Umuvugizi w’umuryango w’ababumbyi bo mu Rwanda COPORWA, Kamahoro Chantal

Uru rusobe rw’ibibazo nirwo rwatumye umuryango COPORWA utewe inkunga n’Ishami ry’Umuryango w’Ababumbye ryita ku Iterambere UNDP,utangiza umushinga ugamije kuboneza imirire no kwihaza mu biribwa mu bana bari munsi y’imyaka itanu n’abagore bari mu gihe cy’uburumbuke, barimo abatwite n’abonsa.

Uyu mushinga watangiye gushyirwa mu bikorwa m’Ukwakira 2025, ukaba uteganyijwe kumara umwaka umwe, ugakorerwa mu tugari twa Nkanga, Batima na Nemba mu murenge wa Rweru mu karere ka Bugesera.Wibanda ku miryango y’abasigajwe inyuma n’amateka ndetse n’abandi baturage b’amikoro make.

Mujawamariya Providence,Umukozi wa COPORWA, ushinzwe gukurikirana uyu mushinga, asobanura ko ikigamijwe muri uyu mushinga ari ukurwanya igwingira hashingiwe ku byumweru n’imyaka ya mbere y’ubuzima bw’umwana.

Ati: “Imirire y’umwana itangira akiri munda kugeza avutse no kuzamuka kugera ku myaka itanu; burya ni ho uba warwanije igwingira. Iyo icyo gihe gihungabanye, n’ingaruka zacyo zigira ubukana mu buzima bwose.”

Mujawamariya Providence, Umukozi wa COPORWA

Avuga ko nubwo umushinga wibanze cyane ku basigajwe inyuma n’amateka, hari n’abandi baturage bo mu murenge wa Rweru bazagenda bawugerwaho bitewe n’ubushobozi buzaba bubonetse.

Ati: “Uyu mushinga ureba cyane abasigajwe inyuma n’amateka, ariko n’abandi baturage batuye muri uyu murenge tuzagenda tubageraho uko tuzashobozwa.”

Mu bikorwa byamaze gushyirwa mu bikorwa harimo gutanga ihene ku miryango 37 y’abasigajwe inyuma n’amateka, aho zizajya zororoka binyuze mu muco wo koroza bagenzi babo, hagamijwe kongera umutungo w’ingo no kurwanya imirire mibi. Hanakozwe amahugurwa ku mirima y’igikoni, akamaro k’imboga mu mirire y’abana, ndetse abana 17 bari bararetse ishuri basubizwa mu mashuri. Ibyo ngo bikazajyana n’ubuhinzi bw’ibihumyo

Abaturage bahawe ihene bavuga ko ari intangiriro y’icyizere gishya. Hategekimana Janviere, utuye mu Kagari ka Nkanga, Umudugudu wa Ruzo, avuga ko uyu mushinga wahinduye imyumvire n’imibereho.

Ati: “Ibibazo twari dufite byari byinshi: abana bata ishuri, kutagira aho duhinga, n’ubwigunge. COPORWA yaje itwigisha, imyumvire irahinduka kuko iyo ufite imyumvire mizima nta kidashoboka. Izi hene zizabyara tworoze bagenzi bacu, tuve mu bukene.”

Hategekimana Janviere, utuye mu Kagari ka Nkanga

Musabyimana Odette nawe warojwe ihene ashimangira ko uyu mushinga wabasigiye amasomo mashya ku mirire n’ubuhinzi bugezweho.

Ati: “Twari tuzi ko umuntu agomba kuba afite isambu nini kugira ngo abone ibiribwa. Uyu mushinga watwigishije guhinga mu mifuka, hafi y’inzu, noneho n’iyo ubutaka ari buke abana babona indyo yuzuye.”

Musabyimana Odette nawe yarojwe ihene

Ku rundi ruhande, Bungura Juma avuga ko ihene yahawe ifite intego irenze kuyiragiza gusa.

Ati: “Nibyara ubwa mbere nzoroza bene data, nibyara bwa kabiri nzishyuramo ishuri ry’umwana n’ubwisungane mu kwivuza. Iyi hene igiye kungirira akamaro kandi izangeza kure.”

Umunyamabanga nshingwabikorwa wa COPORWA Ingabire Alexis avuga ko kurwanya igwingira bifitanye isano n’iterambere rirambye ry’igihugu.

Ati: “Uyu mushinga urinjira mu cyerekezo dufite kuko dushaka gukura abafatanyabikorwa bacu ku rwego rumwe tukabageza ku rundi (graduation),bakagira imyumvire izamutse bityo bakagera ku iterambere rirambye”

Umunyamabanga nshingwabikorwa wa COPORWA Ingabire Alexis

Ubuyobozi bw’inzego z’ibanze nabwo bushima uyu mushinga.  “Abasigajwe inyuma n’amateka bari bafite ikibazo cy’igwingira n’imirire mibi. Uyu mushinga urimo kubafasha kwikura mu bukene, kwiyishyurira mituweli, kujyana abana mu mashuri no kurwanya igwingira.”Ahimbisirwe Laurene,umunyambanga nshingwabikorwa w’akagari ka Nkanga.

Yanasabye abahawe inkunga kuyisigasira no kuyibyaza umusaruro urambye.
Ati: “Turabasaba kutagurisha izi hene, ahubwo bakazorora neza zikazabasha kororoka, bateze imbere bagenzi babo n’umuryango muri rusange.”

Ahimbisirwe Laurene, Umunyambanga nshingwabikorwa w’Akagari ka Nkanga

Mu gihe umushinga wa COPORWA ugikomeje, abaturage bo mu murenge wa Rweru barawubonamo icyizere cyo kubaka ejo hazaza harangwa n’imirire myiza, ubukungu bwiyongera n’imibereho irambye, bishingiye ku bufatanye n’uruhare rwabo ubwabo.

“Ahazaza hanjye uko mbona ndabona hazaba heza mfatanyije n’igihugu gifite umutekano ndetse nshingiye no ku mishanga myiza igenda itugeraho “Musabyimana Odette

Mu bindi bikorwa bimaze gukorwa mu ntangiriro z’uyu mushinga harimo kubumbira abafatanyabikorwa mu matsinda yokwizigamira ku buryo bashobora kwikemurira ibibazo byihutirwa no kugira imishinga mito batangiza.

Mu bikorwa by’uyu mushinga harimo no gutanga amatungo magufi

Itegeko rigaragaza ko umuntu wese wahuye n’impanuka yaba yatewe n’ikinyabiziga cyangwa inyamaswa afite uburenganzira bwo guhabwa indishyi. Abafite ubwo burenganzira barimo abakomerekeye mu mpanuka, abahuye n’igihombo cy’umutungo, ndetse n’imiryango y’abapfuye bazize impanuka. Abahuye n’inyamaswa, yaba muri pariki cyangwa hanze yayo, nabo bashyizwe mu byiciro by’abemerewe indishyi.

Mu byiciro by’indishyi zemejwe n’iri tegeko, harimo indishyi z’ubwononekare ku wagize ibikomere cyangwa indwara ziterwa n’impanuka, indishyi ku wagize ubumuga budahoraho cyangwa buhoraho, indishyi z’impozamarira zirimo izo gutakaza amahirwe yo gushaka cyangwa ayo kubona akazi, ndetse n’indishyi z’umutungo wangiritse. Iri tegeko kandi riteganya ko umuntu wagize ubumuga ahabwa indishyi zishingiye ku musaruro yatakaje, ariko igihe atabasha kugaragaza umusaruro nyakuri yari afite mbere y’impanuka, agahabwa indishyi zibarwa hagendewe ku mafaranga 3,000 Frw ku munsi, igipimo gishobora kuzamurwa n’iteka rya Minisitiri ufite ubuzima mu nshingano.

Mu rwego rwo gufasha abahuye n’impanuka zitishingiwe, hashyizweho urwego rwihariye rushinzwe kwishyura indishyi ku mpanuka zitagira ubwishingizi. Uru rwego ruzajya rufashwa n’amafaranga akomoka kuri 10% by’amafaranga y’ubwishingizi butegetswe ku modoka zose zigenda zifashishije moteri, ndetse na 5% by’imbumbe yinjizwa n’urwego rushinzwe ubukerarugendo mu bikorwa bikorerwa muri pariki z’igihugu. Uko iyo misanzu izajya itangwa, yakirwa kandi igenzurwe, bizajya bisobanurwa n’iteka rya Minisitiri bireba.

Iri tegeko rinashyiraho uburyo bushya bwo guhana abateza impanuka bafite ibinyabiziga bitagira ubwishingizi. Mu gihe habaye impanuka yatewe n’ikinyabiziga kidafite umwishingizi uzwi, inzego zibifitiye ububasha zizajya zifatira icyo kinyabiziga kugeza igihe nyiracyo yishyuriye, urwego rwishyura indishyi amafaranga yose byatanzweho n’ikiguzi cy’ifatira. Ibi bigamije gukumira uburangare n’ubwiyemezi bw’abatubahiriza amategeko y’ubwishingizi bw’ibinyabiziga.

Ku rundi ruhande, iri tegeko rinateganya ko abantu bafite ubwishingizi burenze bumwe bazajya bishyurwa hakurikijwe amategeko abigenga, ndetse n’amasezerano bafitanye n’ibigo byabo by’ubwishingizi. Abagize impanuka z’akazi nabo bashyiriweho uburyo bubafasha kubona indishyi ziteganywa n’amategeko y’umwuga, mu gihe izindi zishobora gutangwa n’urwego rwishyura indishyi.

Mu gusobanura imikorere y’iri tegeko, Ingingo ya 12 igena ko indishyi zishyurwa hagendewe ku byangijwe n’impanuka ndetse n’umusaruro w’uwo byagizeho ingaruka. Iteka rya Minisitiri rizagena ibipimo, uburyo bwo kubara, n’ibisabwa mu kwishyura indishyi kugira ngo habeho uburyo bunoze

Iri tegeko rishya ni intambwe ikomeye mu kwimakaza ubutabera, kurengera ubuzima n’umutungo w’abaturage, ndetse no guteza imbere inzego z’ubwishingizi mu Rwanda. Rifite intego yo gutuma nta muntu usigara inyuma mu gihe ahuye n’impanuka, yaba afite ubwishingizi cyangwa atabufite.

Mu butumwa bwe, Umujyanama wa komite nyobozi y’akarere ka Gicumbi Mukerarugendo Theoneste yashimiye abafatanyabikorwa bateye inkunga iyi gahunda, asaba ababyeyi kubyaza umusaruro iki gikorwa.

Ati: “Izi nkoko mwahawe si izo kurya cyangwa kugurisha, ni izo kubafasha kurwanya imirire mibi. Tuzirinde, tuzizirikane nk’ishuri ry’ubuzima bwiza, kugira ngo tuzamure imibereho myiza y’abana bacu.”

Umuyobozi wa RDI Bwana Kayumba Aimé yashimangiye ko uyu mushinga utagamije guteza imbere imishinga y’ubuhinzi gusa ahubwo ugamije no guteza imbere imiryango mu buryo burambye.

Ati: “Intego yacu si ugutanga inkoko gusa no gushyigikira imishinga y’ubuhinzi n’ibijyanye nabwo, ahubwo ni ukugirango dufashe ababyeyi bafite abana bari munsi y’imyaka 5 kurwanya imirire mibi. Ntabwo rero dukwiye kongera umusaruro kugirango abantu bawujyane ku isoko ahubwo ni ukugirango tubafashe kwita no kumibereho yabo.”

Manishimwe Guillaume, umukozi wa EUCORD mu Rwanda yavuze ko intego nyamukuru z’uyu muryango ari ugukorana n’amakoperative no kuyafasha kuzamura umusaruro ukomoka ku buhinzi ariko kuri ubu bakaba bifatanije na RDI ndetse n’Umuryango w’ubumwe bw’uburayi mu guhashya imirire mibi ku bana bari munsi y’imyaka 5 mu rwego rwo guharanira imibereho myiza y’abaturage.

Ati: “Uyu munsi igikorwa cyaduhurije hano ni uguhura n’imiryango ifite abana bari mu mirire mibi mu gikorwa twafashijwemo n’abashinzwe imirire ku rwego rw’uturere, tukaba rero twabahaye inkoko kugirango babashe kuva mu mirire mibi ndetse bazanakomerezeho biteze imbere bahereye kuri izi nkoko bityo batandukane n’ikibazo cyo kubura indyo yuzuye”.

Ababyeyi bahawe inkoko bishimiye ubu bufasha, bavuga ko bizabafasha kugabanya igipimo cy’imirire mibi mu bana babo:

Umubyeyi witwa Uwumukiza Chartine yagize ati: “Ubundi kubona amagi byadusabaga kugura ku isoko kandi rimwe na rimwe ntitwabashaga kubona ubushobozi. Ubu tuzajya tuyabona kenshi, bigabanye imirire mibi mu bana bacu.”

Undi mubyeyi, Hategekimana Jean Bosco, yongeyeho ati: “Tugiye kubaka uturima tw’igikoni n’aho inkoko zizaba. Ibi bizadufasha kurushaho gutegura indyo yuzuye, tubone abana bafite ubuzima buzira umuze.”

Muri uyu mushinga wa PROFARM hamaze gutangwamo inkoko zisaga 3000 ku miryango isaga 800 mu turere twa Ruhango, Burera na Gicumbi aho buri muryango uhabwa inkoko 5

Muri gahunda ya guverinoma y’imyaka 5 yo kwihutisha iterambere NST2 u Rwanda rwihaye intego yo kugabanya igwingira mu bana rikava kuri 33% rikagera kuri 15% mu mwaka wa 2029.

Mukerarugendo Theoneste, Umujyanama wa komite nyobozi y’akarere ka Gicumbi

Kayumba Aimé, Umuyobozi Nshingwabikorwa wa RDI

Manishimwe Guillaume, Umukozi wa EUCORD mu Rwanda

Ababyeyi bahawe ibiganiro bibakangurira kwita ku bana babo kugirango babashe guhangana n'imirire mibi n'igwingira

Ati: “Abenshi mu barwayi twakira hano mu bitaro by’inkuru nziza ni ababa bakoze impanuka, kandi igice kinini muri zo ni iza moto, haba ku batwaye cyangwa ku bagenzi”

Bamwe mu bamotari ubwabo bemera ko hari bagenzi babo batubahiriza amategeko y’umuhanda, abandi bakavuga ko bamwe bakora badafite ibyangombwa cyangwa bagashyirwaho igitutu n’abagenzi babasaba kwihuta.

Mbarushmana Cyprien ni Umumotari mu mugi wa Kigali. Ati: “Hari abamotari bagenzi bacu batubahiriza amategeko, ugasanga birangira bateje impanuka,”

Nshutiyubugingo we avuga ko bakunze no gukora impanuka kubera igitutu cy’abagenzi.

Ati: “nibyo bamwe bakora nta byangombwa, ariko akenshi hari nubwo usanga twihuta kubera gushyirwaho igitutu n’abagenzi bakadusaba kwiruka cyane, bigatuma habaho impanuka,”

Umuvugizi w’ishami rishinzwe umutekano wo mu muhanda, SP Kayigi Emmanuel, avuga ko abamotari batagira ibyangombwa bazakomeza gukurikiranwa, kandi abasaba kwirinda amakosa yose ashobora guteza impanuka.

Ati: “Abamotari batagira ibyangombwa turabakurikirana, ariko kandi turanabasaba kwirinda amakosa yo mu muhanda ashobora guteza impanuka no gushyira ubuzima bw’abantu mu kaga,”

SP Kayigi Emmanuel, Umuvugizi wa Polisi ishami rishinzwe umutekano wo mu muhanda

Imibare iheruka gutangwa na Polisi y’u Rwanda igaragaza ko moto zifitanye isano na hafi kimwe cya kabiri cy’impanuka zo mu muhanda, aho abamotari bakomeretse bakajyanwa kwa muganga bagera hafi kuri 21%, naho abagenzi bari kuri moto bagakomereka bakagera kuri 26%.

Mu Rwanda, imibare y’Ikigo cy’Igihugu gishinzwe Ibarurishamibare (NISR) yerekana ko impanuka z’imodoka na moto arizo zikunda gutwara cyane ubuzima bw’abaturage, aho muri 2024 zahitanye abarenga 700, abamotari bagira uruhare rurenze kimwe cya gatatu muri izo mpanuka.

Ku rwego mpuzamahanga, Ishami ry’Umuryango w’Abibumbye ryita ku Buzima (OMS) rivuga ko buri mwaka, abantu barenga 1.35 miliyoni bapfa bazize impanuka zo mu muhanda, kandi hejuru ya 28% muri bo baba bari ku magare n’amapikipiki.

Bamwe mu baturage barimo Uwimana Leontine avuga ko atajya akunda guta ajya kwa muganga iyo arwaye ahubwo yigurira imiti kuko n’ubundi iyo agiye kwa Muganga barahamutinza.

Ati: “Njya mpita njya mu farumasi nkavuga ikibazo mfite bakampa umuti. Kujya kwa muganga hari ukwirirwa uhategereje”

naho Ndayambaje Felicien, we avuga ko hari ubwo aba yumva ikibazo kidakabije akigurira imiti muri farumasi.

Ati: “Hari igihe uba wumva ikibazo ari gito. Kwivuza mu buryo bwihuse ni byo byiza,”

Abacuruzi b’imiti na bo bemeza ko hari ubwo bahitamo kugira inama abakeneye imiti kujya kwa muganga, cyane iyo ikibazo kirenze ubushobozi bwabo bwo gukemura ibibazo byoroheje nkuko bivugwa na Nabil Mohsin ufite farumasi mu mujyi wa Kigali.

Ati: “Dufasha abantu bafite ibibazo byoroheje, ariko dufite aho tugarukira. Hari abo twohereza kwa muganga kuko hari ibyo tudashobora gutanga nta nyandiko ya muganga.”

Niyoturamya Denyse, Umuyobozi nshingwabikorwa w’Urugaga rw’Abahanga mu by’Imiti mu Rwanda, yemeza ko imiti igomba gutangwa n’abantu babifitiye ubumenyi n’uburenganzira, kuko hari ibyago bikomeye umuntu ashobora guhura na byo mu gihe yivura uko abyumva.

Ati: “Iyo umuntu yifatiye umwanzuro wo gufata umuti atabanje kubisuzumirwa n’umuganga, ashobora kwisanga byamuviriyemo uburwayi burenze, cyangwa se bimuteye ubundi bwandu.”

Hari impungenge ku bantu bafata imiti idahuye n’indwara bafite kuko byongera ibyago byo kurwara izindi ndwara no kwangiza ubuzima nkuko bisobanurwa na Dr. Isabelle Mukagatare, ushinzwe serivisi z’ubuvuzi muri RBC.

Ati: “Iyo ukoresha Imiti idahuye n’indwara ufite, ishobora kwangiza ibice by’umubiri cyangwa guteza izindi ndwara. Ni yo mpamvu dusaba abaturage kujya babanza kwa muganga aho kwivura uko babyumva.”

Dr. Isabelle Mukagatare, ushinzwe serivisi z’ubuvuzi muri RBC

Nubwo mu Rwanda habarurwa farumasi 606 zemewe n’amategeko nkuko byagaragajwe n’ibarurarusange rya gatanu ry’abaturage n’imiturire ryakozwe n’ikigo cy’Igihugu cy’iabarurishamibare, ubushakashatsi bwakozwe n’Ikigo cy’Igihugu Gishinzwe Ubuzima (RBC) mu mwaka wa 2021 bwerekanye ko Abanyarwanda barenga 46% bamaze gukoresha imiti batayandikiwe na muganga, aho byagaragaye cyane mu Mujyi wa Kigali, aho 33.2% by’abaturage bagiye kugura imiti mu mafarumasi batabanje kwisuzumisha.

Ibi bibazo bigaragara cyane mu rubyiruko ruri hagati y’imyaka 20 na 35, aho 61% muri bo bigeze kwivura uko babyumva, impamvu nyamukuru ikaba ari ukwirinda gutinda kwa muganga, ubushobozi buke bwo kwishyura cyangwa kutamenya ingaruka z’imiti.

Ishami ry’Umuryango w’Abibumbye ryita ku Buzima (WHO) rivuga ko muri Afurika yo munsi y’ubutayu bwa Sahara, ku bantu 10 bafashe antibiotics nabi, nibura batandatu baba bamaze kugira igabanuka ry’ubudahangarwa ku miti, ibi bishobora gutuma indwara zisanzwe zivurwa zidakira, bityo bikaba ikibazo gikomeye ku buzima rusange

Aimable Irihose, Umuyobozi Nshingwabikorwa w’Umuryango Nyarwanda w’Abantu bafite Ubumuga bw’Ingingo, yagaragaje ko imihindagurikire y’Ibihe ifitanye isano rya hafi n’abafite ubumuga ndetse hari byinshi bikwiye kongerwamo imbaraga mu gufasha abafite ubumuga nubwo hari byinshi yakozwe.

Ati: “Imihindagurikire y’ibihe ni ikibazo gikomeye kandi kigira ingaruka zikomeye ku bantu bose, ariko cyane cyane ku bafite ubumuga. Ahubwo na yo ubwayo ishobora kuba intandaro y’ubumuga bushya. Nubwo hari intambwe imaze guterwa mu guharanira uburenganzira bwabo, haracyari inzitizi, hari inyubako zubatse ku buryo zitaborohera kuzigeramo, imihanda ibagora kugenda n’ibindi bishobora kubagiraho ingaruka mu gihe habayeho ingaruka z’imihindagurikire y’ibihe..”

Aimable Irihose, Umuyobozi Nshingwabikorwa w’Umuryango Nyarwanda w’Abantu bafite Ubumuga bw’Ingingo

Dr Beth Mukarwego Nasiforo umuyobozi mukuru impuzamiryango y’abafite ubumuga mu Rwanda (NUDOR) yavuze ko intego z’iyi nama ari ukungurana ibitekerezo ku buryo mu gihe habayeho ingaruka z’imihindagurikire y’ibihe zitabagiraho ingaruka ndetse banashyigikirwe aho biri ngombwa. 

Ati: “Mu gihe cy’ibiza, tugomba kugira ingamba zihariye zireba abafite ubumuga. Nubwo hari ibimaze gukorwa nk’uko babimenyeshwa hakiri kare, hakenewe uburyo bwo kubatabara no kubatuza ahantu heza. Iyi nama rero icyo igamije ni ukuganira ku buryo abafite ubumuga nabo bazajya bitabwaho cyangwa bafashwe igihe habayeho ingaruka z’imihindagurikire y’ibihe kugirango batagirwaho ingaruka n’ibiza”

Dr Beth Mukarwego Nasiforo umuyobozi mukuru impuzamiryango y’abafite ubumuga mu Rwanda (NUDOR)

Inama yanitabiriwe n’intumwa zaturutse mu bihugu bituranye n’u Rwanda, zirimo n’izo mu Burundi. Mu gihe icyo gihugu nabo bagiye bahura n’ibiza bikomeye, bavuga ko hari byinshi bakeneye kwigira ku Rwanda nkuko bivugwa na Hatungimana Alexis, Umuyobozi w’Urugaga rw’abafite ubumuga mu Burundi.

Ati: “Twagiye duhura n’ibiza byinshi tukagira uko tubyitwaramo ariko ntabwo amategeko ahari arengera uburenganzira bw’abafite ubumuga yubahirizwa nka hano mu Rwanda. Tugiye kwigira byinshi kubyo u Rwanda rumaze kugeraho cyane cyane birimo uburyo bwo kubahiriza amategeko no kuyashyira mu bikorwa.”

Hatungimana Alexis, Umuyobozi w’Urugaga rw’abafite ubumuga mu Burundi

Umuyobozi ushinzwe Iterambere muri Minisiteri y’Ubutegetsi bw’Igihugu, Emmanuel Bugingo, yagaragaje ko iyi nama ari ingirakamaro ku Rwanda kuko izafatirwamo imyanzuro myiza ku gufasha abafite ubumuga kugira uruhare mu bibakorerwa.

Ati “Iyi nama izafasha abafite ubumuga kugira uruhare mu bibakorerwa no mu guhangana n’ibibazo bibareba, birimo ubukene, imihindagurikire y’ikirere ndetse n’ibikorwa remezo bidakwiye kubasiga inyuma kandi no kugira uruhare ku bikorwa remezo hagamijwe gutanga umusanzu wabo mu kubaka Igihugu”

Umuyobozi ushinzwe Iterambere muri Minisiteri y’Ubutegetsi bw’Igihugu, Emmanuel Bugingo

Mu rwego rw’isi, abantu bafite ubumuga basaga miliyari 1, aho 80% muri bo batuye mu bihugu bikiri mu nzira y’amajyambere. Mu Rwanda, abarenga ibihumbi 446 bafite ubumuga nk’uko byagaragajwe n’Ibarura Rusange ry’abaturage ryashyizwe ahagaragara n’Ikigo cy’Igihugu cy’Ibarurishamibare mu mwaka wa 2022.

Undi mukozi ukora muri ibyo bitaro nawe yagize ati: “Ubuyobozi bukwiye kuduha igihe ntarengwa tuzabonera amafaranga yacu. Twemerewe agahimbazamusyi mu buryo bw’amategeko, si impuhwe.”

Umuyobozi w’Ibitaro bya Remera Rukoma, Dr. Djaribu Theogene, yemera ko koko hari amezi menshi agaragara nk’ibirarane, ariko asobanura ko byatewe n’uko ibitaro byabanje gukoresha amafaranga menshi mu kwigurira ibikoresho n’ibindi bikenerwa bya buri munsi mbere yo gutanga agahimbazamusyi.

Yagize ati: “Ni ngombwa ko tubanza kwishyura ibyo dukenera, tugahesha serivisi nziza abarwayi. Byatumye amafaranga y’inyungu asigara ari make, bityo ntitubone ubushobozi vuba bwo guhemba agahimbazamusyi. Ariko ubu ibiciro bishya byashyizweho bitanga icyizere ko inyungu z’ibitaro zigomba kwiyongera, bityo mu minsi iri imbere tuzabasha gutangira kwishyura ibi birarane by’amezi yose.”

Dr Jaribu Theogene, Umuyobozi w'Ibitaro bya Remera Rukoma

Dr Djaribu kandi yasabye aba bakozi bo kwa muganga gushyira imbaraga mu kazi kuko ibyo bakora kuko nibyo bakuramo agahimbazamushyi.

Ati: “Ndabasaba ko dushyiramo imbaraga tugakora cyane kuko ibyo dukora nibyo biduha inyungu kandi akaba ari naho dukura agahimbazamusyi

Dr. Muhammed Semakula, Umunyamabanga uhoraho muri Minisiteri y’Ubuzima, avuga ko iki kibazo Atari akizi ariko bagiye gukurikarana bakareba ikibazo cyaba cyarabaye kigatuma aba bakozi batabona amafaranga yabo kuko ibyo Minisiteri isabwa gukora iba yabikoze igendeye ku myitwarire y’abakozi bo kwa muganga.

Ati: “Gahunda yo kwishyura agahimbazamusyi ku bakozi bo kwamuganga n’ubundi irakomeje kandi hari na gahunda yuko agahimbazamusyi kazajya gashyirwa ku mushahara bikagabanya ibibazo byo kutayabona, gusa kuri icyo kibazo cy’ibitaro bya Remera Rukoma, turaza gukurikirana tumenye impamvu yabiteye ariko ibyo minisiteri isabwa gukora yo irabikora hagendewe ku myitwarire y’abakozi mu kazi kandi ntibagire impungenge ayo batahawe bagomba kuyabona. Gusa hari uburyo buhari abaganga bazi bwo kugaragaza icyo kibazo muri sisitemu babikoze bakatugaragariza ikibazo cyabo byakwihuta kurutaho” 

Dr. Muhammed Semakula, Umunyamabanga uhoraho muri Minisiteri y’Ubuzima

Amabwiriza ya minisitiri w’intebe no 001/03 yo ku wa 01/09/2020 agena imbonerahamwe y’imyanya y’imirimo, imishahara n’ibindi bigenerwa abakozi bo mu bitaro bikuru, ibitaro by’intara, ibitaro by’uturere, ibitaro byihariye, ibigo nderabuzima bitanga serivisi zisumbuye ku rwego rwa dogiteri n’ibigo nderabuzima

Agahimbazamusyi ku bakozi b’ibigo nderabuzima n’ibitaro rusange gatangwa ku bakozi b’Ubuzima, kagenewe guteza imbere imikorere, kongera imbaraga mu kazi no kuzamura ireme rya serivisi zihabwa abaturage.