Umwe yagize ati, “Kuri Cocombre ushobora kubona toni eshanu kuri saison, kuri poivreau ushobora kubona toni eshatu hafi enye, ku nyanya na ho ushobora kubona toni eshatu hafi enye. Ibigo by’imari navuga ngo biratwizera, ariko imbogamizi ibamo, ujya gusaba inguzanyo ukajyana ingwate. Hari igihe uba udafite iyo ngwate, ugasanga umutware cyangwa umuryango wawe wanze kugufasha, bitewe no gutinya igihombo.”

Uretse uwo, hari n’abagaragaza ko ibigo by’imari byinshi biherereye kure y’abagenerwabikorwa, bigatuma bagenda biguruntege mu gusaba inguzanyo.

Umunyamabanga wa Leta muri Minisiteri y’ubuhinzi n’ubworozi Madame Uwituze Solange, avuga ko Leta yatangiye imikoranire n’inzego zinyuranye, ku ikubitiro banki nkuru y’igihugu, kugira ngo harebwe uburyo abahinzi bato cyane cyane abagore, bajya bagurizwa amafaranga yo kwagura ibikorwa byabo.

Mu kuguriza abo bahinzi nyamara, Madame Uwituze Solange, avuga ko hari ibizajya bibanza kwigwaho. Yagize ati, “Tuzajya tureba niba abifuza inguzanyo ari abagurizwa beza, niba usaba inguzanyo, iyo agurijwe kuri Momo yishyura neza cyangwa aba bihemu, niba mu matsinda bigenda neza. Hari sisiteme zizahuzwa ku buryo abantu bazajya bareba niba ugurizwa ari umugurizwa w’umwizerwa, mu masaha atari menshi.”

Uyu muyobozi, avuga kandi ko hazajya hanarebwa umusaruro w’umugenerwabikorwa, ku buryo uwo musaruro ari wo wafatwa nk’ingwate.

Ibarura rusange ry’abaturage n’imiturire ryakozwe mu mwaka wa 2022, rigaragaza ko imiryango miliyoni 1 n’ibice 4, ikora imirimo ishingiye ku buhinzi n’ubworozi. Mu guteza imbere abo banyarwanda, mu bihe binyuranye, Leta y’u Rwanda yagiye ishyiraho politiki zo korohereza abahinzi n’aborozi, aho yabanje gushyiraho nkunganire ku ifumbire n’inyongeramusaruro, ndetse mu mwaka wa 2019, Leta y’u Rwanda yatangije gahunda y’ubwishingizi ku buhinzi n’ubworozi, gahunda izwi nka “Tekana urishingiwe muhinzi mworozi.” Izi politiki zose, zigamije gutuma abahinzi n’aborozi badakora batagamije gutunga imiryango yabo gusa, ahubwo bagasagurira n’amasoko, yaba ayo mu Rwanda, cyangwa se ayo mu mahanga.

Agira ati ‘’Umunsi umwe baraje baramfata bambaza aho nakuye amafaranga mfite mbabwira ko nyakomora ku nka za data wari ufite nyinshi yabona amaze gusaza akazigurisha akampa igishoro!Banze kubyemera baravuga ngo amafaranga yanjye ni Amakotanyi’!’.

Uretse mu Rwanda, Kashugera yaranguraga ibicuruzwa no mu gihugu cy’abaturanyi cya Uganda.Ibisobanuro yahaye ba maneko bitabanyuze bamufunze igitambaro mu maso bajya ku mufungira ahantu yamenye nyuma.Ngo yaje kwibona ari i Gikondo,nyuma afungirwa i Nyamirambo na Muhima ndetse n’ahahoze ibiro by’umukuru w’igihugu rwagati mu mujyi wa Kigali mbere y’uko arekurwa agahitamo kwimurira ubucuruzi bwe muri Kigali.

‘’Impamvu mvuga ko nagejejwe i Kigali n’Inkotanyi zo kabyara ni uko banshinje ko amafaranga nkoresha ari ayazo ariko ubu rwose bwo nanabihamya ko amafaranga mfite ari Amakotanyi bitewe n’ubuyobozi bwiza n’ingabo nziza z’Inkotanyi zaduhaye igihugu kitavangura’’

Kashugera Faustin yatangiriye ubucuruzi bwe ku mufuka w’umunyu yaguze 1,550 frws nyuma yo kugurisha inka imwe muri eshanu yagabiwe n’umubyeyi we Kamo yanitiriye ubucuruzi bwe dore ko ikigo cye cy’ubucuruzi cyitwa ‘’KAMO AND SONS’’.

Uwo munyu yarawucuruje maze ibikorwa bye bigenda bitera imbere kugeza ubwo yaguze igare akarikoresha acuruza urwagwa kugeza aguze amagare 17. Yaje kuva ku magare agura moto,aba umuvunjayi,acuruza ubuconsho kugeza aguze imodoka ya Daihatsu bidateye akabiri agura indi ari nazo yakoresha mu bucuruzi bwe Nyagatare –Kigali.

Ubu bucuruzi twavuga ko buciriritse Kashugera yabukoze imyaka 10 ubu akaba amaze imyaka 37 agemura ibicuruzwa bya BRALIRWA kuko imyaka amaze mu bucuruzi muri rusange ari 47.Ibi byo byamusabye ko agura amakamyo ya rukururana kugira ngo BRALIRWA imwemerere gukora ibyo bikorwa.

‘’Business iravuga icyangombwa ni ugutega amatwi ukumva icyo ikubwira mbese kwakundi bavuga ngo ushaka inka aryama nkazo.Ugomba kuba inyangamugayo kandi ukarangwa no kuzigama’’Uku niko Kashugera agaragaza ibanga ryo gutunga amafararanga no kuyagumana.

Kashugera ashimangira ko ibyo yagezeho byose ari umurage w’umubyeyi we dore ko mbere yo gupfa yamusabye kuzakomera ku gutunga inka.

‘’Ubu rwose inka nkomora kuri Kamo zirahari,iyo nzirimo nicyo kintu kinezeza kurusha ibindi ndetse n’imva yadata narayimuye nyegereza urwuri rwanjye’’Uku niko ashimangira isano afitanye n’umubyeyi we dore ko ngo kuganira nawe no kumutega amatwi ari kimwe mu byo atekereza ko byatumye agera aho geze uyu munsi.

Asaba abakiri bato kwirinda ubunebwe no gusuzugura akazi.Ati ‘’Mu munyihanganire mbivuge abenshi mu rubyiruko ni abanebwe!Usanga icyo bashyira imbere ari ukuryama kandi ibyo ntaho byabageza.Nkubwije ukuri mu myaka 47 ishize igihe naryamye ni gito cyane!’’

Kashugera ashimangira ko amafaranga umuntu afite ataba ari aye ku giti cye kuko aba ari ay’igihugu.

‘’Ati ntureba aya amazi turimo kunywa!Aya niyo yacu!Naho amafaranga yo ni ay’igihugu.Ziriya nyubako nakubwiye twubatse ni umutungo w’igihugu,ni umutako w’igihugu’’

Naho “Inc.” ni impine ya Incorporated, bivuga ko ari sosiyete yanditse ifite uburenganzira kandi yemewe n’amategeko bwo gukora ubucuruzi, ifite inyungu zihariye ku banyamigabane bayo.

Imigabane ya Alphabet yazamutseho 1.3% ku gicamunsi cyo kuri uyu wa Kabiri, igabanya inyungu yari yabonye mbere zageraga kuri 2.4%, ikomeza kuzamuka kugera kuri 6.6% mu minsi irindwi y’ubucuruzi yari ishize.

Ku rundi ruhande, imigabane ya Oracle yagabanutseho 1.5%, mu gihe iya Amazon yamanutse hafi 2%.

Ku wa Mbere, Alphabet yabaye sosiyete ya kane ku isi igeze ku gaciro ka $4 trillion, yiyongera kuri Nvidia, Microsoft na Apple zari zarageze kuri uwo mwanya, nubwo Microsoft na Apple nyuma yaho zongeye kumanuka munsi y’iyo ntera.

Imigabane ya Alphabet yongeye guhabwa imbaraga nyuma y’amasezerano mashya yagiranye na Apple, aho Apple yatangaje ko izifashisha Gemini ya Google nk’ishingiro ry’ikorwa ryayo rya AI, by’umwihariko mu gutunganya Ubwoko bushya bwa Siri, program ifasha abantu kuvugana n’ibikoresho bya Apple bakoresheje ijwi).

65%, ni igipimo imigabane ya Alphabet yazamutseho muri 2025, bikaba ari ukwiyongera gukomeye kurusha ibindi byose sosiyete yigeze igira mu mwaka umwe kuva muri 2009, ubwo imigabane yazamukaga hafi 93%.

Umutungo wa Sergey Brin wiyongereyeho miliyari $4.9 angana na 1.9%, ugera kuri miliyari $255.6, bituma aba uwa gatatu ku rutonde rw’abaherwe ku isi, inyuma ya Larry Page ubarirwa muri Miliyari $277 na Elon Musk wa Tesla ubarirwa kuri Miliayari $725.3, nk’uko bigaragazwa n’urutonde rwa Forbes Real-Time Billionaires.

Jeff Bezos ari ku mwanya wa kane n’umutungo ubarirwa muri miliyari $253.2, mu gihe Larry Ellison ari uwa gatanu n’umutungo ubarirwa muri miliyari $251.3.

Sergey Brin, ufite imigabane mike ya Alphabet yo mu cyiciro cya Class C, amaze igihe agaragara mu kugurisha imigabane ye ya Alphabet no gutanga inkunga ya za miliyoni z’amadolari mu migabane ya Alphabet na Tesla, ayishyira mu bushakashatsi ku ndwara ya Parkinson.

Mu 2025, Alphabet yigaragaje nk’umuyobozi mu ikoranabuhanga rya AI, imigabane yayo ikomeza kuzamuka nubwo hari impungenge z’abashoramari ko imigabane ya sosiyete zishingiye kuri AI ishobora kuba ifite agaciro kari hejuru cyane y’ukuri.

Google yasohoye Gemini 3, verisiyo nshya ya AI yayo, mu kwezi kwa Ugushyingo, yakirwa neza, ibyumweru bike nyuma y’uko isohoye Ironwood, igisekuru cya karindwi cya AI, mu gihe ihanganye bikomeye na Nvidia.

Abasesenguzi b’ikigo mpuzamahanga cy’imari n’ishoramari cya Citi Group banditse mu itangazo riheruka ko Alphabet iri mu masosiyete bahisemo cyane ku izamuka ryitezwe mu 2026, bagaragaza ko 70% by’abakiriya ba Google Cloud bakoresha ibikoresho bya AI bya Google, kandi ko ifite “ibikorwa remezo n’ubushobozi bwa model” bikenewe mu gihe isoko rya AI rikomeje kwaguka.

Ku wa 8 Mutarama, umusesenguzi wa Cantor Fitzgerald, Deepak Mathivanan, yavuze ko Google ifite “urwego rukomeye kurusha abandi bose” mu masosiyete ya AI, ashimangira ko “ishoramari rimaze imyaka irenga icumi” ryakozwe na Google rituma abayihanganye badashobora kuyigeraho vuba.

Minagri igaragaza ko mu gihembwe cya gatatu cya 2025, urwego rw’ubuhunzi rwazamutseho 10% ibyatumye umusaruro mbumbe w’igihugu uzamukaho 1,5%.

Ni mu gihe umusaruro w’amafi wazamutse ku kigero cya 34%, dore ko uyu mwaka wasize habonetse abana b’amafi miliyoni 71,6.

Umusaruro w’amafi mu Rwanda uko imyaka ishira ugenda wiyongera kuko nko mu 2023 wari toni 46.495 uvuye kuri toni 43.560 wariho mu 2022, mu gihe mu 2021 wari toni 36.047.

Ibi ahanini byatewe n’amahugurwa yagiye ahabwa abaturage ndetse no gushishikarizwa kwibumbira muri koperative, aho nko mu mwaka wa 2025 abarenga 1.737 bahuguwe ku bijyanye no korora amafi mu buryo bugezweho.

Si ibyo gusa kandi kubona ibikoresho bigezweho ndetse n’ibiryo by’amafi mu buryo bworoshye biri mu bituma uyu musaruro wiyongera.

Ibi byatumye aborozi b’abamafi bamenya uburyo bwiza bwo kongera umusaruro wayo, aho nk’ikigo gikora ubworozi bw’amafi, Kivu Choice hatchery, ari cyo kiyoboye ibindi mu gutanga abana b’amafi kuko gitanga nibura 52,4% y’abana b’amafi baboneka mu Rwanda kuko gishobora gutanga abana b’amafi barenga miliyoni 37.

Mu Rwanda ubushakashatsi bwari bwarakozwe mu 2012, bwagaragazaga ko umubare w’abantu barya amafi wari uri hasi cyane ugereranyije n’andi matungo mu Rwanda.

Icyo gihe wari kuri toni 25.000, muri zo toni 16.000 zabaga zaturutse imbere mu gihugu naho toni 9.000 zaturutse mu mahanga.

Biteganyijwe ko mu 2035 u Rwanda ruzaba rugeze ku musaruro w’amafi ungana na toni 80.620.

Mu kwemeza iri shyirwaho, Inama y’Ubuyobozi yagarigaje icyizere Karekezi mu gukomeza kuyobora uru rwego.

Mu makuru yashyizwe hanze n’Isoko ry’Imari n’Imigabane ry’u Rwanda (RSE) rigaraza ko muri rusange umwaka wa 2025 warangiye Isoko ry’Imari n’Imigabane ry’u Rwanda rifite agaciro ka Miliyari 6.680Frw. Aya mafaranga ni igiteranyo cy’agaciro k’ibiri kuri iri soko byose.

Agaciro k’imigabane yashyizwe kuri iri soko n’ibigo bitandukanye ni Miliyari 4.700 Frw, mu gihe agaciro k’impapuro mpeshamwenda ko ari Miliyari 1.900Frw. Zigizwe ahanini n’impapuro mpeshamwenda za Guverinoma ndetse n’iz’ibigo binini.

Agaciro k’ibikorwa by’ubucuruzi (kugura no kugurisha) byakozwe kuri iri soko ry’imari n’imigabane ni miliyari 4.800 Frw. Muri ibi ibijyanye n’impapuro mpeshamwenda byari byihariye miliyari 181,8 Frw, mu gihe imigabane yo yari yihariye miliyari 6,7Frw.

Kugura cyangwa kugurisha impapuro mpeshamwenda za Guverinoma byihariye 92% by’agaciro k’ibikorwa byose by’ubucuruzi byakozwe kuri iri soko.

Mu 2025 iri soko ry’imari n’imigabane ryabashije gukusanya igishoro cya miliyari 359,02 Frw. Agera kuri Miliyari 326 Frw yabonywe na Guverinoma y’u Rwanda binyuze mu mpapuro mpeshamwenda yashyize hanze, mu gihe andi miliyari 33,02 Frw yatwawe n’ibigo binini byigenga byashyize impapuro ku isoko.

Mu bigo bishya byayobotse Isoko ry’imari n’imigabane ry’u Rwanda harimo Prime Energy Plc, uruganda rwa Mahwi Grain Miller Plc rwashyizeho impapuro mpeshamwenda zifite agaciro ka miliyari 2 Frw, Africa Medical Supplier yashyize ku isoko impapuro mpeshamwenda za miliyari 5 Frw zizishyurwa ku nyungu ya 13,25% buri mwaka.

Hari kandi na International Finance Corporation yashyize ku isoko impapuro mpeshamwenda ziswe Umuganda za miliyari 24 Frw na Energicotel Plc yashyizeho impapuro mpeshamwenda za miliyari 2 Frw.

Karekezi ni inzobere mu by’imari, afite uburambe bw’imyaka irenga makumyabiri mu bigo bikomeye by’imari ku rwego mpuzamahanga no mu nzego za Leta.

Mu rugendo rwe rw’akazi, yakoze mu bigo birimo J.P. Morgan, HSBC, BNP Paribas, na UBS, aho yungutse ubumenyi n’ubunararibonye mu by’isoko ry’imari n’imigabane.

Karekezi yari Umuyobozi ushinzwe Iterambere ry’Isoko ry’Imari n’Imigabane muri uru rwego, aho yayoboye gahunda zo gukomeza kuzamura iri soko mu bice bitandukanye birimo kongera umubare w’abashoramari b’ingeri zitandukanye, ndetse no kongera uko imari ivanwa kuri soko igafasha abikorera.

Mbere yo kujya muri CMA, yabaye Umujyanama wa Tekiniki mu Biro bya Guverineri Wungirije wa Banki Nkuru y’u Rwanda (NBR).

Karekezi afite impamyabumenyi y’Icyiciro cya Kabiri cya Kaminuza yakuye muri Solvay Brussels School of Economics and Management, ndetse n’indi mpamyabumenyi y’icyiciro cya kabiri cya Kaminuza yakuye muri Coventry University.

Yanasoje amahugurwa yo ku rwego rwo hejuru mu bijyanye na Open Banking na Finance for Regulators muri Cambridge Judge Business School, ndetse n’amahugurwa ajyanye na FinTech muri Kaminuza y’Igihugu ya Singapore.

Raporo zitandukanye zasohotse mu myaka yatambutse zagaragaje ko BRD yongereye umutungo wayo mu by’imari, itanga inguzanyo z’igihe kirekire mu rwego rw’ubukungu aho ibyo byatumye umutungo wayo uzamuka uva kuri miliyari 157 z’amafaranga y’u Rwanda Frw mu 2019, ugera kuri miliyari 1000 Frw mu 2025.

BRD yungutse miliyari 22 Frw ndetse yongera n’inguzanyo ziva kuri miliyari 167 Rwf zigera kuri miliyari 710 Frw.

Iyo mibare ishimangira ko BRD yinjiye mu nyungu zihamye, yongera ubushobozi mu kubona inkunga zituruka mu bashoramari Mpuzamahanga harimo n’inguzanyo ya  miliyari 36 Rwf, iherutse gutangwa na Banki y’Abarabu y’Iterambere ry’Ubukungu muri Afurika,(Arab Bank for Economic Development in Africa (BADEA), igamije gushyigikira imishinga mito n’iciriritse (SMEs).

Binyuze muri BRD kandi muri Kanama 2025, BADEA yasinyanye n’u Rwanda amasezerano y’inguzanyo ya miliyoni 45 z’amadolari y’Amerika agamije ibikorwa by’iterambere.

BRD yanafashije ingo zirenga 510,000 kubona amashanyarazi binyuze muri gahunda ya ‘Cana Uhendukiwe’, ndetse abarenga 300,000 babona imirimo.

Ikigo cy’Igihugu cy’Ibarurishamibare, NISR, cyavuze ko iri zamuka ryagizwemo uruhare n’urwego rwa serivisi rwageze kuri 57%, ubuhinzi bugira 15%, inganda 22% ndetse n’umusaruro wavuye mu misoro ubarirwa kuri 6%.

Urwego rw’ubuhinzi rwazamutseho 10%, inganda zizamukaho 17% mu gihe urwego rwa serivisi rwazamutseho 10%.

Urwego rw’ubuhinzi muri rusange rwazamutseho 10% bugira uruhare rwa 1.5% ku musaruro mbumbe wose w’igihugu.

Mu rwego rw’ubuhinzi, umusaruro w’ibihingwa ngandurarugo wiyongereyeho 4%, mu gihe umusaruro w’ibihingwa ngengabukungu wiyongereyeho 35%, ubworozi bwiyongeraho 6%, naho uburobyi bwiyongereyeho 34%.

Iterambere rusange ry’inganda ryageze kuri 17% rigira uruhare rungana na 3.7% ku iterambere rusange ry’umusaruro mbumbe w’igihugu (GDP).

Mu rwego rw’inganda kandi ubucukuzi bw’amabuye y’agaciro bwiyongereyeho 14%, ibikorwa by’ubwubatsi byiyongeraho 20%, mu gihe inganda zitunganya ibicuruzwa (manufacturing) zongereye umusaruro ku kigero cya 14%.

Iterambere ry’inganda zitunganya ibicuruzwa ryatewe ahanini n’izamuka ry’umusaruro w’ibikomoka ku bikoresho nka sima, wazamutseho 44%.

Umusaruro w’ibikomoka ku byuma wazamutseho 28%, naho umusaruro w’imiti wazamutseho 25%. Gutunganya ibiribwa byiyongereyeho 12%.

Iterambere rusange ry’urwego rwa serivisi ryageze kuri 10% kandi ryagize uruhare rwa 5.5% ku musaruro mbumbe w’Igihugu (GDP).

Mu rwego rwa serivisi, ubucuruzi bunini n’ubuciriritse bwiyongereyeho 20%, mu gihe serivisi z’ubwikorezi ziyongereyeho 9%.

Izindi serivisi zijyanye n’itumanaho ndetse n’ikoranabuhanga ziyongereyeho 17%, iz’imari ziyongeraho 10% mu gihe serivisi z’amahoteli n’amaresitora zagabanyutseho 3%.

Serivisi z’ubuyobozi bwa Leta ziyongereyeho 7%, serivisi z’uburezi ziyongeraho 5%, naho serivisi z’ubuzima zigabanyukaho 16%.

Ni inama ihurije hamwe abasaga 1 000 barimo ba rwiyemezamirimo, abashoramari, abajyanama mu by’imari, abafatanyabikorwa n’inzobere mu nzego zitandukanye ku Mugabane wa Afurika biga ku iterambere ry’ishoramari.

Yagize ati: “Kwihangira imirimo si intego ahubwo ni ururimi duhuriyeho ku mugabane ndetse bitwibutsa ko urubyiruko, abagore, ba rwiyemezamirimo batagitegereza amahirwe abasanga ahubwo bayishakira, bakayahanga.”

Iyi nama izasozwa hatangwa ibihembo kuri ba rwiyemezamirimo 10 bahize abandi mu Irushanwa “Africa’s Business Heroes”. Itangwa ry’ibi bihembo rikubiye mu mushinga watangijwe n’Umushinwa Jack Ma abinyujije mu Kigo cye cya Alibaba, nyuma yo gusura Umugabane wa Afurika bwa mbere mu 2017.

Icyo gihe yanitabiriye Youth Connect yabereye i Kigali, anasura Umujyi wa Nairobi muri Kenya, yanzuye gushyigikira Afurika mu rugendo rwo kwihangira imirimo.

Muri uyu mwaka, ba rwiyemezamirimo 10 batoranyijwe mu barenga ibihumbi 32 bari batanze imishinga yabo. Bahataniye ibihembo biri hagati y’amadolari ya Amerika 100 000 na 300 000.

Umuyobozi Mukuru wa Africa’s Business Heroes, Zahra Baitie Boateng, yavuze ko ba rwiyemezamirimo banyuze muri iri rushanwa bahanze imirimo irenga ibihumbi 120, yahinduye ubuzima bw’abarenga miliyoni 40 barimo abagura serivisi zitandukanye.

Ati: “Inzozi zabaye impamo. Ba rwiyemezamirimo baturuka mu mfuruka zose za Afurika, babarizwa mu nzego zitandukanye zirimo ubuhinzi, ikoranabuhanga n’inganda. Bari kubaka Afurika bifuza, Afurika twese twifuza.”

Umuyobozi Wungirije w’Urwego rw’Igihugu rw’Iterambere, RDB, Juliana Kangeli Muganza, yashimye ko ibihembo bya Africa’s Business Heroes bigiye gutangirwa mu Rwanda ku nshuro ya gatatu, muri zirindwi bimaze kuba.

Ati “Twishimiye ko Kigali yatoranyijwe nk’umujyi wakiriye itangwa ry’ibihembo. Si impanuka ahubwo bishimangira imyemerere Guverinoma y’u Rwanda n’Umuryango wa Africa’s Business Heroes bihuriyeho, ko kwihangira imirimo birenze kuba igikoresho cy’iterambere, byabaye moteri y’impinduka zikenewe.”

Ambasaderi w’u Bushinwa mu Rwanda, Gao Wenqi, yavuze ko kuva Africa’s Business Heroes yatangira mu 2019, yabaye gahunda yatanze impinduka ku Mugabane wa Afurika.

Ati “Abatsinze mu bihe byashize, babaye abantu bakomeye ku Mugabane [wa Afurika] wose. Ni byiza kubona ba rwiyemezamirimo benshi basaba kwitabira iri rushanwa, ni gihamya ku hazaza n’imbaraga z’ubukungu bwa Afurika.”

Ibihembo bya Africa’s Business Heroes byatangiye gutangwa ku mugaragaro mu 2019.

Ubwo yatangizaga iki Cyumweru, Minisitiri w’Intebe Dr Justin Nsengiyumva yashimye abakora mu rwego rw’ubucukuzi bw’amabuye y’agaciro.

Ati “Ndabashimira uruhare rukomeye mukomeje kugira mu guteza imbere uru rwego rutanga imirimo ku Banyarwanda barenga 92.000, ndetse n’intambwe ikomeje guterwa mu kubaka ubucukuzi bukozwe kinyamwuga.”

Yakomeje agira ati “Turabashishikariza gukomeza gushyira imbere imiyoborere myiza, kurengera ibidukikije, no guteza imbere ubumenyi n’ikoranabuhanga mu rwego rw’ubucukuzi.”

Minisitiri w’Intebe Dr Justin Nsengiyumva yijeje abakora mu bucukuzi bw’amabuye y’agaciro ko Guverinoma izakomeza kubashyigikira kugira ngo mukomeze gukora mu buryo bwizewe, butanga umusaruro, kandi butangiza ibidukikije.

Ati “Umunsi nk’uyu, ni umwanya mwiza kuri Guverinoma kugira ngo yongere gushimangira ko ibashyigikiye, muri uyu mwuga mukora w’ingirakamaro ku Gihugu. Ni intambwe ikomeye mu kubaka icyizere, ubufatanye, no gushyigikira abashoramari n’abakozi bose.”

Umuyobozi Mukuru w’Urwego rw’Igihugu rushinzwe Mine, Peteroli na Gazi (RMB), Alice Uwase yavuze ko ubucukuzi bw’amabuye y’agaciro bwateye imbere, kuva ku buryo gakondo kugeza ku bwifashisha ikoranabuhanga rigezwego.

Ati “Twageze aho tuyongerera agaciro harimo inganda zitunganya zahabu, tantalum na tin, ibintu utasanga ahandi mu bindi bihugu.”

Umuyobozi w’Inama y’Ubutegetsi ya RMB, Itzhak Fisher, yavuze ko u Rwanda rukomeje kwifashisha ikoranabuhanga mu gushakisha ahari amabuye y’agaciro, avuga ko ubu hari ahantu 52 hari gukorwaho ubushakashatsi, ku bijyanye n’amabuye ya lithium, 3Ts beryllium, zahabu n’andi.

Ubucukuzi bw’amabuye y’agaciro bwatangiye mu Rwanda mu myaka ya 1930. Kuva ubwo hagiye hakorwa amavugurura atandukanye ari na ko bwinjiriza u Rwanda agatubutse.

Umusaruro w’amabuye y’agaciro u Rwanda rujyana ku isoko ryo hanze wiyongereye cyane kuva mu 2017, kuko ayo yinjiza yavuye kuri miliyoni 373$, agera kuri miliyari 1,7$ mu 2024.

U Rwanda rukize cyane ku mabuye ya wolfram, gasegereti na coltan atunganywamo ibyuma bya tungsten, tin na tantalum. Imibare igaragaza ko rucukura toni ziri hagati ya 8000-10000 buri mwaka, igiciro mu mafaranga kigahinduka bijyanye n’uko amasoko ahagaze.

Iyumweru cy’ubucukuzi bw’amabuye y’agaciro cyatangiye kuri uyu wa Kabiri, gifite insanganyamatsiko igaruha ku bucukuzi bugezweho kandi buharanira ejo hazaza habungabunga ibidukikije.

Zanzibar yabaye icyerekezo cya gatatu RwandAir yerekezamo muri Tanzania nyuma ya Dar es Salaam na Kilimanjaro.

Abakora ingendo barimo abacuruzi, abajya gushaka serivisi zitandukanye muri Zanzibar zirimo ubukerarugendo no gusura ababo, bishimiye iyi ntambwe nshya yatewe na RwandAir. 

Ambasaderi w'u Rwanda muri Tanzania, Gen Patrick Nyamvumba yavuze ko ingendo za RwandAir muri Zanzibar zije kunganira abaturage b'impande zombi.

 Ati "Ni nko kunganira kuko hari ibyo dufite hano badafite. Bivuze ngo abantu bacu bashaka kuza hano, ubu bashobora kuhaza byoroshye, batagombye kuzenguruka cyangwa batagombye kunyura Dar es Salaam ngo bafate ubwato."

Ingendo za RwandAir muri Zanzibar kandi zitezweho korohereza abacuruzi baba abo mu Rwanda ndetse no muri Zanzibar.

Ati: “Ikawa ni ubuzima ndetse ni urukundo kurusha uko abandi babitekereza, ni igitekerezo twatangije ngwee n’umugabo wanjye ubwo natwe twari abaseriveri ahantu tubona ikawa turayikunda natwe twiyemeza gutangira uwo mushinga wo gutanga ikawa no kuyitunganya ari naho haturutse igitekerezo cyo gukora ishuri ritanga amahugurwa ku gukora no gutunganya ikawa kuva mu murima kugera mugikombe”

Serge Iradukunda, umaze amezi atatu ahugurwa, avuga ko yatangiye akunda kureba uko abandi bayitunganya, akabigerageza nawe kugeza ubwo abyinjiyemo nk'umwuga.

Ati: “Ubundi njya kuza kwiga ikawa, baitewe n’umuvandimwe wanjye wabyize nanjye akajya ambwira ngo naje tukajya kwiga ikawa ariko nanjye nza gutekereza nti kubera iki ntajyayo ngo ndebe uko bimeze, mbijyamo numva bitandimo neza ariko uko iminsi yagendaga ishira twajyaga no gutaha ngwee numva ntashaka gutaha kuko narabikunze cyane”

Naho Sandrine Ange Urusaro, umaze amezi abiri ahugurwa avuga ko yayikundaga atazi uko ikorwa none ubu byabaye mahwi.

Ati: “Impamvu yatumye nza kwiga ikawa nuko nayikundaga bituma nifuza kuyimenyaho byinshi kuva mu murima kugeza igeze mugikombe kandi hano barabitwigisha byose.”

Aba bombi, kimwe n’abandi banyuze muri Elite Café, basobanura ko urugendo rwo gukora ikawa rutandukanye kure cyane n’uko uyinyweye ku meza abitekereza. Ni umurimo usaba ubuhanga, kwitanga, n’impuhwe nyinshi.

Hari abandi bashaka kubikorera icyubahiro n’inyungu gusa. Ariko Nkundira Coffee, umushinga wa Elite Café, wavutse ku ntego imwe ariyo ‘Gukundisha abanyarwanda ikawa yabo’.

Niho havuye gahunda ya “Isaha y’ikawa” igamije gukwirakwiza ikawa nziza mu banyarwanda, ndetse hakorwa n’igikorwa cyo kuyitanga ku buntu mu rwego rwo gukangurira buri wese kuyikunda no kuyimenya neza nkuko bisobanurwa na Muhoracyeye Annet, Umuyobozi wa Elite Café Training Center.

Ati: “Tugira n’isaha yo gutanga ikawa ku buntu kugirango tuyikundishe abanyarwanda buri muntu wese tukamuha ikawa akumva urukundo rw’ikawa kuko iyo bayikunze bayigirira amatsiko bakarushaho kwiyunga nayo”

Mu gihugu kirimo urubyiruko rwinshi rufite impamyabumenyi nyinshi ariko rutabonera akazi ku gihe, Elite Café yaje kuba igisubizo ku bibazo byinshi by’ubushomeri. Aha hantu, ubushomeri ntibufatwa nk’akarengane, ahubwo burafatwa nk’ishuri ryo gushaka imbaraga n’inzira nshya.

Elite Café ifite ibyangombwa by’imirimo ikora mu Rwanda, ikaba ifitanye imikoranire n’ Urwego rw’Igihugu rushinzwe guteza imbere amashuri ya Tekiniki, Imyuga n’Ubumenyingiro (Rwanda TVET Board) bityo ibyangombwa itanga byemerera gukora haba mu gihugu ndetse no mu mahanga kuko byemewe n’iki kigo. Bamwe mu bato baharangirije ubu barakirigita ifaranga, bahindura ubuzima bwabo n’ubw’imiryango yabo. Mbabazi Anitha ni umukozi wa Elite Café.

Ati: “Nize muri Elite Café nigamo amezi 2, ngirirwa Ubuntu bwo gukora muri Elite Café ntangira no kwigisha abandi ku bumenyi bampaye, nari umushomeri nta kazi mfite ariko bampayemo akazi ntangira gufata ku mafaranga”
Muhorakeye Annet avuga ko kuba ibyango batanga byemewe n’ n’ Urwego rw’Igihugu rushinzwe guteza imbere amashuri ya Tekiniki, Imyuga n’Ubumenyingiro (Rwanda TVET Board) bitanga amahirwe ku banyeshuri kuko ubu abamaze guhugurirwa muri Elite Café Training Center, 80% bose bafite akazi.

Ati: “Twagiriwe Ubuntu bwo gukorana na Rwanda TVET Board ubu dutanga Certificate zemewe, ubu abamaze guhugurirwa hano ni abanyeshuri 800, muri bo 80% bamaze kubona akazi haba mu Rwanda no mu mahanga ndetse hari n’abikoreye ibyabo, abagera ku ijana babonye akazi hanze y’u Rwanda mu bihugu nka Oman, Qatar na Dubai”

Muhorakeye Annet Umuyobozi wa Elite Café, asobanura uko Elite Café yahindutse isoko y’inzozi z’urubyiruko binyuze mu ikawa

Muhoracyeye Annet ashimira Leta y’u Rwanda n’abandi bafatanyabikorwa bashyigikiye uru rugendo harimo nka YouthKonnect yabahaye igihembo ndetse n’abafatanyabikorwa nka AGRA muri gahunda yayo  ku mugabane w’Afurika igamije gushimangira no guteza imbere ubucuruzi n’ubucyerarugendo bw’abagore mu buhinzi, no kongera ijwi ryabo n’ubuvugizi hirya no hino muri Afurika na RYAF bakomeje kubaba hafi mubikorwa byabo bya buri munsi.

Ati: “Ntitwari kubigeraho tudafite igihugu kidushyigikiye. YouthKonnect yaduhaye Miliyoni 25 zadufashije kugura imashini zitandukanye zidufasha gukaranga ikawa no kuyitunganya, hari n’abandi bafatanyabikorwa dushimira nka AGRA dukorana muri byinshi iradusura ikareba ibikorwa byacu ikaduha inkunga mu buryo butandukanye ariko by’umwihariko mu mushinga wayo witwa ‘Value for her’ nawo nywubamo, ndi kandi no mu mishanga ya Profemme ndetse na RYAF yose igamije kuzamura urubyiruko, ibi rero nanjye bituma ngira imbaraga zo gufasha abandi nkuko nanjye mba nafashijwe”

Mu mwaka wa 2024, u Rwanda rwabonye umusaruro wa kawa ungana na Toni 21,295, ikawa yanyowe mu gihugu ingana na 5%.

Mu mwaka wa 2024-2025, ugereranyije n’uwa 2023-2024, umusaruro w’ikawa wiyongereyeho 25% ugera kuri toni 21,295 mu gihe amafaranga yinjijwe mu gihugu yavuye kuri Miliyoni 78.7 z’Amadolari, agera kuri Miliyoni 116.1 z’Amadolari, bikaba ari izamuka rya 48%.

Abanyeshuri ba Elite Café mu masomo yo gutunganya ikawa, bahabwa ubumenyi bujyanye n’isoko ry’umwuga

Serge Iradukunda arimo kumenya uburyo bwo gutegura ikawa urugendo rwatangiye nk’inyota none rwabaye umwuga

Sandrine Ange Urusaro yiga uburyo bwose kuva ku mbuto kugeza ku gikombe, aho ikawa iva ikagera ku bwiza bwayo

Mbabazi Anitha, umwe mu banyuze muri Elite Café, ubu ni umutoza w’abandi, urugero rw’impinduka zituruka ku mahugurwa

Kugeza ubu, abantu 30 bamaze kwigishwa gusoma no kwandika ku bufatanye n’Itorero RBCR muri kuri 75 babaruwe ko batazi gusoma no kwandika. Iyi gahunda ikomeje kwagurwa kugira ngo ntihazagire usigara inyuma.

Emmanuel Nsengiyumva, Perezida w’ihuriro rya Koperative zose zikorera muri iki gishanga, avuga ko bishimira intambwe bamaze gutera ariko bagikeneye ubufasha:

Ati: “Turishimira ibikorwa twagezeho kandi umukiriya aragenda aza buhoro buhoro. Ariko turifuza n’ubundi bufasha bwo kugira ahandi twajya twerekana ibikorwa byacu. Twifuza by’umwihariko moto nini ya LIFAN yatwunganira mu gutwara ibikoresho byacu.”

Mukakenda Liberata, amaze imyaka itanu muri Koperative, avuga ko ubufasha bw’Itorero RBCR na Salt and Light bumaze kubahindurira byinshi:

Ati: “Ubufasha baduha butuma dutera imbere. Ubu abana banjye biga neza, nta kibazo tugira kandi sinsabiriza. Ubu buzima bwateye imbere baradufasha kwigira.”

Ku rundi ruhande, Gatorano Emmanuel, umaze imyaka 12 muri Koperative, yemeza ko umwuga wo kubumba wamubereye isoko y’iterambere

Ati: “Mu myaka 12 maze hano nariyubatse cyane. Ndashimira abafatanyabikorwa bacu kuko ubu batangiye no kutwigisha gusoma no kwandika. Bizadufasha kwiyandikira ibyo dukora no kwimenya kurushaho.”

Madamu Masika Josepha, Umuvugizi Wungirije w’Itorero RBCR, yashimangiye ko ibikorwa nk’ibi bigamije guteza imbere imiryango ibarizwa mu makoperative no gukomeza kubafasha kwigira

Ati: “Ubufatanye nk’ubu bufasha imiryango guhindura ubuzima bwayo. Twishimira kugira uruhare mu guhindura imibereho y’abanyamuryango no kubaha amahirwe yo kumenya gusoma no kwandika.”

Bishop Dr. Antoine Nzayisenga, Umuyobozi ushinzwe gahunda n’abafatanyabikorwa muri Salt and Light International, yavuze ko intego yabo ari uguteza imbere imishinga yihariye ifasha abaturage kwigira

Ati: “Twemera ko iterambere rirambye ritangirira ku muryango. Gukorana n’aba babumbyi ni ukubaha icyizere gishya n’imbaraga zo gukomeza gutera imbere.”

Yongeyeho kandi bazakomeza kubagaragariza ko barikumwe mu iterambere ryabo bitari mu bikorwa by’umwuka ahubwo bazababa hafi mu iterambere ry’imibereho yabo.

Ati: “Aba bavandimwe bari aha bari muri ya matorero ari mu miryango ya gikirisitu tureberera niyo mpamvu rero tutagomba kubarenza ingohe ahubwotugomba kuza tukabereka yuko turikumwe nabo kuko nabo baba batwereka yuko barikumwe natwe muby’umwuka natwe tugomba no kuba kumwe nabo no muby’umubiri”

Mu rwego rwo gushyigikira ibikorwa by’izi Koperative, Itorero RBCR ryemereye inkunga ya miliyoni 2 Frw, azifashishwa mu gutangiza igurwa rya moto nini izajya ikoreshwa mu kugeza ibikorwa byabo ku masoko no mu bindi bikorwa bya buri munsi. Aya mafaranga azunganirizwa n’ayo abanyamuryango bazashaka kugira ngo moto ibashe kugurwa vuba.

Ibi bikorwa byitezweho kuzamura imibereho y’abanyamuryango, binateze imbere umwuga wabo, ndetse binahatana ku isoko ryo mu gihugu no hanze yarwo.

Bishop Dr. Antoine Nzayisenga, Umuyobozi ushinzwe gahunda n’abafatanyabikorwa muri Salt and Light International

Madamu Masika Josepha, Umuvugizi Wungirije w’Itorero RBCR

Mukakenda Liberata, amaze imyaka itanu muri Koperative

Gatorano Emmanuel, umaze imyaka 12 muri Koperative, yemeza ko umwuga wo kubumba wamubereye isoko y’iterambere

Emmanuel Nsengiyumva, Perezida w’ihuriro rya Koperative zose zikorera muri iki gishanga

Ati: “Bampaye miliyoni 20 nk’ingurane y’ubutaka bwanjye, ariko kugeza ubu ntacyo burakoreshwa. Ubu nimukiye ahandi. Baramutse banyishyuje ayo mafaranga sinabona aho nayakura, kuko yamaze gukoreshwa.”

Undi muturage utifuje ko amazina ye atangazwa na we afite impungenge zimwe. Ati: “Natwe twishyuwe amafaranga y’ingurane kuko ubutaka bwacu bwagombaga gukoreshwa ahari kubakwa urugomero. Ariko twumvise amakuru ngo bashobora kuzadusaba gusubiza ayo mafaranga kuko ubwo butaka ntacyo bwakoreshejwe. Ibyo byatubabaza cyane, kuko ayo mafaranga twarayakoresheje mu kwimuka no kwiyubaka,”

Ku ruhande rwa REG (Rwanda Energy Group), Umuyobozi Ushinzwe Guhuza REG n'abayigana Bwana Zawadi Geoffrey, yahumurije abaturage ko ibyo bivugwa nta shingiro bifite.

Ati: “Ibyo ni ibihuha. Nta hantu na hamwe byigeze bibaho ko umuntu wishyuwe ingurane y’ubutaka Leta igaruka ikamusaba gusubiza ayo mafaranga.,”

Umuyobozi Ushinzwe Guhuza REG n'abayigana Bwana Zawadi Geoffrey

Yakomeje avuga ko n’iyo byaba ngombwa ko ubwo butaka butazakoreshwa nk’uko byari biteganyijwe, nta muturage wakwishyuzwa.

Ati: “Icyo gihe ubwo butaka buba bwabaye ubwa Leta. Hashakwa ikindi gikorwa cy’inyungu rusange cyakorerwaho, ariko ntabwo Leta yagaruka gusaba umuturage amafaranga yamuhaye byemewe n’amategeko,”

Urugomero rwa Nyabarongo II Hydropower Plant ni rumwe mu mishinga minini y’ingufu z’amashanyarazi mu Rwanda, rukazatanga 43.5 MW z’amashanyarazi izongera ubushobozi bw’igihugu ku muriro uva ku mazi.

Uyu mushinga washyizwe mu bikorwa nyuma y’amasezerano Leta y’u Rwanda yagiranye na Leta y’u Bushinwa mu mwaka w' 2020, aho China Exim Bank yatanze inguzanyo yoroheje ya miliyoni $214. Biteganyijwe ko umushinga wa Nyabarongo II uzagirira akamaro uturere umunani turimo Nyarugenge, Rulindo, Gakenke, Muhanga, Kamonyi, Nyabihu, Ngororero na Musanze.

Urugomero rwa Nyabarongo II ruri kubakwa ku butaka buri ku buso bwa Hegitari 600 mu Turere dutatu harimo tubiri two mu Ntara y’Amajyaruguru ari two Gakenke na Rulindo ndetse na Kamonyi mu Ntara y’Amajyepfo

Kaneza Brenda, atuye mu mujyi wa Kigali avuga ko aya masaha ari ingenzi ariko iyo atagikora biba imbogamizi.

Ati: “Iyo uri ku kazi cyangwa uri gutegura urugendo, kumenya igihe cya nyacyo birakugoboka cyane. Aya masaha ni ingenzi cyane, ariko iyo atagikora bitugiraho ingaruka.”

Naho Konde Baba ni umucuruzi muri uyu mujyi, nawe avuga aya masaha amufasha gutegura amasaha yo kohereza ibicuruzwa bye ku bakiriya.

Ati: “Njyewe aya masaha anyereka igihe ntagomba kurenza mu kohereza ibicuruzwa byanjye ku bakiliya. Nubwo hari aho usanga atagikora."

Nubwo abenshi bayashima, hari n’abavuga ko hari ahantu henshi aya masaha atagikora, bigatuma abagenzi bagorwa no kumenya igihe nk’uko baba basanzwe babikora iyo amasaha ari mazima nkuko bivugwa na Hatangimana Emmanuel twasanze muri Gare ya Nyabugogo.

Ati: “Hari isaha rusange iri hafi y’isoko aho nkorera idakora, imaze amezi arenga atatu. Ibi bidusubiza inyuma, cyane cyane mu gihe turi gukora ingendo kubera ko tuba twarabyimenyereje.”

NGIRIMPUNDU Judith, uhagarariye Kigali Clock, iyi ni sosiyete ishinzwe aya masaha, avuga ko bakomeza gukurikirana imikorere y’aya masaha rusange ahaba hari ibibazo bigakosorwa.

Ati: “Turagerageza gukurikirana buri saha rusange yashyizwe mu mujyi wa Kigali. Aho dusanze hari ikibazo tugerageza kugikemura vuba, ariko nanone hari aho bisaba ubufatanye bw’inzego zose.”

Kugeza ubu mu mujyi wa Kigali habarurwa amasaha rusange agera kuri 38, ariko biteganyijwe ko hazakomeza gushyirwa n’ayandi mu duce tutaragerwamo, cyane cyane ahakunze kuba ibikorwa byinshi.

Abaturage bavuga ko hari amasaha aba atagikora

Minisitiri w’Intebe Dr Ngirente yabwiyeAbadepite n’Abasenateri kuri uyu wa Kane, komuri rusange Abanyarwanda bakomejeurugendo rw’iterambere kandi icyo kwishimiraari uko bazi aho bajya ndetse n’ibisabwa kugirango bahagere. 

Ati “Amajyambere ni urugendo ariko ahotugana turahazi, icyo twifuza turakizi, ibyodukora kugira ngo tugere aho twifuza kujyaturakizi. Icyiza twabonye ni uko aho tujya twesetuhazi, ari abayobozi n’Abanyarwanda murirusange.” 

Ni mu gihe u Rwanda rufite intego y’uko ntaMunyarwanda uzasigara ari mu bukene.

Minisitiri w’Intebe Dr Ngirente ati “Iyo tuvugako abantu miliyoni 1, 5 babashije kuva mu bukene ntabwo ari ukugenda ukababwira ngomuve mu bukene. Ni ibikorwa byagiye bikorwana bo babigizemo uruhare, bakava mu cyicirokimwe bakajya mu kindi.”

Ubushakashatsi ku mibereho rusange y’ingo(EICV7) bwakozwe mu mezi 12 ya 2024, bwagaragaje ko ubukene mu Rwanda bwagabanyutse, buva kuri 39,8% mu 2017, bugera kuri 27,4% mu 2024, mu gihe ubukenebukabije bwageze kuri 5,4% buvuye kuri 11,3% mu 2017.

Imibare igaragaza mu 2000 Umunyarwandayinjizaga Amadorali ya Amerika 268 ku mwakaariko mu 2024 yinjizaga 1029$.

EICV7 igaragaza ko Abanyarwanda miliyoni1,5 bavuye mu bukene mu myaka, bivuze koubukene bwagabanyutseho 12,4% mu myakairindwi ishize.

Minisitiri w’Intebe Dr Ngirente avuga ko iyoLeta ivuga imibereho myiza, iba irebanan’ubuzima bwa buri munsi bw’Abanyarwandahakurikijwe ibyo bakenera ndetse n’uburyobagenda biteza imbere bava mu kiciro bajya mu kindi. 

Ati “Ibyo abantu bakenera rero harimo uburezi, ubuzima, imiturire, kubona icyo umuntu akorakandi cyinjiza ndetse na serivisi z’ibanze, akabaariho ubushakashatsi bwakozwe bwaribushingiye, ndetse hibanzwe cyane ku buryoubuzima mu ngo z’abantu buhagaze mu Rwanda”.

NISR igaragaza ko kugira ngo Umunyarwandaabashe kubona ibiribwa n’ibindi by’ibanzenkenerwa mu mibereho ya buri munsi, bimusaba gukoresha nibura 560.127 Frw mu mwaka.

Guverinoma y’u Rwanda igaragaza ko gahundazayumye abanyarwanda benshi bava mu bukeneharimo gahunda zitandukanye nka Girinka, VUP, gufasha abatishoboye bahabwa inkungay’ingoboka no kwishyurira abatishoboyeubwisungane mu kwivuza.

Imibare iheruka ya Minisiteri y’Ubuhinzin’Ubworozi igaragaza ko inka ziri mu gihuguzirenga miliyoni 1, 6, muri zo izirenga ibihumbi452 zatanzwe muri gahunda ya Girinka.

Ubwo Umukuru w’Igihugu yakiraga Minisitiri Fall, yari kumwe na Minisitiri w’Imari n’Igenamigambi, Murangwa Yusuf.

U Rwanda na Sénégal bimaze imyaka myinshi bibanye neza. Byashimangiwe n’abayobozi babyo mu nzinduko bagiriye i Dakar n’i Kigali mu bihe bitandukanye ndetse n’amasezerano y’ubufatanye yasinyiwemo.

Mu 1975, ibihugu byombi byagiranye amasezerano y’ubufatanye mu by’umuco, ay’ubutwereranye rusange mu 2004, mu 2016 hashyirwaho komisiyo ihoraho ishinzwe kugenzura uyu mubano.

Urwego rw’Igihugu rw’Itangazamakuru (RBA) rwagiranye na Radio/Televiyo ya Sénégall amasezerano y’ubufatanye mu guteza imbere uyu mwuga, hasinywa n’ay’ubwikorezi yatumye indege za sosiyete ya RwandAir zitangira gukorera ingendo i Dakar mu 2017.

Muri Gicurasi 2024 ubwo Faye yari amaze gutorerwa kuyobora Sénégal asimbuye Macky Sall, Perezida Kagame yamushimiye intsinzi, amwizeza guharanira ko umubano w’ibihugu byombi urushaho kuba mwiza.

Muri ibi bihe, Perezida Faye yagaragaje ko ari gukurikiranira hafi ikibazo cy’umutekano muke mu karere ka Afurika y’Ibiyaga Bigari cyatumye umubano w’u Rwanda na Repubulika Iharanira Demokarasi ya Congo uzamba.

Muri Werurwe 2025, Faye na Perezida Kagame baganiriye kuri iki kibazo, bashima intambwe yatewe n’umuryango wa Afurika y’iburasirazuba (EAC) n’uwa Afurika y’amajyepfo (SADC) iganisha ku kugikemura.

Uyu muturage yakomeje avuga ko ibi bibazo byose biterwa n’uburyo Leta ikoresha nabi inkunga yahawe n’amahanga.

Yagize ati “Ikibazo, abayobozi bacu bakoresha amafaranga mu bintu binyuranye n’icyo yari yaragenewe gukora.”

Banki y’Isi igaragaza ko bibiri bya gatatu by’abantu miliyoni 21 batuye muri Malawi baba mu bukene bukabije.

Umuyobozi mu muryango Centre for Social Concern, Agnes Nyirongo, yagaragaje ko nibura buri mwaka iki gihugu gihomba miliyoni 545 z’Amadolari kubera kugabanyuka kw’abaterankunga.

Yagize ati “Kuva mu 2013, igihugu cyahombye nibura 5% by’ubukungu bwacyo, cyangwa hafi miliyoni 545 z’Amadolari buri mwaka kubera kuganyuka kw’abatera inkunga.”

Malawi ni kimwe mu bihugu bitandatu bifite amadeni menshi agoye kwishyura, nk’uko raporo y’Ikigega Mpuzamahanga cy’Imari (IMF) yo muri Gashyantare 2025 ibigaragaza.

Iyi raporo kandi igaragaza ko guhera mu 2020 kugera mu 2024, amadeni ya Malawi yavuye kuri 43% agera kuri 93% by’umusaruro mbumbe w’iki gihugu.