bikorwa ni ikindi. Ndasaba ko twashyira mu bikorwa imyanzuro twafashe ariko tunahuze ibikorwa byacu. Ikindi duhozeho, twoye gukora ikintu ngo tucyishimire ngo ejo tukireke gisubire inyuma.”

Nteziryayo uhawe ishingano zo kuyiyobora afite ubunararibonye mu bijyanye n’imicungire n’imikorere y’ibigo by’imari, kugenzura inguzanyo no kubaka ubukungu buhamye butajegajega bw’inzego.

Yakoze muri Minisiteri y’Imari n’Igenamigambi nk’Umuyobozi Mukuru ushinzwe Ubukungu, aho yagize uruhare mu gushyiraho ingamba zigamije iterambere ry’ubukungu bw’u Rwanda mu gihe gito n’igihe kirambye.

Afite Impamyabumenyi y’Icyiciro cya Gatatu cya Kaminuza (Masters) mu bukungu.

BRD yashinzwe mu 1967, itera inkunga imishinga igamije gufasha u Rwanda mu rugendo rwayo rw’iterambere mu ngeri zirimo ibitunganyirizwa mu nganda, ibikorwaremezo, ubuhinzi, ingufu, inzu ziciriritse, ubukungu burengera ibidukikije no kongera ibyoherezwa mu mahanga.

Yavuze ko ku kibazo cya Somalia na Somaliland ishyigikiye ibyatangajwe n’Umuryango wa Afurika y’Iburasirazuba (EAC) n’uwa Afurika Yunze Ubumwe, yombi Somalia ibarizwamo.

EAC yavuze ko “Umuryango wa Afurika y’Iburasirazuba wemera Repubulika ya Somalia nk’igihugu kimwe kiyobowe na Guverinoma ya Somalia.”

Uyu muryango kandi wavuze ko wemera imbibi za Somalia zashyizweho ubwo iki gihugu cyabonaga ubwigenge.

Uti “EAC urasaba ko himakazwa ubumwe no kubaha ubusugire bwa Repubulika ya Somalia ndetse ugasaba abafatanyabikorwa bose kubaha amategeko mpuzamahanga ajyanye n’ubusugire bw’ibihugu.”

Impaka ku itandukana rya Somalia na Somaliland zongeye kuzamuka bitewe ahanini n’ibyatangajwe na Israel mu minsi mike ishize.

Tariki ya 26 Ukuboza 2025 ni bwo Minisitiri w’Intebe n’uw’Ububanyi n’Amahanga ba Israel bashyize umukono ku itangazo ryemeza ko Somaliland ari igihugu cyigenga, bagaragaza ko biteguye gutangira ubufatanye hagati y’impande zombi mu rwego rw’ubuhinzi, ubuzima, ikoranabuhanga n’ubukungu.

Minisitiri w’Intebe wa Israel, Benjamin Netanyahu, yahamagaye kuri telefone Perezida wa Somaliland, Dr. Abdirahman Mohamed Abdalla, amushimira imiyoboere ye n’uko “yiyemeje guharanira umutekano n’amahoro”, anamusaba kuzasura Israel mu gihe kiri imbere.

Perezida wa Somaliland yatangaje ko tariki ya 26 Ukuboza ari umunsi w’amateka kuko ku nshuro ya mbere iyi Leta yabonye igihugu cya mbere cyemeza ko ari igihugu cyigenga. Kuri we, ibyo ni byo baharaniye mu gihe kirenga imyaka 30.

Ati "Iyi ntambwe ishimangira ukuri kugaragara kuva kera. Somaliland yujuje ibisabwa n’amategeko, politiki n’inzego kugira ngo yemerwe nk’igihugu ku rwego mpuzamahanga.”

Somalia yamaganye icyemezo cya Leta ya Israel ku ikubitiro, ivuga ko kwemeza Somaliland nk’igihugu bivogera ubusugire bwayo. Yasobanuye ko Somaliland ikiri igice cy’igihugu nubwo imaze imyaka 30 ifite inzego zigenga.

Leta ya Somalia yanaburiye amahanga ko kwemeza Somaliland nk’igihugu cyigenga byashyira mu kaga umutekano wo mu Ihembe rya Afurika, bigatera n’andi matsinda y’abaturage bo muri iki gihugu gushaka kwitandukanya na cyo.

Yagize iti “Leta Yunze Ubumwe ya Somalia irahamagarira abaturage gukomeza kunga ubumwe, kuba maso no kudacogora mu kurengera ubusugire n’ubwigenge bw’igihugu. Irahamagarira ibihugu byose n’abafatanyabikorwa mpuzamahanga kubaha amategeko mpuzamahanga, kubahiriza amahame yo kutivanga mu bibazo by’abandi, kurengera ubusugire bw’ibihugu no kugira imyitwarire iboneye mu nyungu z’amahoro, ituze n’umutekano mu Ihembe rya Afurika.”

Somaliland ni intara ya Somalia ifite ubuso bwa kilometerokare 176.120. Iherereye mu majyaruguru ashyira uburengerazuba bw’iki gihugu, ikagira abaturage barenga miliyoni 6.

Somalia na Somaliland ntibyahoze ari igihugu kimwe ahubwo umwanzuro wo kwihuza wafashwe mu 1960.

Somaliland tubona uyu munsi yari izwi nka British Somaliland kuko yakolonijwe n’Abongereza. Igice cy’amajyepfo cya Somaliya cyo cyitwaga Italian Somaliland kuko cyakolonijwe n’Abataliyani.

Nyuma yo kwihuza ibi bice byombi byiswe Repubulika ya Somalia.

Umwanzuro wo kwihuza kw’ibi bice byombi ntiwagenze neza, kuko nyuma y’igihe gito abo muri Somaliland batangiye gushaka kongera kwigenga kubera impamvu za politike n’ubukungu.

U Rwanda rwamaganye gucikamo ibice kwa Somalia mu gihe ibihugu byombi bifitanye umubano mwiza.

Ibihugu byombi bifitanye amasezerano y’ubufatanye mu kurwanya ibyaha byambukiranya imipaka, kurwanya iterabwoba n’ibikorwa by’imitwe yitwaje intwaro no kurwanya icuruzwa ry’abantu.

Ibi bihugu kandi byifatanya mu kurwanya ibyaha by’ikoranabuhanga, ikwirakwizwa ry’intwaro nto rinyuranyije n’amategeko, guhanahana amakuru no gusangira ubunararibonye hagati ya Polisi no guteza imbere amahugurwa no kubaka ubushobozi.

Yagaragaje ko imvugo ya Sylvain Ekenge kuri televiziyo y’Igihugu ishingiye ku cyiswe “Amategeko 10 y’Abahutu” yatangajwe muri Nzeri 1959 na Joseph Habyarimana Gitera, wari umuhezanguni w’Umujenosideri wayoboye ibikorwa by’ubwicanyi byakorewe Abatutsi mu 1959 ndetse akanagira uruhare muri Jenoside yabakorewe mu yahoze ari Gikongoro mu 1963.

Ayo mategeko yagaruriwe ubuzima na Hassan Ngeze mu 1990 muri nomero ya 6 y’ikinyamakuru Kangura cyakoreshejwe nk’intwaro yo gukwirakwiza urwango n’amacakubiri, ayo mategeko akaba ari na yo yashingiweho mu gihe cya Jenoside yakorewe Abatutsi mu 1994.

Yagize ati: “Itegeko rya mbere muri ayo mategeko ni ryo ryafashije Umuvugizi wa FARDC akaba n’utwaye ijwi ry’ingengabitekerezo ya Jenoside iterwa inkunga na Guverinoma ya Congo.”

Mu butumwa bwa Ekenge, yagize ati: “Uyu munsi abashyingiranwa n’Umututsikazi, birasaba kwitwararika…”, yakomeje ashinja umuryango w’Abatutsi b’Abanyekongo kuba abagambanyi n’indyarya.

Minisitiri Nduhungirehe washenguwe n’ubwo butumwa bw’Umuyobozi Mukuru mu Ngabo za RDC, yagaragaje impungenge zikomeye cyane kuri iyo mvugo y’abajenosideri ikomeje guhabwa icyicaro na Leta ya Kinshasa yiyemeje gukorana n’abahoze ari abarwanyi ba FDLR, umutwe w’iterabwoba washinzwe n’abasize bahekuye u Rwanda muri Jenoside yakorewe Abatutsi mu 1994.

Yagize ati: “Muri ibi bihe by’Iminsi Mikuru, aho ibitangaza bya Noheli byakabaye bikiza roho, birababaje ko ubutegetsi bwa Kinshasa bwafashe inzira igoramye, yinjira mu bihe byijimye bya Jenoside.”

Nduhungirehe yagaragaje uburyo Ekenge yagaragaye kuri televiziyo y’Igihugu asoma inyandiko bigaragara ko yayandikiwe n’inzobere mu gukwirakwiza ingengabitekerezo nka Filip Reyntjens n’abandi bakomeje kuyikwirakwiza mu Karere no ku Isi.

Yakomoje ku buryo izo mvugo zijyana n’urugomo ndetse n’ubwicanyi bukabije bikorerwa Abanyekongo b’Abatutsi by’umwihariko Abanyamulenge, bikaba ari kimwe mu bikorwa biyoborwa n’abagize umutwe w’iterabwoba wa FDLR bishimangira umugambi wabo wa Jenoside bamuruweho bagahungira muri Congo.

U Rwanda rusanga Leta ya Kinshasa ikomeje guha urwaho imvugo z’urwango zagize ingaruka zikomeye mu mateka y’u Rwanda idakwiye kubonwa nk’aho ivuga amafuti yoroheje, ko ahubwo izo mvugo ziteye inkeke ku buryo zikwiye gufatirwa ibyemezo byihuse, haba mu gihugu cya Congo no mu ruhando mpuzamahanga, hirindwa ko Jenoside yabaye mu Rwanda yakongera kubaho mu Karere.

Biteganyijwe ko ibizava  mu matora bishobora kuzatangazwa hagati y’iminsi ibiri n’itatu nyuma y’amatora.

Mu kiganiro na KP Media24, Umunyepolitiki Anne Marie Goumba Mukabacondo, yavuze ko Mamady Doumbouya ari we uhabwa amahirwe yo gutsinda aya matora.

Ishyaka ritavuga rumwe n’ubutegetsi ryasabye abayoboke baryo kwanga kwitabira amatora, rigagaragaza ko ku butegetsi bwa Doumbouya yabaniganye ijambo akabangamira n’ibikorwa byabo ndetse akanahungabanya ubwisanunzure bw’itanganzamakuru.

Umuyobozi wa UFDG Diallo, yamaganye ayo matora avuga ko ibyo barimo ari ikinamico igamije guha ishingiro gufata ubutegetsi mu buryo buteguye.

Muri Nzeri, binyuze muri kamarampaka  Guinea yemeje Itegeko Nshinga rishya ryemerera abayobozi ba gisirikare kwiyamamariza kuyobora Igihugu, ryongera n’imyaka ya manda iva ku myaka itanu igera kuri irindwi, byose biharurira inzira Doumbouya.

Gen Doumbouya yahoze ayobora Ingabo zo mu mutwe udasanzwe (special forces), yafashe ubutegetsi muri Nzeri 2021 ahiritse Perezida Alpha Condé, amushinja imiyoborere mibi, ruswa no kwangiza demokarasi.

Doumbouya yavuze ko Alpha Condé yahinduye Itegeko Nshinga mu 2020 agamije kwiyongerera manda ya gatatu, amushinja akarengane, kuniga ijambo ry’abatavuga rumwe n’ubutegetsi, itonesha no gushyira Igihugu mu bibazo bikomeye bya politiki.

Yavuze ko harebwe uburyo umuyobozi afite intumbero y’ikigo, uburyo umuyobozi afasha mu myigire, uburyo umuyobozi akoresha umutungo w’ikigo bahabwa na Leta, uburyo umuybozi akorana n’ababyeyi kuko ishuri ntirikora ryonyine riba rifite ababyeyi.

Ati: “Habanje isuzuma ry’Akarere ryibandaga ku bintu 2 birimo imyitwarire y’umuyobozi muri rusange uburyo umuyobozi akunze akazi ke, byabazwe ku manota 100.

Akarere kayoherereje REB, abari abayobozi b’ibigo 5 277 basuzumwe natwe nka REB dukora isuzuma ry’imikorere y’abayobozi b’ibigo.”

Yagize ati: “Ababajijwe ni abayobozi 5 277, muri bo 890 ni bo bagize amanota ari munsi ya 70% bangana na 16%.

Agaruka ku byo REB yabonye bahuriyeho, yagize ati: “Ibyo twabonye bahuriyeho byavuye mu isuzuma ry’Akarere ni ibijyanye n’imyitwarire y’abayobozi b’ibigo mu gace ko gusuzuma imyitwarire, abatsinzwe muri abo 890 twavaniyeho inshingano yo kuyobora, usanga mu myitwarire bafite amanota make. Uburyo yitwara, uko abana n’abarimu, [….]  uko akemura ibibazo byabanyeshuri n’abarimu.”

Dr Mutezigaju yavuze ko icya kabiri ari uburyo bacunga umutungo w’ishuri.

Ati: “Wasangaga abenshi kuri icyo cyiciro bataritwaye neza, ugasanga baribye ibyo kurya by’abana, umuyobozi utahaba uhora yagiye.

Kuri REB, ikindi, abenshi icyongereza cyarabananiye cyane cyane nubwo cyari gifite amanota make. Abayobozi benshi bahagarikiwe iyo urebye imitsindire y’imyaka 3 ku bigo, usanga igenda isubira inyuma.”

Muri abo batsinzwe abenshi ni abafite impamyabumenyi y’amashuri yisumbuye (A2), kandi abenshi usanga bakuze. Mu 5277, abagabo ni bo benshi kuko basaga 3 100 naho abagore bakaba bari hafi 2 000.

Byagarutsweho kuri iki Cyumweru, tariki ya 28 Ukuboza mu Kiganiro Urubuga rw’Itangazamakuru.

REB ishishikariza abagore bari mu burezi gusaba imyanya y’ubuyobozi bw’ibigo, kuko muri rusange amashuri ayoborwa n’abagore yakoze neza ugereranyije n’abagabo.

‎Benshi mu bapfuye bari baryamye ubwo inkongi yadukaga nk'uko byatangajwe na Al Jazeera dukesha iyi nkuru.

Inzego z'ubuyobozi zatangaje ko zabashije kurokora abantu 12 batagize icyo baba.

Faustin Likua w’imyaka 23 ukina mu kibuga hagati yugarira ashobora gusinya amasezerano y’imyaka ibiri atanzweho miliyoni 21 z’amafaranga y’u Rwanda.

Muri Kanama 2024 ni bwo Likau Faustin yavuye muri AC Dynamique yo muri Repubilika Iharanira Demokarasi ya Congo, yerekeza muri Flambeau du Centre ku masezerano y’imyaka ibiri, ariko harimo ko ayo masezerano narangira azahita asubira muri AC Dynamique.

Uyu mukinnyi nasinyira iyi kipe ashobora kuzagaraga mu mukino w’Igikombe cyiruta ibindi mu Rwanda “ FERWAFA Super CuP” uzahuza Rayon Sports na APR FC tariki ya 10 Mutarama 2026, kuri Stade Amahoro.

Gikundiro itegereje undi mukinnyi ukina nka rutahizamu witwa Armand Jules Kooh ukomoka muri Cameroon ufite imyaka 26.

Uyu mukinnyi kugeza ubu nta kipe yari afite nyuma yo gutandukana na Club Africain yo muri Tunisia.

Minisitiri Uwimana yavuze ko abantu bakora ibidasanzwe ahanini baba bafite ibibazo by’ubuzima bwo mu mutwe, akanenga itangazamakuru ryibanda ku nkuru za byacitse bitwaje ko ari zo zibongerera abafana n’ababakurikira rikirengagiza ko hari n’izindi nkuru nziza zubaka umuryango.

Mu kiganiro na RBA, Minisitiri Uwimana yagize ati “Ikibabaje ni uko itangazamakuru iyo umuntu akoze ibintu bidasanzwe mu rwego rwo gushaka abafana,(views) inkuru ni byacitse. Abantu babitwara muri byacitse bakerekana ikintu kidasanzwe uwo muntu yakoze akaba ari yo iba nkuru, bikaza kurangira tutamufashije ariko duteye n’abandi bafite ibibazo nk’ibyo, kubona ko bishoboka bakishora muri byo bibi.”

Imibare y’Ikigo cy’Igihugu cyita ku Buzima, (RBC) yagaragaje ko kugeza muri Nyakanga 2025, abasaga ibihumbi 44 bagiye kwivuza uburwayi bwo mu mutwe.

Raporo y’Urwego rw’Ubucamanza yerekanye ko mu mwaka wa 2024/2025 haburanishijwe imanza 2.674 z’abashakanye basaba gutandukana, zivuye ku manza 2.833 mu mwaka wari wabanje.

Minisitiri Uwimana asaba Abanyamakuru guhindura umuvuno bakajya batangaza n’inkuru z’imiryango ibanye neza kuko mu Rwanda ihari kandi y’intangarugero.

Ati “Mwe muvuga bikagera kure igihe kirageze ngo twongere twumve ko nyuma yo kuvuga inkuru mbi twabonye dukwiye kurenzaho tukerekana n’ibindi bikorwa byiza biri gukorwa. Hari abantu b’inyangamugayo, hari abari kwizihiza imyaka 50 babana, twe kwamamaza ibibi tugerageze tugarure n’umuryango tuwuvuge ibyiza.”

Icyakora MIGEPROF avuga ko ugereranyije n’amateka igihugu cyanyuzemo ya Jenoside yakorewe Abatutsi 1994, umuryango uhagaze neza ariko hatabura ingaruka zayo n’ibisigisigi.

Avuga ko hari abantu bakibana n’ihungabana n’ibikomere by’amateka kandi abo na bo baba mu muryango kandi baba bagomba kwitabwaho.

RBC igaragaza ko umuntu umwe muri batanu mu Rwanda aba yarahuye n’ikibazo cy’ubuzima bwo mu mutwe. Muri ibyo bibazo birimo ibituruka ku gahinda gakabije, ubwoba bukabije n’ihungabana, ikoreshwa ry’ibiyobyabwenge n’inzoga n’izindi ndwara zo mu mutwe.

Agahinda gakabije kari kuri 11,9%, ubwoba bukabije 8,1%, Ihungabana riri kuri 3,6%, uburwayi bukomeye bwo mu mutwe buri kuri 1,3%, imyitwarire idasanzwe ibangamira abandi muri sosiyete ikaba kuri 0,8%, mu gihe imyitwarire iganisha ku kwiyahura ari 0,5%.

Ni mu gihe raporo zitandukanye zigaragaza ko umubare w’abasaba gatanya wagiye uzamuka vuba aho mu mwaka wa 2016 hakiriwe ibirego ibirego 21, mu 2017 biba 69 naho mu 2018 biba 1.311.

Raporo y’Ikigo cy’Igihugu cy’Ibarurishamibare (NISR) mu 2019 yerekanye ko imiryango 8.941 yemerewe n’inkiko gutandukana mu gihe mu 2020 inkiko zakiriye ibirego 3.213.