Icyemezo cya Perezida Volodymyr Zelenskyy, cyateje igisa no kutumvikana mu bajyanama mu by’intambara iki gihugu gihanganyemo n’Uburusiya ndetse na Sosiyete Sivile. 

Perezida Zelenskyy mu kiganiro yagiranye kuri Telefone na Minisitiri w’intebe w’Ubwongereza Sir Keir Starmer, yemeje ko mu gihugu cye havutse igisa n’ubwumvikane buke mu baturage, ariko yemeza ko amakimbirane yavutse hagati ya Minisitiri w’ingabo Mykhailo Fedorov ndetse n’umugaba w’ingabo za Ukraine Oleksandr Syrskyi ari yo yatumye Minisitiri Mykhailo Fedorov akurwa mu nshingano. 

Ku rundi ruhande, Perezida Zelenskyy, yasabye abaturage kunga ubumwe muri iki gihe bagikomeje guhangana n’Uburusiya mu ntambara imaze imyaka irenga ine ishyamiranyije impande zombi. 

Abakurikiranira bya hafi ibya Politiki ya Ukraine, bemeza ko Mykhailo Fedorov mbere yo kujya mu mwanya wa Minisitiri w’ingabo, yabanje kuba umukorerabushake mu ngabo z’iki gihugu, ari na cyo cyatumye agira igikundiro gihebuje mu baturage. 

Icyemezo cyo kuvana mu nshingano Mykhailo Fedorovnticyateje imyigaragambyo mu baturage gusa, kuko na bamwe mu bakoranaga na we bahisemo kwegura. Nk’ubu, Pavlo Yelizarov wari umugaba w’ingabo wungirije mu ngabo zirwanira mu kirere za Ukraine, yeguye ku mirimo ye ku bwo kwamagana iyirukanwa rya Mykhailo Fedorov.

Mu butumwa yagiye atanga, Burnham yavuze ko azashyira imbaraga mu kuzamura ubukungu bw’igihugu, kunoza serivisi zihabwa abaturage zirimo ubuvuzi n’uburezi, ndetse no guteza imbere uturere twasigaye inyuma mu iterambere. Yanagaragaje ko azakomeza gukorana n’ibindi bihugu mu rwego rwo gushimangira umutekano n’ubufatanye mpuzamahanga.

Abasesenguzi mu bya politiki bavuga ko Minisitiri w’Intebe mushya azatangira inshingano ahanganye n’ibibazo bitandukanye birimo izamuka ry’ibiciro ku isoko, kuzamura ubukungu, kunoza imikoreshereze y’imari ya Leta no gukomeza kubaka icyizere cy’abaturage mu buyobozi.

Mu gihe hategerejwe ihererekanyabubasha ku mugaragaro, amaso y’Abongereza n’ay’ibihugu byinshi akomeje kureba uburyo ubuyobozi bushya buzashyira mu bikorwa ibyo bwiyemeje, ndetse n’ingaruka bishobora kugira ku hazaza h’u Bwongereza no ku mubano wabwo n’amahanga.

Mbere yo kwinjira muri Minisiteri y’imikino, Brave Olivier Ngabo yari umunyamabanga uhoraho muri Minisiteri y’urubyiruko n’iterambere ry’ubuhanzi kuva mu Kuboza mu mwaka wa 2024, akaba asimbuye Candy Basomingera wari umunyamabanga uhoraho muri Minisiteri y’imikino.

Parfait Ishungure wasimbuye Brave Olivier Ngabonk’umunyamabanga uhoraho muri Minisiteri y’urubyiruko n’iterambere ry’ubuhanzi, yabaye umwe mu bayobozi bakuru muri Minisiteri y’ububanyi n’amahanga n’ubutwererane. 

Brave Olivier Ngabo, afite impamyabumenyi y’ikirenga mu by’imicungire yakuye mu ishuri ryitwa Kazian School of Management (KMS) rifite icyicaro mu gihugu cy’ubuhinde. Anafite kandi impamyabumenyi y’icyiciro cya gatatu cya Kaminuza mu iyamamazabikorwa yakuye mu ishuri ry’ubucuruzi ry’i Roma mu Butaliyani.

 Parfait Ishungure, we afite impamyabumenyi y’icyiciro cya gatatu cya Kaminuza mu mategeko mpuzamahanga y’uburenganzira bwa Muntu yakuye muri Kaminuza ya Nantes mu Bufaransa, ndetse yanahawe amahugurwa y’ikirenga ku miyoborere y’inzego za Leta yakuye mu ishuri rikuru ryigisha iby’imiyoborere y’inzego za Leta ry’i Strasbourg mu Bufaransa.

Ikipe ya Aston Villa, ibaye ikipe ya kabiri yo mu Bwongereza igiranye imikoranire na Visit Rwanda, nyuma y’uko imikoranire yari isanzweho hagati y’u Rwanda na Arsenal irangiranye na tariki 30 Kamena 2026 nyuma y’imyaka umunani.

Umuyobozi ushinzwe ibikorwa by’ubucuruzi muri Aston Villa Francesco Calvo, yatangaje nyuma y’itangazwa ry’aya masezerano y’imikoranire agira ati, “Iyi ni imyikoranire myiza ku ikipe y’umupira w’amaguru ya Aston Villa, ndetse ni n’ikimenyetso cyo gukomeza gukura no kwaguka mu isoko mpuzamahanga.”

Yakomeje agira ati, “Hari amahirwe menshi tubona azaturuka muri iyi mikoranire, harimo kwiga, guhanga udushya, kandi twiteguye gukorana neza na Visit Rwanda mu rwego rwo kwerekana ibikorwa bisobanutse by’ubukerarugendo, ishoramari n’iterambere ry’imikino.”

Visit Rwanda, ije isimbura ikigo cy’ubucuruzi bw’imikino y’amahirwe cyitwa Betano cyambarwaga na Aston Villa ku mipira yambarwa n’abakinnyi.

Nyuma y’imyaka umunani yikurikiranya u Rwanda rukorana na Arsenal muri gahunda ya Visit Rwanda, umuyobozi mukuru w’ikigo cyigenga cyo guteza imbere ubukerarugendo n’inama mpuzamahanga zibera mu Rwanda (RCB) Janet Karemera,yavuze ko imikoranire mishya y’u Rwanda n’ikipe ya Aston Villa igaragaza intambwe n’ubushake u Rwanda rufite bwo gukomeza gukorana n’amakipe yo mu Bwongereza, kuko icyo gihugu ari kimwe mu bifite abakerarugendo benshi baza gusura u Rwanda. Yagize ati, “Twiteguye gukorana na Aston Villa kugira ngo tugere ku bantu benshi haba mu Bwongereza, ku mugabane w’uburayi ndetse no ku isi yose. Muri iyi mikoranire, turifuza gutsindagira inzira zituma duhuza n’abifuza kuza mu Rwanda, haba abakerarugendo, abashoramari, ndetse n’abifuza gukuza by’igihe kirekire iterambere ry’umupira w’amaguru mu Rwanda.”

Yakomeje agira ati, “Iyi mikoranire, ni uburyo nyabwo bw’u Rwanda bukubiye mu ntego yo kwegera abantu benshi binyuze muri zimwe mu nzego bahuriramo cyane, mu rwego rwo kugaragaza ko igihugu cyacu ari ahantu heza ho gusura, gushora imari ndetse no gukoreramo ubucuruzi.” 

Uretse kuba ikipe ya Aston Villa izajya ishyira ikirango cya Visit Rwanda ku mipira abakinnyi bakinana ku makipe yose yayo, byitezwe ko iyi mikoranire izatuma u Rwanda rwamamazwa nk’igihugu cyiza cyo gukoreramo ubukerarugendo, ishoramari, ubucuruzi, inama n’indi mihango mpuzamahanga hamwe n’imikino. 

Si ibyo gusa kandi, kuko impande zombi zizanakorana mu bindi bikorwa birimo guteza imbere umupira w’amaguru, guhugura abatoza b’uwo mukino, imishinga yo guteza imbere abaturage no kwita ku batishoboye, imishinga yo guteza imbere imiyoborere myiza by’umwihariko ku rubyiruko ndetse n’indi mishinga igamije iterambere.

Iryo tangazo rikomeza rigaragaza ko mu banyeshuri biyandikishije, 149,533 ari bo bazakora ikizamini cya Leta cy’icyiciro rusange, naho abakandida 108,722 bo bakazakora ikizamini cya Leta gisoza amashuri yisumbuye.

Imibare itangwa na NESA, igaragaza ko mu biyandikishije bose, umubare munini ari uw’abakobwa kuko bangana na 56.3 ku ijana, naho abahungu bakangana na 43.7 ku ijana.

Ibizamini bya Leta bizakorwa, bishingiye ku ngeri zose z’icyiciro rusange n’icyiciro cya kabiri cy’amashuri y’isumbuye ari zo uburezi rusange (GE), amashuri yigisha ubumenyingiro (TSS), ibigo nderabarezi (TTC), amashuri yigisha iby’icungamutungo (ACC), ndetse n’amashuri yigisha porogaramu z’ubuforomo (ANP).

Mu biyandikishije bose, 879 bafite ubumuga, kandi NESSA yijeje ko bose bazahabwa ubufasha n’ibikoresho bizakenerwa kugira ngo bazashobore gukora ibizamini bya Leta ku rwego rungana n’urw’abandi.

Muri ibyo bikoresho, harimo ibizamini byanditswe mu nyandiko ikoreshwa n’abafite ubumuga bwo kutabona izwi nka Braille, ibizamini byatuburiwe inyandiko ku bashobora kubona buhoro, ibikoresho byifashishwa mu kwandika icyo umuntu avuze bizwi nka Scribes mu rurimi rw’icyongereza, guhabwa igihe cy’inyongera cyo gukora ibizamini n’ibindi, kandi buri mukandida ufite ubumuga azahabwa ibyo bikoresho n’ubwo bufasha hakurikijwe icyo akeneye.

Urwego rwa NESA kandi, rwishimira ko habayeho ubwiyongere bw’abakandida bazakora ibizamini bya Leta byo mu mashuri yisumbuye ugereranyije n’umwaka w’amashuri ushize wa 2024-2025, kuko abiyandikishije muri uwo mwaka bangana na 255,624, bityo ubwiyongere bukaba bugera ku ijanisha rikabakaba 1 ku ijana.

Urwego rwa NESA kandi, rwaboneyeho gusaba ababyeyi n’ibigo by’amashuri gukomeza gukurikira imiyoboro yarwo y’itumanaho yemewe, kugira ngo bahabwe amakuru ku ngengabihe z’ibizamini, amabwiriza ndetse n’ibindi bakeneye kumenya muri iki gihe cy’ibizamini.

 Amakuru mashya agaragaje ko umwuka mubi hagati y’ibihugu byombi ukomeje kwiyongera, abacuruzi n’abashoramari batangiye kugira impungenge z’uko itangwa rya peteroli rishobora kugabanuka. Ibyo byatumye igiciro cya peteroli yitwa Brent Crude n’icya West Texas Intermediate (WTI) byiyongera ku masoko mpuzamahanga.

Inzobere mu bukungu zigaragaza ko izamuka ry’ibiciro bya peteroli rishobora kugira ingaruka ku bukungu bw’ibihugu byinshi, kuko rishobora gutuma ibiciro bya lisansi na mazutu bizamuka, amafaranga yo gutwara abantu n’ibintu akiyongera, ndetse n’ibiciro by’ibicuruzwa n’izindi  serivisi bikazamuka.

Nubwo kugeza ubu ibikorwa byo gutwara peteroli bitarahagarara muri ako gace, impungenge z’uko amakimbirane ashobora gukomeza gukaza umurego ni zo zikomeje gutuma isoko mpuzamahanga rya peteroli ridatuza.

Amakimbirane hagati ya Amerika na Iran amaze amezi hafi atanu atangiye, aho yakomeje guhungabanya umutekano mu Karere k’Uburasirazuba bwo Hagati ndetse n’ubukungu bw’isi muri rusange. Muri icyo gihe amaze, ibiciro bya peteroli byagiye bizamuka no bikanagabanuka bitewe n’imiterere y’intambara, ndetse byanatumye ubwikorezi, ubucuruzi n’ibiciro by’ibicuruzwa byinshi bihungabana. Iyi ntambara kandi ikomeje kugira ingaruka nyinshi ndetse no kunyeganyeza ubukungu bw’isi ku rwego ruhambaye.

Abasesenguzi bavuga ko uko ibintu bizagenda mu minsi iri imbere hagati ya Amerika na Iran ari byo bizagena niba ibiciro bya peteroli bizakomeza kuzamuka cyangwa se bikongera kugabanuka.

Muri ubwo butumwa bwe, Zuchu yagize ati, “Njye n’umugabo wanjye twaratandukanye ndetse turi no mu nzira zo guhana gatanya.”

Muri ubwo butumwa, Zuchu yavuze ko gufata icyo cyemezo byamugoye nyuma y’imyaka itandatu bari kumwe, yongeraho ko yifuriza Diamond Platnumz n’umuryango we ibyiza. Yagize ati, “Nyuma y’imyaka itandatu turi kumwe, noneho nafashe umwanzuro wo guhitamo njyewe ubwanjye. Ndifuriza Naseeb Abdul (Diamond Platnumz) ndetse n’umuryango we ibyiza byose. Kuri njye, ndifuza gukira, kwita ku buzima bwanjye ndetse no gukomeza akazi kanjye n’ibikorwa byanjye by’umuziki.”

Ubwo butumwa bwa Zuchu, buje nyuma y’ibihuha byakwirakwizwaga ku mbuga nkoranyambaga ko umuryango we na Diamond witeguraga kubyara umwana wabo w’imfura, icyatumye amakuru yo gutandukana kwabo asa n’atunguranye mu bafana babo, nyamara ku rundi ruhande nta n’umwe hagati ya Zuchu cyangwa Diamond Platnumz wari wari waremeje iby’ugutwita kwa Zuchu.

Amakuru yo gutandukana kwa Zuchu na Diamond Platnumz, yatumye benshi mu bafana ndetse n’ibyamamare mu myidagaduro yo muri Tanzania bandika ubutumwa bwinshi ku mbuga nkoranyambaga, aho bagaragaje igisa no kwikanga, nyamara bari baratangiye kwifuriza urugo rw’aba bombi ibyiza byinshi mbere y’uko amakuru yo gutandukana kwabo ajya hanze. 

Kugeza kuri uyu wa mbere tariki 13 Nyakanga 2026, Diamond Platnumz ntaravuga ku mugaragaro asubiza ku itangazo ryashyizwe ahagaragara na Zuchu cyangwa ngo agire icyo avuga cyerekeranye n’amakuru yo gutandukana kwabo.

Si ubwa mbere aba bombi bavuzweho gutandukana. Mu Gushyingo 2024, Zuchu yatangaje ko bombi bahisemo gutandukana ku bwumvikane nyuma y’imyaka itatu yari ishize bakundana. Muri icyo gihe, yatangaje ko gutandukana kwabo kutazagira ingaruka ku mikoranire yabo ya kinyamwuga yari isanzwe, yongeraho ko bazakomeza gukorana mu mishinga yabo y’umuziki, ariko ku giti cye agashyira imbaraga mu gukira no guteza imbere ibikorwa bye by’umuziki.

Nyuma y’igihe kitari kinini, aba bombi bongeye kuvugwa mu rukundo, ndetse bigeza n’aho Zuchu we ubwe adahwema gutangaza ko bombi bamaze gushyingirwa. Ukwiyunga kwabo kwaravuzwe cyane mu bitangazamakuru, bituma n’urugo rwabo rukurikiranwa cyane ku mbuga nkoranyambaga, icyatumye aba bombi babonwa nka rumwe mu ngo z’ibyamamare zikurikiranwa cyane muri aka karere ka Afurika y’Iburasirazuba.

Mu gihe cy’umubano wabo, Diamond Platnumz na Zuchu, bagiye bafatanya mu gukora indirimbo bombi bahuriyeho zakunzwe cyane, bakandikwaho inkuru zinyuranye mu binyamakuru zivuga ku rukundo rwabo, ubukwe bwabo cyangwa ukugaragara kwa bombi bari kumwe mu ruhame. Kugeza ubu ariko, nta n’umwe muri bo urahishura icyihishe inyuma y’amakuru yo gutandukana kwabo yatangiye gukwirakwira.

Nyuma y’iyo baruwa, polisi y’igihugu muri Nigeria, yahise itangira guhigisha uruhindu umugabo witwa Adeniyi Adeyemi Matthew, kuko yitangazaga nk’umuyobozi mukuru w’urwego rwa PFIPC kugira ngo akurikiranwe ku byaha byo gukoresha impapuro mpimbano, kwiyitirira umwuga utari uwawe ndetse n’ibindi byaha bifitanye isano.

Mbere y’uko ajya mu bwihisho, Adeniyi Adeyemi Matthew yari yarabwiye ibitangazamakuru by’imbere muri Nigeria ko arengana kandi ko afite ubwoba ko ubuzima bwe bushobora kujya mu kaga. 

Uyu mugabo, yari yaranavuze kandi ko azemera kugaragara mu rukiko kugira ngo agaragaze ko urwo rwego rwashinzwe mu buryo bwemewe n’amategeko.

Ku rundi ruhande ariko, we ubwe arashinja bamwe mu bayobozi bakuru bwa Guverinoma ya Nigeria kumwaka Ruswa mu gihe yashyirwaga ku mwanya w’umuyobozi mukuru wa PFIPC ndetse no gufatira inkunga za Leta zagenerwaga urwoo rwego, ibihakanwa n’uruhande rw’ibiro by’umukuru w’igihugu.

Adeniyi Adeyemi Matthew, yasobanuye ko urwo rwego rwashyizweho mu mwaka wa 2024 mu rwego rwo kureshya abashoramari b’abanyamahanga kugira ngo bashore imari yabo muri Nigeria, ariko kugeza ubu nta gikorwa kizwi urwo rwego rwakoze.

Abandi bayobozi bakuru babiri b’urwo rwego na bo batangiye guhatwa ibibazo na Polisi y’igihugu muri Nigeria.

Iyo nkuru ikigera kuri Perezida wa Nigeria Bola Ahmed Tinubu, yahise ategeka urwego rwigenga rukora iperereza ku byaha bishingiye kuri ruswa n’ibindi byaha bifitanye isano na yo (ICPC) mu magambo ahinnye y’icyongereza, gutangiza iperereza ku buryo urwo rwego rwa baringa rwashyizweho, ndetse asaba ko agomba kuba yahawe raporo kuri icyo kibazo bitarenze iminsi 30. 

Abanyamakuru, basanze urwo rwego rwa baringa rwari ruhire icyicaro gikuru mu cyanya kirimo inyubako zikoreramo zimwemuri Minisiteri ndetse n’ibindi bigo bya Leta ya Nigeria mu murwa mukuru Abuja, ndetse urwo rwego rwari runafite konti zifunguye muri banki nkuru ya Nigeria, ndetse mu ngengo y’imari y’umwaka wa 2026-2027, urwo rwego rwari rwaragenewe amadolari 950,000, ni ukuvuga amafaranga y’u Rwanda 1,388,406,000.

Nubwo bimeze bityo, ibiro bikuru by’umucungamutungu wa Leta ya Nigeria, byahakanye ko urwego rwa PFIPC rufite konti zifunguye muri banki nkuru ya Nigeria, ndetse binashimangira ko urwo rwego rutigeze ruhabwa inkunga za Leta cyangwa imishahara.

Ibiro by’umukuru w’igihugu muri Nigeria, byemeza ko ishami rya Polisi y’igihugu rishinzwe gukumira ibyaha byemeje ko ibaruwa byavuzwe ko yanditswe n’umukuru w’ibiro bya Perezidanse ya Nigeria Femi Gbajabiamila yemeza ishyirwaho ry’urwego rwa PFIPC yari impimbano. 

Dosiye y’ubushinjacyaha yagejejwe imbere y’urukiko rw’ibanze rwa Abuja, yerekana ko Adeniyi Adeyemi Matthew na bagenzi be baregwa ibyaha byo gukoresha inyandiko mpimbano bakiyitirira Leta, kugira ngo batangize urwego bihimbiye, bagafungura konti nyinshi muri za banki mu mazina y’urwo rwego, ndetse bakanashaka inkunga za Leta, nyamara mu nyandiko za Leta nta hantu na hamwe urwo rwego rugaragaramo.

Perezida wa Nigeria Bola Tinubu, yategetse urwego rwa ICPC gukora iperereza ku byaha bitandukanye birimo gukoresha amabaruwa mahimbano n’izindi nyandiko mpimbano zitiriwe Leta y’igihugu cye, kuvuga no kwandika ibinyoma hagamijwe gushaka inkunga za Leta ndetse no koroherezwa gusaba Viza, gufungura konti nyinshi muri za banki hifashishijwe inyandiko mpimbano ndetse n’uruhare rw’umukozi wa Leta, umuntu ku giti cye, ikigo cy’ubucuruzi cyangwa undi muntu waba yarakoraga nk’umuhuzabikorwa mu rwego rwo koroshya ishingwa ry’urwego rwa baringa.

Perezida Tinubu kandi, yanasabye abakora iperereza gusesengura ibyuho bigaragara muri Leta ayoboye bituma urwego rwa baringa rushyirwaho kugeza ubwo rukorera mu mutaka wa Leta, ndetse no gutanga inama zatuma ibyo byuho bigabanywa cyangwa bigakurwaho burundu.

Icyo kibazo cy’ishyirwaho ry’urwego rwa baringa, cyatumye Leta ya Bola Tinubu ishyirwaho igitutu n’imiryango ya Sosiyete Sivile, abanyapolitiki batavuga rumwe na we ndetse n’abanyamategeko b’inzobere, aho izo nzego zose zisaba ko iperereza rikwiriye gukora n’urwego rutegamiye kuri Leta.

Perezida Bola Tinubu, yavuze ko ibiro by’umukuru w’igihugu ndetse n’inzego za Leta zose zigomba kurindwa abaziyitirira, abakoresha inyandiko mpimbano mu izina ryazo, abakoresha nabi ububasha bahawe, ndetse n’abinjirira mu cyuho kugira ngo banduze izina rya Leta ayoboye. 

Itangazo ryaturutse mu biro by’umukuru w’igihugu bivuga kuri iki kibazo riragira riti, “Abantu bose bagize uruhare muri iki kibazo, bagomba guhanwa bikomeye hakurikijwe amategeko igihugu cyacu kigenderaho.”

Umuhanzikazi Shakira 

Umukino wa nyuma uteganyijwe ku wa 19 Nyakanga 2026 muri New York New Jersey Stadium, muri Leta Zunze Ubumwe za Amerika. Iki gitaramo Kandi biteganyijwe ko  kizamara iminota igera kuri 11, kikayoborwa na Chris Martin, umuririmbyi w’itsinda Coldplay.

Martin Chris 

FIFA yatangaje ko iki gitaramo kitagamije gutanga imyidagaduro gusa, ahubwo ko kizanafasha gushyigikira gahunda ya FIFA Global Citizen Education Fund igamije gukusanya inkunga yo guteza imbere uburezi no gufasha abana hirya no hino ku isi kubona amahirwe yo kwiga no gukina umupira w’amaguru.

BTS

Uru rutonde rugishyirwa hanze rw’abahanzi rwakiriwe neza n’abakunzi b’umupira w’amaguru n’umuziki, benshi bagaragaza ko bategerezanyije amatsiko kureba uko iki gitaramo cya akaruhuko cya mbere mu mateka y’Igikombe cy’Isi kizagenda, ndetse n’uzegukana igikombe hagati y’amakipe azagera ku mukino wa nyuma.

Iyi mibare yatangarijwe mu kiganiro ikigo cy’igihugu cy’imisoro n’amahoro cyagiranye n’itangazamakuru kuri uyu wa 8 Nyakanga 2026, kikabera ku cyicaro gikuru cy’icyo kigo. 

Muri icyo kiganiro, Komiseri mukuru w’ikigo cy’igihugu cy’imisoro n’amahoro Ronald Niwenshuti, yagaragaje ko imisoro n’amahoro iki kigo cyinjije yiyongereye ku rugero rwa 27 ku ijana ugereranyije n’umwaka w’ingengo y’imari wa 2024-2025. 

Uyu muyobozi kandi, yanagaragaje ko ubu bwiyongere buterwa n’ukwiyongera kw’imikoranire hagati y’abasora n’ikigo cy’imisoro n’amahoro. Yagize ati, “Mu myaka y’ingengo y’imari 10 ishize, ikigo cy’igihugu cy’imisoro n’amahoro cyongereye imikoranire hagati yacyo, abasora n’abandi bafatanyabikorwa, mu rwego rwo gushishikariza abantu kubahiriza inshingano yabo yo gutanga imisoro babyibwirije.”

Yakomeje agira ati, “Mu rwego rwo gutuma abasora basobanukirwa neza inshingano zabo zo gutanga imisoro, ikigo cy’imosoro n’amahoro cyegereye abasora n’abandi bafatanyabikorwa, kibereka ingaruka mbi zo kudatangira imisoro ku gihe, kikabamenyesha amakuru ku gihe, ndetse kinabashyiriraho uburyo buhamye bwo kuborohereza kuzuza neza inshingano zabo zo gutanga imisoro.”

Niwenshuti kandi, yanerekanye ko mu mwaka w’ingengo y’imari wa 2025-2026, amahoro yeguriwe inzego z’ibanze yageze kuri Miliyari 137 na Miliyoni 900 z’amafaranga y’u Rwanda. Ikigo cy’imisoro n’amahoro cyari cyarihaye intego yo kwinjiza amahoro yeguriwe inzego z’ibanze angana na Miliyari 134 na Miliyoni 600 z’amafaranga y’u Rwanda, igisobanuye ko iyo ntego yagezweho ku rugero rwa 102.4 ku ijana.

Komiseri mukuru w’ikigo cy’igihugu cy’imisoro n’amahoro Ronald Niwenshuti ariko, yagaragaje ko imibare yatanzwe ari iy’agateganyo, ko iya burundu izatangazwa nyuma yo kwegeranywa.

Uyu muyobozi, yemeza ko ukwiyongera kw’imisoro n’amahoro iki kigo cyinjiza guterwa n’intambwe igihugu gikomeje gutera mu bukungu bwacyo. Yagize ati, “Ibi byose, biraterwa n’aho igihugu gihagaze mu bukungu, imiyoborere myiza y’inzego z’imisoro, gushyira mu bikorwa politiki nziza z’imisoro ndetse no korohereza mu buryo buhoraho abasora kugira ngo buzuze neza inshingano zabo zo gutanga imisoro.”

Ibyo Ronald Niwenshuti avuga, binagaragazwa n’imibare yagaragajwe n’ikigo cy’igihugu cy’ibarurishamibare. 

Mu bihembwe bitatu by’umwaka w’ingengo y’imari wa 2025-2026, ni ukuvuga hagati ya Nyakanga 2025 na Werurwe 2026, umusaruro mbumbe w’igihugu wiyongereye ku muvuduko wa 11.8 ku ijana, aho kuba umuvuduko wa 8.1 ku ijana wari witezwe, aho urwego rw’inganda n’urwo gutanga serivisi zagize uruhare runini muri uku kuzamuka. 

Uretse iyo mibare, hari n’imibare ikigo cy’igihugu cy’imisoro n’amahoro cyagaragaje, mu rwego rwo kwerekana igitera izamuka ry’imisoro n’amahoro cyinjiza.

Ibikorwa by’ubucuruzi byanditswe na byo byariyongereye ku rugero rwa 23.7 ku ijana, icyatumye n’imisoro ya nyuma ku nyungu izwi nka (TVA) mu magambo ahinnye y’Igifaransa na yo yiyongera, kuko yavuye ku rugero rwa 52.3 ku ijana yatangwaga ikagera ku rugero rwa 59.2 ku ijana.

Imisoro ituruka mu byo umuntu yinjije yiyongereye ku rugero rwa 22.9 ku ijana, ugereranyije n’umuvuduko wa 1.9 mu mwaka w’ingengo y’imari wari wabanje. Umusoro ku mushahara wiyongereye ku rugero rwa 14.6 ku ijana, naho imisoro yishyurwa buri gihe cyose umuntu yishyuwe umubyizi we ikizwi nka (Pay as you earn) mu rurimi rw’Icyongereza, wo wiyongereye ku rugero rwa 16 ku ijana. Imisoro y’ibicuruzwa bitumizwa hanze na yo yariyongereye ku rugero rwa 29.6 ku ijana.

Ikigo cy’igihugu cy’imisoro n’amahoro kandi, kivuga ko cyanditse abasora bashya 126,282, aho batanze bose hamwe imisoro n’amahoro ingana na Miliyari 15.4. 

Ubuyobozi bw’iki kigo kandi, bwemeza ko cyagaruje imisoro ingana n’amafaranga y’u Rwanda Miliyari 277 na Miliyoni 100 y’imisoro y’imbere mu gihugu, ikaba yaraturutse mu bari bagifitiye imyenda.

Ikigo cy’igihugu cy’imisoro n’amahoro kandi, cyishimira ko abacuruzi n’abaguzi bakomeje gusobanukirwa n’ibyiza by’umusoro wa nyuma ku nyungu uzwi nka (TVA) mu magambo ahinnye y’ururimi rw’Igifaransa. By’umwihariko ku bacuruzi, ikigo cy’igihugu cy’imisoro n’amahoro, kibarura abasora bashya 43,243 bahawe uburyo bw’ikoranabuhanga bwo gutanga inyemezabwishyu za Electronic Billing Machines (EBM), icyatumye habaho ugukurikirana uburyo uwo musoro utangwa kandi hatabayeho kongera ibiciro ku mucuruzi, bityo bikanorohereza abacuruzi kumenyekanisha imisoro bagomba gutanga. 

Ikigo cy’igihugu cy’imisoro n’amahoro kandi, cyanakoze amasuzuma ku misoro 1,883 hirya no hino mu gihugu, ayo masuzuma akaba yaratumye iki kigo cyinjiza imisoro ingana na Miliyari 9 na Miliyoni 300 z’amafaranga y’u Rwanda.

Politiki zivuguruye ku misoro, zatumye iki kigo cyinjiza imisoro ingana na Miliyari 286 na Miliyoni 700  z’amafaranga y’u Rwanda, nyamara intego iki kigo cyari cyarihaye yari ukwinjiza imisoro ingana na Miliyari 259 na Miliyoni 200 z’amafaranga y’u Rwanda, bivuze ko iyo ntego yagezweho ku rugero rwa 110.6 ku ijana.

Ikigo cy’igihugu cy’imisoro n’amahoro kandi, cyashyiriyeho abaguzi uburyo bwo gutuma basobanukirwa neza ndetse bakanitabira ku bwinshi gusaba inyemezabwishyu ku bicuruzwa baguze. Nk’ubu, gahunda ya Tengamara na Tenga Promo igamije guhemba abasaba inyemezabwishyu ku bicuruzwa baguze imaze kuganwa na benshi. Imibare itangwa, yerekana ko abamaze kuyiyandikishamo bavuye ku bantu 74,964 muri Kamena 2025, bagera ku bantu 1,096,931 muri Kamena 2026.

Mu mwaka w’ingengo y’imari wa 2025-2026, iyo gahunda yatumye hinjira imisoro ingana na Miliyari 105 na Miliyoni 800 z’amafaranga y’u Rwanda yaturutse ku nyemezabwishyu zasabwe n’abaguzi, naho binyujijwe muri iyi gahunda, ibihembo iki kigo cyahaye abaguzi ba nyuma ku gicuruzwa bingana na Miliyari 4 na Miliyoni 200 z’amafaranga y’u Rwanda. 

Ikigo cy’igihugu cy’imisoro n’amahoro kandi, cyakurikiranye ibirego by’abadatanga imisoro cyangwa abashakaga kuyinyereza. Imibare itangwa n’iki kigo, yerekana ko ibirego by’abataratanze imisoro 163 byakurikiranywe, bigatuma hagaruzwa imisoro ingana na Miliyari 21 na Miliyoni 400 z’amafaranga y’u Rwanda.

Iki kigo kandi, cyanakurikiranye ibibazo 1,542 bifite aho bihuriye n’inyerezwa ry’imisoro, bituma iki kigo kigaruza imisoro ingana na Miliyari 29 z’amafaranga y’u Rwanda.

Ku bufatanye na Polisi y’u Rwanda, ikigo cy’igihugu cy’imisoro n’amahoro, cyakoze ubukangurambaga ku bacuruzi bwo kugira no gukoresha neza uburyo bwo gutanga inyemezabwishyu. Ubwo bukangurambaga, bwakorewe mu mujyi wa Kigali ndetse no mu turere dutanu two hanze yawo, bituma abacuruzi barenga 12,000 bagana uburyo bwemewe bwo gutanga inyemezabwishyu, bituma hirindwa amande angana na Miliyari 3 bari kuzatanga.

Ikigo cy’igihugu cy’imisoro n’amahoro kandi, cyanashoboye gutahura inyemezabwishyu zitatangwaga hifashishijwe uburyo bwemewe, bituma hirindwa igihombo cy’imisoro ingana na Miliyari 28 z’amafaranga y’u Rwanda cyashoboraga guterwa no gutanga inyemezabwishyu itemewe cyangwa itariho amakuru ya nyayo.

Umunyamabanga mukuru w’umuryango wa ITU Doreen Bogdan-Martin, we yagizwe umuyobozi mukuru wungirije w’iyi Komisiyo.

Perezida wa Estonia Alar Karis ndetse n’uwa Iceland Halla Tómasdóttir na bo bari mu bagizwe abanyamuryango bayo.

Abandi banyamuryango ba Komisiyo mpuzamahanga ishinzwe kugenzura no guteza imbere ikoreshwa ry’ubwenge buhangano (AI), , ni abayobozi baturutse muri za Guverinoma zitandukanye, mu bigo byigenga ndetse no mu miryango mpuzamahanga itegamiye kuri Leta.

Nk’uko ibiro by’umukuru w’igihugu ari byo Village Urugwiro byabitangaje, Perezida wa Repubulika Paul Kagame, azitabira inama yo gutangiza iyo Komisiyo i Jeneva mu Busuwisi, aho abazayitabira bazaganira ku hazaza h’ubwenge buhangano mu nama y’umuryango wa ITU yiswe Inama Mpuzamahanga ku gukoresha ubwenge buhangano neza 2026, ikaba yatangiye kuri uyu wa kabiri tariki 7 Nyakanga, ikazasoza imirimo yayo tariki 10 Nyakanga 2026.

Komisiyo ishinzwe kugenzura no guteza imbere ikoreshwa ry’ubwenge buhangano (AI), yashizweho n’umuryango w’abibumbye binyuze mu muryango wa ITU mu rwego rwo guhuriza hamwe abayobozi ba za Leta, ab’ibigo by’ubucuruzi ndetse n’ab’imiryango mpuzamahanga itegamiye kuri Leta, mu rwego rwo gusuzuma ibibazo biri mu gukoresha nabi ubwenge buhangano muri iki gihe isi ikataje mu iterambere, ndetse no kubishakira ibisubizo.

Intego y’iyo Komisiyo, ni ugushyiraho ingamba zihamye mu rwego rwo gutuma abantu bongerera icyizere baha ubwenge buhangano, gushyigikira imishinga igamije guhanga udushya, ndetse no kugenzura neza niba inyungu zituruka mu ikoranabuhanga zigira uruhare mu iterambere ry’isi yose.

Abanyamuryango b’iyo Komisiyo, bazarebera hamwe kandi ibisubizo bizatuma iterambere ry’ubwenge buhangano rigera kuri bose kandi mu buryo budaheza.

Mu nama y’iyo Komisiyo kandi, abanyamuryango bayo bazaboneraho gushyiraho ibikorwa by’ibanze byayo birimo kongera ubufatanye mpuzamahanga, kwagura uburyo abantu bashobora kugera ku ikoranabuhanga ry’ubwenge buhangano, ndetse no kurebera hamwe imbogamizi ziterwa n’iterambere riri kwihuta ry’ubwenge buhangano.

Intego ya mbere y’iyo Komisiyo, ni ugushyiraho ingamba zihamye zizatuma habaho igabanuka ry’ubusumbane mu gukoresha ikoranabuhanga, cyane ko umuryango mpuzamahanga w’itumanaho (ITU) ugaragaza ko miliyari 2.2 z’abantu ku isi yose batagerwaho na Murandasi, ibituma batagerwaho n’iterambere ry’ikoranabuhanga rigezweho harimo n’ubwenge buhangano.

Imwe mu migabo n’imigambi y’iyo Komisiyo kandi, ni ugutuma ubwenge buhangano buba igikoresho cyo kugaragaza ibibazo isi ikomeje guhura na byo aho kongera ubusumbane bugaragara cyane cyane mu baturage bo mu bihugu bikiri mu nzira y’amajyambere.

Kimwe mu bibazo byakuruye impaka muri iyi nama ni icyifuzo cya Perezida wa Leta Zunze Ubumwe za Amerika, Donald Trump, usaba ibihugu by'i Burayi kongera uruhare rwabyo mu rwego rw'umutekano. Trump agaragaza ko Amerika imaze imyaka myinshi itanga umusanzu munini mu kurinda ibihugu by'inshuti, bityo na byo bikwiye kongera amafaranga bishora mu kubaka no guteza imbere ingabo zabyo kugira ngo umutwaro wo kurinda uwo muryango ugabanuke.

Abayobozi ba NATO barimo kandi kuganira ku buryo inkunga ihabwa Ukraine yakomeza gutangwa mu buryo burambye. Ibyo birimo ubufasha bwa gisirikare, ubwa dipolomasi ndetse n'ubw'ubukungu, hagamijwe gufasha Ukraine gukomeza kwirwanaho no kubungabunga ubusugire bwayo. Ni ingingo ikomeje guhabwa uburemere kubera ko intambara hagati ya Ukraine n'u Burusiya ikomeje kugira ingaruka ku mutekano w'u Burayi ndetse no ku bukungu bw'ibihugu byinshi.

Byongeye kandi, iyi nama irarebera hamwe uko ibihugu bigize NATO byakomeza gukorana mu guhangana n'ibindi bibazo byugarije umutekano mpuzamahanga, birimo iterabwoba, ibitero byifashisha ikoranabuhanga ndetse n'ibibazo bishobora gukururwa n'amakimbirane ari hirya no hino ku isi. Abayobozi bemeza ko ubufatanye bukomeje kuba ingenzi mu gukemura ibyo bibazo no kubungabunga amahoro.

Abasesenguzi bavuga ko imyanzuro izafatirwa muri iyi nama ishobora kugira uruhare rukomeye mu cyerekezo cy'umutekano mpuzamahanga mu myaka iri imbere. Bemeza ko ibyemezo bizafatwa bishobora kugira ingaruka ku mubano hagati y'ibihugu bikomeye, ku mutekano w'u Burayi ndetse no ku buryo amahanga azakomeza gufatanya mu guhangana n'ibibazo by'umutekano

 Amaso y'isi yose ahanzwe i Ankara, aho hategerejwe imyanzuro ishobora kugira uruhare mu kubaka ejo hazaza h'umutekano w'akarere ndetse n'uw'isi muri rusange. Abaturage n'abasesenguzi bakomeje gukurikiranira hafi ibyemezo bizava muri iyi nama, bitewe n'ingaruka bishobora kugira ku miyoborere y'umutekano mpuzamahanga no ku mubano w'ibihugu bitandukanye.

Nubwo aba bombi bahisemo kugira ibanga byinshi ku bijyanye n'amakuru y'’ubukwe bwabo,  ibitangazamakuru mpuzamahanga agaragaza ko imyiteguro igeze kure. Mu mujyi wa New York, hitezwe kubera ibikorwa byinshi bifitanye isano n’ubu bukwe, ndetse inzego z’umutekano zikaba zarafashe ngamba zo kurinda abatumirwa n’ahazabera ibirori, bitewe n’ubwamamare bw’aba bombi n’ubwinshi bw’abafana bashobora kuhahurira.

Taylor Swift ni umwe mu bahanzi bafite izina rikomeye ku Isi, akaba yarubatse umwuga urangwa n’indirimbo zakunzwe cyane ndetse n’ibihembo byinshi yegukanye. Travis Kelce na we ni umwe mu bakinnyi b’ikirangirire muri shampiyona ya NFL muri Leta Zunze Ubumwe za Amerika. Kuba bombi ari ibyamamare byamenyekanye mu nzego zitandukanye byatumye urukundo rwabo rukurikirwa cyane kuva rwatangira.

Mu gihe umunsi w'ubukwe ugenda wegereza, ibitangazamakuru byinshi bikomeje kugerageza kumenya amakuru arambuye ajyanye n’aho buzabera, abatumirwa ndetse n’ibindi bikorwa byateguwe. Icyakora, Taylor Swift na Travis Kelce bakomeje guhitamo kutagira byinshi batangaza ku mugaragaro, bagamije kurinda ubuzima bwabo bwite no gutuma uwo munsi uba uwihariye ku miryango n’inshuti zabo.

N'ubwo kugeza ubu hataratangazwa ku mugaragaro aho ubukwe buzabera cyangwa urutonde rw'abatumirwa, abakurikiranira hafi imyidagaduro bavuga ko bushobora kuba kimwe mu birori by'ibyamamare bizavugwa cyane muri uyu mwaka. Abafana bo bakomeje gutegereza ko aba bombi batangaza amakuru arambuye ku munsi wabo w'amateka.

Icyo kirego, cyagiye cyemerwa n’inkiko zo ku rwego rw’ibanze, ariko Perezida Donald Trump aza kukijuririra mu rukiko rw’ikirenga. Gusa none kuwa kabiri tariki 30 Kamena abacamanza 6 b’urukiko rw’ikirenga rw’iki gihugu, batoye bemeza ko iryo tegekoteka ryashyizweho umukono na Donald Trump rinyuranyije n’itegekonshinga, naho batatu batora barishyigikira.

Uretse iryo tegekoteka rya Donald Trump ryateshejwe agaciro n’urukiko rw’ikirenga rwa Leta zunze ubumwe za Amerika, hari andi mategekoteka Donald Trump yagiye ashyiraho umukono ariko akaza guteshwa agaciro n’urukiko rw’ikirenga rw’icyo gihugu. Iriheruka guteshwa agaciro mu minsi ya vuba, ni itegekoteka rishyiraho imisoro byibura y’icumi ku ijana kuzamura ku bihugu byose byohereza ibicuruzwa byabyo muri Leta zunze ubumwe za Amerika..

Imigabo n’imigambi ya buri mukandida kandi, izashyirwa ku mbuga nkoranyambaga z’uyu muryango, kugira ngo buri mwenegihugu w’uyu muryango asobanukirwe neza buri mukandida, mbere y’uko amatora y’ugomba kuwuberaumunyamabanga mukuru aba mu kwezi k’Ugushyingo uyu mwaka.

Biteganyijwe ko buri mukandida ahabwa iminota makumyabiri yo gusobanura intumbero ye n’ahazaza heza ashaka kugeza umuryango wa La Francophonie, hanyuma hakurikireho indi minota makumyabiri yo kubazwa ibibazo n’abaminisitiri b’ububanyi n’amahanga b’ibihugu 93 bigize uyu muryango.

Tariki 16 Ugushyingo 2026 i Phnom Penh muri Cambodge, ni ho hazabera inama ya makumyabiri y’umuryango wa OIF ari na bwo hazatorwa umunyamabanga mukuru wawo.Dore amakuru y’ibanze umuntu ashobora kugira kuri buri mukandida.

 Louise Mushikiwabo

U Rwanda rwatanze Louise Mushikiwabo nk’umukandida ku mwanya w’umunyamabanga mukuru wa OIF mu gihe cy’imyaka ine iri imbere. Yayoboye uyu muryango kuva muri Mutarama 2019 kugeza ubu, nyuma yo kuba Minisitiri w’ububanyi n’amahanga kuva mu mwaka wa 2009 kugeza mu mwaka wa 2008, ndetse mbere y’uko ahabwa uwo murimo, Louise Mushikiwabo yabanje kuba Minisitiri w’itangazamakuru.

Juliana Amato Lumumba

Igihugu cya Repubulika ya Demokarasi ya Kongo, cyatanze Juliana Amato Lumumba nk’umukandida kuri uyu mwanya. Uyu mugore, asanzwe ari umunyamategeko ndetse akaba n’umudipolomate. Mbere yo guhatanira uyu mwanya, yabanje kuba Minisitiri w’uburezi, anaba Minisitiri w’umuco n’ubukorikori mu gihugu cye.

Coumba Bâ

Uyu mukandida ukomoka muri Mauritania, yabaye umuminisitiri, ndetse anakora mu rwego rw’Ububanyi n’amahanga. Imwe mu mirimo uyu mugore yakoze mu gihugu cye, ni uko yabaye Minisitiri w’abakozi ba Leta, aba Minisitiri w’urubyiruko n’imikino, ndetse anaba Minisitiri ushinzwe Politiki ya Afurika.

Dacian Cioloș

Igihugu cya Romania, cyatanze umunyapolitiki w’inararibonye witwa Dacian Cioloș. Imwe mu mirimo uyu mugabo yakoze, harimo kuba yarabaye Minisitiri w’intebe wa Romania kuva mu mwaka wa 2015 kugeza mu mwaka wa 2017. Yabaye kandi umuyobozi mu muryango w’ubumwe bw’Uburayi ushinzwe ubuhinzi ndetse n’iterambere ry’icyaro, nyuma aza no kuba umwe mu bagize inteko ishinga amategeko y’umuryango w’ubumwe bw’Uburayi.

Mu ngingo zizaganirwaho harimo umutekano wo mu gace ka Strait of Hormuz, inzira y’ingenzi inyuramo ubwato butwara peteroli n’ibicuruzwa byinshi byoherezwa hirya no hino ku isi. Abasesenguzi bavuga ko umutekano w’iyo nzira ugira uruhare runini ku bukungu bw’isi, bityo kuwurinda bikaba ari inyungu rusange.

Abahuza bi  ibi biganiro batangaje ko hashyizweho uburyo bwo gukomeza itumanaho hagati y’impande zombi kugira ngo hirindwe kongera kubaho ibitero cyangwa ibikorwa bishobora gusubiza inyuma intambwe imaze guterwa mu rugendo ruganisha ku mahoro.

Nubwo guhagarika imirwano bitarangiye burundu amakimbirane hagati y’ibihugu byombi, impuguke muri politiki mpuzamahanga zivuga ko kuba impande zombi zongeye kwemera kwicarana ari ikimenyetso cy’icyizere gishya, nubwo urugendo rwo kugera ku bwumvikane busesuye rugikomeje.

Nubwo hari intambwe zimaze guterwa mu biganiro hagati ya Leta Zunze Ubumwe za Amerika na Iran, impande zombi ziracyagaragaza kutizerana. Hari impungenge ko ikintu gito cyose cyakongera kubura ubwumvikane buke gishobora gusubiza ibintu inyuma, ari na yo mpamvu abakurikirana politiki mpuzamahanga bakomeje gusaba impande zombi gukomeza inzira y’ibiganiro aho kwifashisha imbaraga za gisirikare.

Abatuye isi bakomeje gukurikiranira hafi iby’ibi biganiro, bitewe n’ingaruka bishobora kugira ku mutekano mpuzamahanga, ubucuruzi bw’isi ndetse n’ibiciro bya peteroli mu masoko mpuzamahanga.

Ibi, bije bikurikira ubutumwa bwanditswe na Jenerali Muhoozi Kainerugaba ku mbuga nkoranyambaga mu gitondo cyo kuri uyu wa 28 Kamena 2026 bwemeza ko ibyo binyamakuru bitemerewe gukorera ku butaka bwa Uganda. Mu butumwa bwe Jenerali Muhoozi Kainerugaba yagize ati, “Kuva uyu munsi, ibinyamakuru bya NTV na The Daily Monitor birafunzwe.”

Iryo tangazo, rije nyuma y’amasaha make Muhoozi Kainerugaba abwiye asa n’uburira ibi binyamakuru ko bikeneye uruhushya rwa Perezida Yoweli Kaguta Museveni we ubwe, mbere y’uko bikomeza gukorera muri Uganda. 

Bamwe mu bakozi b’ikinyamakuru cya The Daily Monitor, babwiye itangazamakuru ko abasirikare bari bafite intwaro ziremereye bagose ibiro by’iki kinyamakuru ndetse no ku biro bikuru bya Nation Media Group, aho kugeza ubu nta wemerewe gusohoka cyangwa kwinjira muri ibyo biro.

Icyo gikorwa, cyatumye abareba televiziyo za NTV Uganda na Spark TV bakanguka mu gitondo bagasanganirwa n’ubutumwa bugira buti, “Amashusho ntabashije kuboneka.”

Ubuyobozi bwa NTV Uganda na bwo bwemeje ibyabaye, aho bwavuze ko ibikorwa by’iyi televiziyo byatangiye guhagarara kuva saa kumi n’imwe za mu gitondo ku masaha ya Uganda, ni ukuvuga saa kumi z’urukerera ku masaha yo mu Rwanda.

Ubuyobozi bw’iyi televiziyo kandi, bwanasangije itangazamakuru amafoto yerekana abasirikare bagose ibiro byayo mu rwego rwo kwemeza ko ibiganiro byayo byahagaritswe.

Iki gikorwa, cyamaganwe na Robert Kyagulanyi uzwi nka BobiWine, umunyamuziki waje kuvamo umunyapolitiki utavuga rumwe n’ubutegetsi bwa Uganda, aho avuga ko ibi byose bikorwa na Muhoozi Kainerugaba mu rwego rwo gucecekesha abanenga Perezida Museveni. BobiWine yagize ati, “Ibikorwa bya Muhoozi Kainerugaba, biba ku itegeko rya Perezida Museveni, kandi bimaze kugera ku rwego rwo gucecekesha amajwi yigenga yari asigaye muri Uganda. Ni yo mpamvu yafunze ibyo bitangazamakuru byose.” 

BobiWine, yasobanuye ibikorwa by’ingabo z’igihugu biri kugaragara nk’ikimenyetso cyo gukura kw’icyo yise ubutegetsi bw’igitugu. Yagize ati, “Uku ni ukuri gukomeye duhanganye na ko. Ubu turi mu gihugu kiyobowe n’amategeko ya Gisirikare mu buryo bweruye, aho ubwoba busimbura amategeko, ndetse n’imbaraga z’umurengera zigasimbura kubahiriza no gushyira mu bikorwa inshingano.”

Uretse ibinyamakuru bya NTV Uganda, Spark TV na The Daily Monitor byafunzwe, ikigo cya Nation Media Group gifite ibindi binyamakuru biri mu mutaka wacyo nka The East African, KFM, Dembe FM, ikinyamakuru cyitwa Ennyanda, icyitwa Nation Courier, n’ibindi binyuranye.

Abaganga n’inzego z’ubuzima bakomeje gusaba abaturage kwirinda gusohoka mu masaha y’izuba rikaze, kunywa amazi ahagije no kwita cyane ku bana, abakuze ndetse n’abafite uburwayi bushobora gukomera bitewe n’ubushyuhe.

Abahinzi bakomeje  guhitamo gusarura nijoro cyangwa mu gitondo cya kare kugira ngo birinde gukora mu bushyuhe bukabije bwo ku manywa. Abatuye mu burayi baravuga ko batigeze babona impeshyi ishyushye nk’iyi.

Abahanga mu bumenyi bw’ikirere bavuga ko ubu bushyuhe bwatewe n’ikusanyirizo ry’umwuka ushyushye ryafashe igice kinini cy’Uburayi, rikabuza umwuka ukonje kuhagera. Ibi bituma ubushyuhe bukomeza kwiyongera uko iminsi ishira.

Bavuga kandi ko ihindagurika ry’ikirere rikomeje kugira uruhare mu gutuma ubushyuhe bukabije bugaragara kenshi kandi bukamara igihe kirekire. Bakomeza basobanura ko imyuka ihumanya ikirere ikomeza gufata ubushyuhe ku Isi, bityo imyaka imwe n’imwe ikaba ishyushye kurusha indi.

Kugeza ubu, ubu bushyuhe buracyakomeje mu bice byinshi by’Uburayi, kandi inzego z’ubuzima zikomeje gutanga inama zo kwirinda no kugabanya ingaruka zabwo mu gihe hakomeje gukurikiranwa uko ikirere kizagenda gihinduka.

Shaddy Boo

Abakoresha imbuga nkoranyambaga babyakirirye bitandukanye aho bamwe babifashe nk'imikino abandi bakihanganisha  Shaddy Boo bavuga ko nawe akwiye ubutabera. Uyu muhanzi Yugi Umukaraza ntiyigze ahamya cyangwa ngo ahakane ibimuvugwaho ,ndetse ibi bikaba byakomeje gushyira murujijo abari gukurikiranira hafi iyi nkuru ,Mbabazi Shadia (Shaddy Boo) avuga ko bibabaje cyane kuba uyu musore yaratinyutse kumukorera igikorwa nkicyo akanakimukorera ari mu kwezi kw'abagore.

Yugi Umukaraza

Nubwo abenshi bakomeje gutekereza ko biri burangirire ku mbuga nkoranyambaga, Shaddy Boo koko yaje gutera indi ntambwe, aho umuvugizi mukuru wa RIB  Dr Murangira B Thierry yamaze kwemeza ko RIB yamaze kwakira ikirego Shaddy Boo aregamo Yugi Umukaraza ndetse anatangaza ko Shaddy Boo yamaze gutanga ibizamini muri Isange one stop center 

kuri ubu ntakindi kiratangazwa kijyanye niki kirego ,niba koko ibyo Shaddy Boo arega Yugi Umukaraza ari ukuri cyangwa uyu musore ari umwere.

Keir Starmer, yongeyeho ko ibyo yakoze byose nka Minisitiri w’intebe, yabikoze ku bwo gukorera igihugu yavuze ko akunda cyane.

Mu marangamutima menshi, SIR Keir Starmer yashimiye umugore we VIC, amugaragaza nk’umugore w’intwari, yongeraho ko agiye kwibanda cyane ku kuba umubyeyi mwiza cyane wita ku bana be.

Benshi mu banyapolitiki bazwi mu Bwongereza nk’umuyobozi w’umujyi wa Londres bwana Sadiq Khan, bashimiye SIR Keir Starmer ku kazi kose yakoze nka Minisitiri w’intebe w’Ubwongereza. By’umwihariko, Sadiq Khan yashimagije cyane Keir Starmer, aho yamusobanuye nk’inshuti ikomeye yagize, dore ko babaye inshuti mu myaka irenga 30 ishize, nk’uko bikubiye mu butumwa Sadiq Khan yanyujije ku mbuga nkoranyambaga. 

Nubwo SIR Keir Starmer yeguye ku mirimo ye nka Minisitiri w’intebe w’Ubwongereza ndetse no ku buyobozi bw’ishyaka ry’Abakozi, azakomeza imirimo yari asanzwemo kugeza ubwo ishyaka ry’Abakozi ari na ryo riri ku butegetsi rizatora umuyobozi waryo mushya, kandi SIR Keir Starmer agomba gukora ku buryo ishyaka ry’Abakozi ritora uzariyobora mbere y’uko inteko ishinga amategeko y’Ubwongereza isubukura imirimo yayo mu kwezi kwa Nzeri uyu mwaka.

Jolly Mutesi Nyampinga w'u Rwanda 2016

Nyuma yayo makimbirane ndetse no guterana amagambo ,byakomeje kuvugisha benshi mu bakurikirana aba bombi ndetse n'abakoresha imbuga nkoranyambaga muri rusange cyane ko bose ari ibyamamare rwakomeje kubura gica kugeza aho umugaba mukuru w'ingabo za Uganda Gen Muhoozi byaje kuvugwa ko ari kugerageza guhosha uwo mwuka mubi.

Gen Muhoozi Kainerugaba

Mu butumwa yashyize ku rubuga rwa X, Bebe Cool yavuze ko yakiriye ubutumwa bwa Gen. Muhoozi Kainerugaba bumusaba gukemura iki kibazo mu bwumvikane ndetse mu muhezo , aho yamwibukije ko impande zombi ari umuryango we . Bebe Cool yavuze ko ashimira Gen. Muhoozi ku nama  yamuhaye,muri ubwo butumwa kandi  agaragaza ko atagishaka gukomeza impaka ku mbuga nkoranyambaga.

Bebe cool umuhanzi mu gihugu cya Uganda

Kugeza ubu nta rwego rw'ubutabera cyangwa urundi rwego ruratangaza umwanzuro ku birego bya Bebe Cool cyangwa ibisobanuro bya Jolly Mutesi.

Iyi nama iri kubera i Cape Town muri Afurika y’Epfo, yitabiriwe na Minisitiri w’Ububanyi n’Amahanga n’Ubutwererane, Olivier Nduhungirehe, ari kumwe n’abandi bayobozi ba za Guverinoma, ibigo by’imari mpuzamahanga, abashoramari ndetse n’inzobere mu rwego rw’ingufu.

Muri iyi nama, u Rwanda rwamuritse Rwanda Energy Compact, gahunda y’Igihugu igamije kwihutisha ishoramari mu rwego rw’ingufu no kugabanya imyuka ihumanya ikirere ku kigero cya 38% bitarenze mu 2030. Iyi gahunda igamije gukurura ishoramari, kwagura ikoreshwa ry’ingufu zisukuye no gufasha u Rwanda kugera ku ntego yo kugeza amashanyarazi kuri bose.

Mu ijambo yagejeje ku bitabiriye iyi nama, Minisitiri Olivier Nduhungirehe yavuze ko u Rwanda rumaze gukora urugendo rugaragara mu rwego rw’ingufu kuva Jenoside yakorewe Abatutsi ihagaritswe mu 1994.

Yagize ati: "Mu myaka 31 ishize, u Rwanda rwageze ku ntambwe ishimishije mu rwego rw'ingufu. Mu 1994, abaturage bagerwagaho n'amashanyarazi bari 1% gusa, ariko uyu munsi bageze kuri 84%. Intego yacu ni uko buri Munyarwanda azaba afite amashanyarazi bitarenze mu 2030."

Yakomeje agaragaza ko iyo ntego ishingiye ku ishoramari rikomeje gushyirwa mu bikorwa remezo by’ingufu no guteza imbere amasoko atandukanye arimo ingufu zikomoka ku mazi, ku mirasire y’izuba, kuri gaz yo mu Kiyaga cya Kivu no ku zindi ngufu zisubira.

Minisitiri Nduhungirehe yongeyeho ati: "Turimo kubaka urwego rw'ingufu rwizewe, rurambye kandi rubungabunga ibidukikije, kuko ari rwo shingiro ry'iterambere ry'ubukungu, ishoramari, inganda n'imibereho myiza y'abaturage."

Yashimangiye ko Rwanda Energy Compact ari imwe mu nkingi zizafasha igihugu gukomeza urugendo rwo kubaka ubukungu butangiza ibidukikije, no kubahiriza intego mpuzamahanga zo kugabanya imyuka ihumanya ikirere.

Africa Energy Forum (AEF) ni inama ngarukamwaka yatangiye mu 1999, ikaba ari urubuga rukomeye ruhuza ba Minisitiri bashinzwe ingufu, abayobozi ba za Guverinoma, amabanki y’iterambere, ibigo mpuzamahanga, abikorera n’abashoramari baturutse hirya no hino ku Isi.

Iyi nama igamije gushaka ibisubizo byafasha Afurika gukemura ikibazo cy’ibura ry’ingufu, gukurura ishoramari mu bikorwa remezo by’ingufu no guteza imbere ubufatanye hagati ya za Guverinoma n’abikorera. Buri mwaka, yitabirwa n’abarenga ibihumbi bibiri, ikaba ari imwe mu nama zikomeye zigena icyerekezo cy’ishoramari mu rwego rw’ingufu ku mugabane wa Afurika.

Uyu mwaka, ibiganiro byibanze ku kwihutisha ishoramari mu ngufu zisukuye, kongera amashanyarazi agera ku baturage, guteza imbere ubufatanye hagati y’inzego za Leta n’iz’abikorera no gushyira imbaraga mu guhangana n’imihindagurikire y’ikirere.

Mu myaka ishize, u Rwanda rwakomeje gushimwa ku rwego mpuzamahanga kubera umuvuduko rwagize mu kugeza amashanyarazi ku baturage no guteza imbere ingufu zisukuye. Imishinga irimo kubyaza amashanyarazi gaz yo mu Kiyaga cya Kivu, kongera ikoreshwa ry’ingufu zikomoka ku mirasire y’izuba no kwagura imiyoboro y’amashanyarazi, biri mu byatumye igihugu kiba mu bifite umuvuduko mwiza mu rwego rw’ingufu muri Afurika.

Kumurika Rwanda Energy Compact muri Africa Energy Forum ni intambwe ikomeza kugaragaza icyerekezo cy’u Rwanda cyo gukurura ishoramari, guteza imbere ingufu zisukuye no kugera ku ntego yo kugeza amashanyarazi kuri buri Munyarwanda bitarenze mu 2030.

Uretse abinjiye muri Guverinoma, Perezida wa Repubulika y’u Rwanda Paul Kagame, yanakiriye indahiro z’abandi bayobozi barimo Mbabazi Judith wagizwe Umuvunyi wungirije ushinzwe gukumira no kurwanya akarengane, Uwizeye James wagizwe Umunyamabanga mukuru wungirije w’urwego rw’igihugu rushinzwe iperereza n’umutekano (NISS), CP Theos Badege wagizwe Komiseri mukuru wungirije w’urwego rw’igihugu rushinzwe igorora (RCS).

Mu butumwa yagejeje ku bitabiriye uwo muhango, Perezida wa Repubulika y’u Rwanda Paul Kagame, yibukije abayobozi bashya ko batarahiriye imbere y’abitabiriye icyo gikorwa gusa, ko ahubwo barahiriye imbere y’Abanyarwanda bose, aboneraho no kubasaba guha uburemere indahiro zabo.

Yagize ati, “Izo ndahiro, ntimuzigejeje kuri twe twicaye aha gusa, ahubwo ni ku gihugu cyose, ni ku Banyarwanda. Ni ngombwa rero ko musobanukirwa neza uburemere bw’izo ndahiro.”

Umukuru w’igihugu kandi, yanibukije ko umuyobozi mwiza uri mu nzego za Leta, agomba guharanira inyungu z’umuturage mbere na mbere. Yagize ati, “Kuba umuyobozi muri izi nzego za Leta, mbere na mbere ni ugukorera abaturage no guharanira imibereho yabo myiza.”

Ashingiye ku mateka igihugu cyanyuzemo, Umukuru w’igihugu yibukije abayobozi ko ababohoye u Rwanda nta nyungu zindi bari bategereje, ko ahubwo banatekerezaga ko intambara yo kubohora igihugu bashoboraga no kuyitakarizamo ubuzima, bityo abasaba gushyira mbere na mbere inyungu z’abaturage ku isonga, kuko iyo umuyobozi akoze neza, ari umuturage bigirira akamaro, naho umuyobozi yakora nabi, ingaruka z’iyo mikorere mibi ikagera ku muturage bwa mbere, nyamara atari we Nyirabayazana.

Perezida wa Repubulika y’u Rwanda Paul Kagame kandi, yanagarutse ku kibazo abantu bibaza cy’uko abaminisitiri bashobora guhinduka vuba, maze yerekana impamvu ibitera agira ati, “Hari ubwo wicarana n’umuntu w’umuyobozi uzi ngo afite kumva, inshingano arazumva, rwose asobanukiwe ibintu byose. Dore aha ngaha ni ho dukorera inama za Guverinoma. Tukajya umugambi tuvuga ngo tugiye gukora iki ngiki, ndetse umuntu akabigiramo uruhare agatanga igitekerezo, hanyuma tukabyemeza n’ibyangombwa byose bihari. Niba byagombaga gutwara wenda amezi atandatu yo kuba twakoze ibyo twakoraga, hashira amezi atanu hakabaho no kwibutsa tuti ariko tugeze he kuri bya bindi? Ugasanga n’uwagombaga kubikora ntazi aho tugeze. Iyo ndwara yo rero irakabije kenshi. Ariko habaho kwihangana ku bantu bayobora ibyo bikorwa, bakayobora n’abo bantu. Ubwa mbere urabyihorera ukabona ko nyine ari intege nke z’umuntu yagize, kuko gukora amakosa birashoboka. Ubwa kabiri, ikosa rimwe rikongera rikaba nk’iryabaye ubushize, ukongera uti ese habaye iki, ko ubushize twari twabikosoye, byagenze gute? Ubwo na bwo wenda ukamwihorera. Iyo bibaye bwa gatatu, ndetse rimwe na rimwe bikaba bwa kane, haba hari ikibazo gikomeye. Icyo gihe rero ni bwo abantu bbaba bagomba gufata ibyemezo. Hari ababireka gutyo, bigakomeza gutyo bikaba umuco. Uwo muco hari aho tuwuzi kandi natwe uhora ushaka kutuzamo, ariko turawurwanya. Ubwo rero kwihangana, hari ubwo bigarukira aho ngaho, ukagerageza. Ba banyarwanda bandi navugaga na bo tuzi bashobora gukora nk’ibyo dukora hano, urongera ukabashakamo ukareba undi na we waza agatwara igihe nbere y’uko imico mizima imunanira. Hari abakunda bikagenda neza uko bikwiye, ibyo ni byiza turabishimira iteka.”

Umukuru w'igihugu, yasoje ubutumwa bwe yifuriza abayobozi bashya kuzagira imirimo myiza, ariko ababwira ko imirimo mishya bagiyemo atari igitangaza, ahubwo ko ari imirimo nk’iyo mu buzima busanzwe.

Nyuma y’ibirori, ikipe y’igihugu ya Mexique yakinnye umukino wo gufungura irushanwa ihura na Afurika y’Epfo. Mexique yishimiwe cyane n’abafana bayo nyuma yo gutsinda Afurika y’Epfo ibitego 2–0. Uwo mutsindo wayihaye intangiriro nziza mu Itsinda A ndetse wongera ibyishimo mu bafana bayo.

Mu yindi mikino yamaze gukinwa, Ubudage bwanyagiye Curaçao ibitego 7–1, Leta Zunze Ubumwe za Amerika zitsinda Paraguay ibitego 4–1, mu gihe Brésil yanganyije na Maroc igitego 1–1. Ecosse na yo yatsinze Haiti igitego 1–0, naho u Buholandi bunganya n’u Buyapani ibitego 2–2 mu mukino wari urimo guhangana gukomeye

Mu gihe imikino ikomeje, abakunzi b’umupira bategereje indi mikino n'amatsiko , ibihe bitazibagirana ndetse n’inkuru zizandikwa mu mateka y’Igikombe cy’Isi.

Iri rushanwa rihuje amakipe 48 kandi ririmo kubera muri Mexique, Leta Zunze Ubumwe za Amerika na Canada. Biteganyijwe ko rizaba Igikombe cy’Isi kinini kurusha ibindi byose byabayeho. Abafana ku isi yose bakomeje gukurikirana uko amakipe yabo yitwara mu rugendo rwo guhatanira igikombe gikomeye kurusha ibindi mu mupira w’amaguru.

Bagize bati, “Tuzahora iteka twishimira urukundo rwabo, amahirwe baduhaye ndetse n’uburyo bwose badushyigikiyemo.”

Aba bahanzi, bavuga ko batifuzaga gutandukana na MIE, kandi ko batewe ishema n’ibyo bagezeho igihe cyose bafashwaga na MIE, ariko ko igihe cyari kigeze kugira ngo bagure ibikorwa byabo bifashije ubwabo, bayobowe n’icyerekezo cyabo, indangagaciro zabo ndetse n’imigambi yabo yo mu gihe kirekire kiri imbere.

Aba bahanzi, basabye abakunzi babo kudafata itandukana ry’impande zombi nk’iherezo ryabo mu muziki, ko ahubwo ari intangiriro y’ibikorwa bishya kandi byiza. Bagize bati, “Iri si iherezo, ahubwo ni intangiriro y’ibishya. Turishimira imishinga yacu iri imbere, kandi ntituzatinda kuyibasangiza.”

Ubwo bafashwaga n’inzu ya MIE Empire, Vestine na Dorcas babaye bamwe mu bahanzi b’indirimbo zo guhimbaza Imana bagaragaye ndetse bakanakundwa cyane. Zimwe mu ndirimbo iri tsinda ryasohoye zatumye ryigarurira imitima y’abatari bake harimo iyo batangiriyeho yitwa “Papa”, hamwe n’izindi zirimo “Nahawe Ijambo” iyitwa “Kisima” n’izindi zitandukanye.

Umuziki w’iri tsinda kandi, wanageze hanze y’u Rwanda binyuze mu ndirimbo rysohoye ziri mu rurimi rw’Igiswayire, bituma riba ikimenyabose mu karere ka Afurika y’Iburasirazuba.

Imikoranire hagati y’impande zombi kandi, yanafashije iri tsinda kwitabira ibitaramo bitandukanye byo mu rwanda no hanze yarwo, icyatumye abarikurikira bo mu bihugu binyuranye byo hirya no hino ku isi bakomeza kwiyongera.

Itangazo ryemeza ugutandukana hagati y’impande zombi, si ubwa mbere rishyizwe ahagaragara, kuko tariki 7 Nyakanga 2021, M.Irene Entertainment yashyize ahagaragara itangazo ryemezaga uguhagarara kw’imikoranire y’impande zombi mu buryo bw’agateganyo.

Uko guhagarara ariko, ntikwamaze igihe kinini, kuko impande zombi zaje kwiyunga zikomeza imikoranire.

Ubuyobozi bwa MIE Empire bwanze kugira icyo butangariza itangazamakuru kuri iyi nkuru, bwemeza ko nta cyo bwayivugaho ubu.

Ibyo byaha byosePhillippe Hategekimana yahamijwe, bihuzwa n’ubwicanyi bwakorewe i Nyanza, i Nyabubare, i Nyamure, i Ntyazo, ndetse no ku kigo cya ISAR Songa.

Uyu mugabo, yahamijwe kuba yarategetse abapolisi yari ayoboye kwica Abatutsi ndetse no gutegura ibitero byahurizaga hamwe abapolisi n’interahamwe kuri za bariyeri.

Phillippe Hategekimana w’imyaka 69 y’amavuko nyuma y’uko ahunze u Rwanda, yagiye mu Bufaransa yiyita izina rya Phillippe Manier, aho yasabiye akanahabwa icyangombwa cy’uko ari impunzi, ndetse aza no gukora nk’ushinzwe umutekano muri Kaminuza iri mu mujyi wa Rennes, ndetse nyuma yaje no guhabwa ubwenegihugu bw’Ubufaransa mu mwaka wa 2005.

Nyuma y’uko urubanza rwe rupfundikiwe burundu, Phillippe Hategekimana yahise aba Umunyarwanda wa kane uciriwe urubanza rudashobora kujuririrwa mu nkiko zo mu Bufaransa, ku bwo kugira uruhare muri Jenoside yakorewe Abatutsi mu mwaka wa 1994.

Ambasaderi Joseph Mutaboba, yatangiye atanga ishusho rusange y’uko umubano w’u Rwanda n’ubufaransa wari wifashe ahereye mu mwaka wa 1990, ubwo izari ingabo za RPA zatangizaga urugamba rwo kubohora igihugu.

Yagize ati, “Ubufaransa bwahise bwinjira muri iyo ntambara. Mu kuyinjiramo, bagendereye ibintu bya politiki, ibintu by’igisirikare ndetse n’ibintu bya Dipolomasi.”

Ambasaderi Mutaboba, asobanura uruhande Ubufaransa bwari bwarafashe agira ati, “Kuri bo, baravugaga bati tugomba gufasha ubutegetsi bwa Habyarimana mu buryo bwa politiki, ubwa gisirikare n’ubwa dipolomasi bwo kuvuga hanze ibyo turimo n’ibikorwa uko bimeze.”

By’umwihariko kuri politiki, Ambasaderi Joseph Mutaboba yasobanuye ko imwe mu mpamvu zatumye Abafaransa bihutira gufasha ubutegetsi bwa Habyarimana, ari ukubera ko Ubufaransa bwafataga RPA nk’abarwanya Igifaransa, bigafatwa nk’intambara y’Igifaransa n’Icyongereza.

Muri icyo gihe ibihugu byombi byasaga n’ibirebana ay’ingwe, birashoboka kwibaza impamvu ubuyobozi bw’u Rwanda butatinyaga Ubufaransa. Icyo kibazo, Ambasaderi Mutaboba yagisubije agira ati, “Ntabwo twatinyaga Abafaransa kuko tuzi ukuri, kandi tuzi ko na bo bazi uko kuri, ariko bakakwirengagiza. Icyo cyonyine, ni ikintu gikomeye.”

Nyuma y’uko Nicolas Sarcozy abaye Perezida w’Ubufaransa hagati y’umwaka wa 2007 n’umwaka wa 2012, yatangiye ibikorwa byo kuzahura umubano w’u Rwanda n’Ubufaransa wari warajemo agatotsi, ndetse mu mwaka wa 2010 uyu muyobozi asura u Rwanda, icyafashe nk’intambwe ikomeye mu kurebana neza hagati y’ibihugu byombi.

Kuva Emmanuel Macron yatangira kuyobora Ubufaransa mu mwaka wa 2017, hakozwe ibikorwa byinshi byo kugaragaza uruhare rw’Ubufaransa muri Jenoside yakorewe Abatutsi, haba raporo zakozwe ku ruhande rw’u Rwanda cyangwa urw’Ubufaransa. By’umwihariko, mu mwaka wa 2014, ubwo u Rwanda n’isi yose bibukaga ku nshuro ya 20 Jenoside yakorewe Abatutsi mu mwaka wa 1994, Perezida wa Repubulika y’u Rwanda Paul Kagame mu ijambo rye, yavuzemo n’interuro yo mu rurimi rw’Igifaransa agira ati, “Les faits sont têtus.”  (Ukuri ntaho kujya.) Ambasaderi Joseph Mutaboba, yahuje iyo nteruro ndetse na za raporo zasohotse ku mpande zombi zigaragaza uruhare rw’Ubufaransa muri Jenoside yakorewe Abatutsi mu mwaka wa 1994, agaragaza ko Ubufaransa bwahisemo kuzahura umubano wabwo n’u Rwanda kuko bwamenye ukuri kw’amateka kandi gufitiwe ibimenyetso.

Yagize ati, “Ukuri aho kuri haramenyekanye. Igihe rero hamenyekanye, bakavuga bati za faits têtus Perezida Kagame yavugaga, dore twazigezeho ziragaragara, zaragenzuwe. Icyo kintu cyo kugaragaza ko ukuri kwagenzuwe, ni ikimenyetso kidashidikanywa ko hari ibyabaye, ahubwo noneho igisigaye ari ukuvuga ngo, ese wowe ko wabikoze, urabivugaho iki?”

Hari benshi bashobora gutekereza ko imyitwarire y’Ubufaransa muri iki gihe, yagereranywa no gucinya inkoro, ndetse hari n’abandi bashobora kuvuga ko imyitwarire y’Ubufaransa muri iki gihe, ari amayeri bwahimbye kugira ngo bute u Rwanda mu mutego. Ambasaderi Mutaboba, yamaganiye kure ibyo bitekerezo byombi agira ati, “Kuba bavuga ngo bazaduta mu mutego, ibyo ubikorera umuntu usinziriye kandi wirara. Ntabwo Leta nzi iriho ubu n’iyo nakoreye iriya myaka yose yashize yakwirara. Ahubwo uko iminsi, amezi n’imyaka bigenda, ni ko tugomba kugenda turushaho kutirara.”

Ambasaderi Mutaboba, yakomeje agira ati, “Iyo wagaza ingurube n’inka ibyo birumvikana. Ariko iyo wagaza umuntu nka Kagame cyangwa Mutaboba cyangwa abandi bose tuzi, mu by’ukuri ntabwo ushobora kunyagaza ngo unsinzirize. Ni intambara mu zindi, ni ugukomeza tukarwana kandi tugomba kuyitsinda.”

Bimwe mu bihugu byo ku mugabane wa Afurika by’umwihariko ibyakolonejwe n’Ubufaransa, byakunze kumvikana bicana umubano na byo, kugeza n’aho ibirindiro by’ingabo z’Ubufaransa muri ibyo bihugu bikurwaho, nyamara ku rundi ruhande umubano w’u Rwanda n’Ubufaransa ugakomeza gutera imbere. Hari benshi bashobora guhuza ibi byombi, bagatekereza ko u Rwanda rwivuguruje ku bwigenge bwarwo nk’igihugu. Ambasaderi Mutaboba, yavuze kuri iyi ngingo agira ati, “U Rwanda ntabwo rwigeze rwivuguruza, nta n’ubwo ruzigera rwivuguruza, jyewe uko mbibona. Ahubwo u Rwanda rurabera abandi urugero rwo kwerekana ko aho wari uri ushobora kuhava, cyane cyane iyo uhereye ku kuri, iyo uzi amateka yawe. Amateka y’u Rwanda n’amateka ya Afurika, ni ibintu tugomba gufata nk’ihame tugahera aho. Noneho ukavuga uti, Nahindura iki? Nakora iki?”

Hari ikindi kibazo kibazwa na benshi, ariko cyafatwa ku rundi ruhande nk’impungenge z’uko ibyakozwe na Perezida Emmanuel Macron ku guteza imbere umubano w’u Rwanda n’ubufaransa bishobora kurangirana na we, dore ko ari muri Manda ye ya nyuma nk’umukuru w’igihugu cy’Ubufaransa. Icyo kibazo, Ambasaderi Mutaboba yagisubije umunyamakuru wa KPMedia agira ati, “Ibyo kurangirana na we, jye nta n’ubwo ari cyo kibazo mfite. Ikibazo mfite, ni ukuvuga ngo Abafaransa, Ubufaransa n’isi yose, barumva, barabona aho ukuri kuri? Icyo ni cyo cya ngombwa.”

Ambasaderi Joseph Mutaboba, yasoje ikiganiro yagiranye na KPMedia asaba Abanyarwanda n’Abanyafurika muri rusange kumenya ukuri kandi bakaguhagararaho, kuko guhagarara ku kuri ari byo bizabageza ku byo bifuza, ndetse anavuga ko kurangara ari ingeso mbi ishobora gutuma intumbero y’ibyifujwe itagerwaho uko bikwiye.

Ikiganiro cyose KPMedia yagiranye na Ambasaderi Joseph Mutaboba ku mubano w’u Rwanda n’Ubufaransa, ushobora kugikurikira unyuze kuri iyi nzira:

https://youtu.be/cA9qwSHipfQ?si=KNF3m7qVXX5Bg4wL

Ku ikubitiro, Ngaruyinka Sebashi Elysé, yasobanuye uko abavukanaga n’umwami Mibambwe III Mutabazi II Sentabyo bashyize imbere umutima wo gukunda igihugu, nyamara batarumvikanaga. Ni mu myaka irenga 200 ishize, dore ko uwo mwami yategetse u Rwanda hagati y’umwaka wa 1796 n’umwaka wa 1801.

Ngaruyinka, yasobanuye ayo mateka ahereye ku bana b’abahungu Kigeri III Ndabarasa yabyaye n’uko u Rwanda rwagutse icyo gihe agira ati, “Umwami Kigeri III Ndabarasa, yabyaye abahungu benshi cyane buriya. Yabyaye Baryinyonza, abyara Semugaza, abyara Kazenga, abyara Rubaba, abyara Kimanuka, abyara n’abandi barimo na Mibambwe III Mutabazi II Sentabyo. Icyo gihe, u Rwanda rwagombaga kwaguka. Kigeri III Ndabarasa buriya, ni we wafashe i Ndorwa, ni ukuvuga kuva Ntungamo kugera i Mbarara. Umuhungu we witwaga Semugaza, yari afite ingabo, na Baryinyonza yari afite ingabo, mbese buri wese yari afite ingabo ayoboye. Semugaza, agumana na se mu Ndorwa.”

Nyuma yo gusobanura uko Kigeri III Ndabarasa yigaruriye i Ndorwa, Ngaruyinka, yasobanuye umutima w’umwe mu bavukanaga n’umwami Mibambwe III Mutabazi II Sentabyo wo gukunda igihugu agira ati, “Umwami Kigeri III Ndabarasa amaze gutanga, umuhungu we Mibambwe III Mutabazi II Sentabyo yahise yima ingoma. Uwo mwami yagiye agira ibibazo byinshi by’ubuzima, mwibuke ko Semugaza yari hakurya mu Ndorwa. Bukeye, u Rwanda ruterwa n’Ubunyabungo. Mu bihe byo hambere, hari utuntu tw’intambara, bamwe batera abandi, bakabanyaga aha, ejo bakahasubirana, gutyo gutyo, ni zo zari indangagaciro zo muri ibyo bihe.

Abanyabungo bari icyo gihe mu gace k’Ubushi, bateye u Rwanda, banyaga inka, kandi ku ngoma ya Mibambwe III Mutabazi II Sentabyo, hari harabaye ibintu by’amatiku cyane basubiranamo, byanatumye Semugaza yigumira i Ndorwa na bene se. Nyamara Semugaza icyo gihe yavuye mu Ndorwa, araza aratambuka atabara u Rwanda, aruturuka hirya, maze za nka zari zaranyazwe, n’abantu bari barafashwe n’abanyabungo bose arabagarura, nuko abashyikiriza umwami yisubirira mu Ndorwa. Uko ni ugukunda igihugu, ni ukuba Umunyarwanda.”

Mbere y’ingoma ya Mibambwe III Mutabazi II Sentabyo, hari Abanyarwanda bagaragaje gukunda igihugu cyabo nubwo babaga bafitanye ibibazo n’umwami. Urugero rwatanzwe na Ngaruyinka, ni urw’abagabo babiri ari bo Mutemura na mwene wabo witwaga Mugasa bakomokaga mu cyahoze ari Gisaka, bahungiye mu Burundi nyuma yo kugirana ibibazo n’umwami Cyilima II Rujugira, wayoboye u Rwanda kuva mu mwaka wa 1770 kugeza mu mwaka wa 1778. Nyuma y’uko abo bombi bahungiye ku mwami mutaga, uwo mwami yashatse ko bahindura izina ry’umwami Cylima II Rujugira bakamwita Cyibalima, ariko bo barabyanga, ariko icyabaye agahebuzo kurushaho, ni uko u Burundi bwashatse gutera u Rwanda ariko abo bagabo bakohereza intumwa i Bwami, bigatuma u Rwanda rutsinda icyo gitero.

Ngaruyinka, asobanura iby’icyo gitero agira ati, “Umwami Mutaga yashatse gutera u Rwanda, Mutemura na Mugasa barabimenya. Bohereje abagaragu babo baraza ku nkiko, barabivuga bati mubwire umwami ko Abarundi bagiye gutera u Rwanda. Bari bahanye ikimenyetso cyitwa Ukwezi kwashoye inzora, ni ukuvuga igihe ukwezi kwabaye umutuku. Abarundi bari bahanye gahunda y’uko bazambuka bakanyura za Nyaruteja, bakaza hariya mu Bashumba Nyakare, noneho bagatera baturutse aho ngaho bakica bakanyaga. 

Abanyarwanda barabimenye, maze baca icyanzu. Bararetse umwanzi arabanza arinjira, maze bamugota bamuturutse inyuma. Nta Murundi n’umwe wasubiyeyo, u Rwanda rukizwa na Mutemura na Mugasa. Ubwo na bo baje muri icyo gihiriri, bajya kwa Cyilima. Cyilima yarabagororeye arababwira ati, buriya mwabaye Abanyarwanda beza. Iyo mugenda mukurikije ibibazo mwari mufite mugatera u Rwanda, mwari kuba mwiteye kuko mwari kuba muteye abavandimwe banyu.”

Ubwo impinduramatwara yo mu mwaka wa 1959 yabaga, abayiteguye bari bafite imvugo nka: Gahutu agomba kwigaranzura Gatutsi, n’izindi bakoreshaga bashaka kugaragaza ko umwami yari uw’ubwoko bumwe. Ngaruyinka yamaganiye kure icyo gitekerezo agira ati, “Nta mwami ubaho, cyangwa umuyobozi w’igihugu uyobora igihugu wenyine, akiyoborana n’abandi.” Ngaruyinka, yatanze urugero rwo ku ngoma y’umwami Kigeri IV Rwabugiri, rw’uko Bisangwa bya Rugombituri nta cyo yari afite apfana n’umwami. Ngaruyinka, yagaragaje ko abafatanyaga n’umwami kuyobora u Rwanda, baturukaga mu moko menshi, arimo Abanyiginya, Abega, Abacyaba, Abatsobe n’abandi.

Abateguye Jenoside yakorewe abatutsi mu mwaka wa 1994, bakwirakwije imvugo z’uko umugabekazi Kanjogera yahagurukiraga ku mpinja z’Abahutu. Ngaruyinka, yanyomoje izo mvugo agira ati, “Reka dushyire ukuri mu byo turora. Ko wumva Abahutu bari Rubanda rugufi, abo bana b’Abahutu bajyaga kwa Kanjogera, binjiyemo bate i bwami? Icyo ni cyo kintu cya mbere abantu bagomba kwibaza. Ikindi nabaza, umuntu w’umubyeyi nka Kanjogera, yapfaga iki n’Abahutu? Rero, ibyo bavuga ngo Kanjogera yahagurukiraga ku bana b’Abahutu, ni politiki yo guteranya abantu, ni politiki yo kubeshya, nta shingiro bifite.”

Ngaruyinka, yanagarutse ku mbuto yabibwe n’abakoloni yo gusenya ubumwe bw’Abanyarwanda, n’uko yagejeje kuri Jenoside yakorewe abatutsi mu mwaka wa 1994. Ku buyobozi bwa Grégoire Kayibanda, Ngaruyinka avuga ko bwaranzwe n’ivangura rikabije, cyane ko abakoloni b’Ababiligi ari bo batoje Kayibanda iyo politiki, nubwo mu ishuri yari umuhanga.

Uwamusimbuye ari we Juvénal Habyarimana, we yahiritse ubutegetsi mu mwaka wa 1973 avuga ko u Rwanda rwari rugiye kugwa mu rwobo, nyamara ibyo yavugaga bitandukanye n’ibyo yakoraga, kuko nka politiki yiswe iringaniza mu burezi, itashyiraga imbere ubushobozi bw’umwana, ahubwo yashyiraga imbere akarere umwana akomokamo.

Ashingiye ku mateka yanyuzemo mu gihe cya Repubulika ya mbere n’iya Kabiri, Ngaruyinka Sebashi Elysé, yanze ko indirimbo yubahiriza igihugu yitwa Rwanda rwacu yakoreshwaga mu gihe cy’izo Repubulika zombi iririmbwa mu cyahoze ari komine Gaseke yayoboraga. Dore uko abisobanura: Yagize ati, “Ntabwo nigeze nyiririmbisha. Ndabivuga ku mugaragaro, muzabaze Ibambasi. Yaraje arambaza ati, Kuki mutangiza amasengesho, ntimutangize indirimbo yubahiriza igihugu? Nanjye nti, Ntabwo nshobora gushimira abarwanashyaka bishe Nyogokuru, ntabwo nabikora. Ngo ndashimira abarwanashyaka bazanye Repubulika idahinyuka? Repubulika yishe abantu, ikarya inka ikabasenyera nyishimire? Ndabyanga rwose birazwi. Ndi imbere y’Imana, ndi imbere y’abayobozi twabanye, ndi n’imbere y’abanyagaseke nayoboye.”

Iyo arebye iterambere igihugu kimaze kugeraho, Ngaruyinka ashimangira ko Abanyarwanda bakwiriye kunga ubumwe, kuko n’abavuga ko bashaka kubohora u Rwanda, nta cyo bafite babohora, aboneraho no kwamagana izina FDLR (Forces Démocratiques de Libération du Rwanda) ryahawe umutwe w’iterabwoba ukorera mu mashyamba ya Repubulika ya Demokarasi ya Kongo, ukaba ugizwe na bamwe mu bakoze Jenoside. Kuri we, uwo mutwe wakwitwa FGR (Forces des Génocidaires Rwandais).

Ngaruyinka Sebashi Elysé, yasoje ikiganiro yagiranye na KPMedia agaragaza ko nubwo abayoboye Repubulika ya mbere n’iya kabiri babaye ishingiro ry’amacakubiri mu banyarwanda, umukuru w’igihugu dufite ari we shingiro ry’ubumwe bw’Abanyarwanda, kandi dukwiye kumwigana. Yagize ati, “Umukuru w’igihugu cy’u Rwanda, buriya ni we shingiro rikomeye ry’ubumwe bw’Abanyarwanda. Nk’uko bariya twavugaga ba Kayibanda na ba Habyarimana babaye ishingiro ryo gusenya no kurimbura Abanyarwanda, ubu noneho dufite umukuru w’igihugu cyacu, ni we shingiro ry’ubumwe bwacu, ni we gisubizo, ni we cyitegererezo cy’Abanyarwanda. Rero reka tumwigane, mpamagarire n’abandi bose bagifite utwo tuntu tw’utugingimira two kuvuga, twarwana, twakwica. Intebe ya Penetensiya nta handi iri, iri mu Rwanda. Abanyarwanda bazabakira, kandi n’umukuru w’igihugu azabakira kuko uko muzi, ni umunyembabazi kuko mbona n’abandi yababariye. Nibaze n’Abanyarwanda twunge ubumwe, twubake u Rwanda, twubake igihugu cyacu Imana yaduhaye.”

Ikiganiro cyose KPMedia yagiranye na Ngaruyinka Sebashi Elisée ku mateka y’u Rwanda, by’umwihariko uko Abanyarwanda bo hambere bari bafite umutima wo gukunda igihugu, ushobora kugikurikira unyuze kuri iyi nzira:

https://youtu.be/24BC1Z-bDeA?si=ko3zJWcXuuSp-oip

Ubusanzwe, Hon. Anne Marie Musabyemungu, ni umugore wa Jenerali Jérome Ngendahimana. Ni yo mpamvu yatumye ubuyobozi bw’ingabo z’igihugu (RDF) zimunyuraho kugira ngo afashe umugabo we gutaha.

Mu rugendo rutari rworoshye ajya mu mashyamba ya Kongo, Hon. Anne Marie, yabashije kugera ku mugabo we, amusaba ko yatahha mu rwamubyaye. Nubwo Jenerali Jérome Ngendahimana yabanje gutungurwa no kubona umugore we imbere ye, Hon. Anne Marie, yamusobanuriye icyari kimuzanye nk’uko yabiganirije KPMedia agira ati, “Naramubwiye nti, mu Rwanda turiho tumeze neza. Ubu njye naje kugusobanurira ko u Rwanda rushaka ko twiyunga, mbese mukiyunga na bo. Nta ntambara bashaka. Hari byinshi byagezweho, mubwira ukuntu nagiye ntera imbere, ukuntu abana babayeho neza, mubwira byose, ndetse kandi nanamujyaniye amafoto y’abana.”

Nubwo umugabo we yamubwiraga ko iyo ngingo bazayiganiraho undi munsi, Hon. Anne Marie ntiyacikaga intege, kandi yashimishwaga n’uko yamubwiye akamuri ku mutima. Hon. Anne Marie, asobanura imbamutima yari afite icyo gihe agira ati, “Ikintu navugaga buri munsi, naravugaga nti, Mfuye uyu munsi, nakwishimira ko nakoze iki cyatuma abantu bumva ko u Rwanda rushaka ubumwe n’ubwiyunge?” Icyo gitekerezo, cyatumaga ashaka uburyo bwose bwo gusobanurira abo yahuraga na bo bose ihame ry’ubumwe n’ubwiyunge, kandi akishimira ko rigenda ricengera, ko n’iyo yari gupfa, hari benshi bari gutaha kubera we.

Nyuma, umunsi nyawo warageze, maze Jenerali Ngendahimana na Hon. Anne Marie baraganira birambuye, ariko mbere yo kwemera gutaha, Jenerali Ngendahimana asaba ko babanza kubisengera, dore ko bitari byoroshye gucika abasirikare, ndetse n’inzira ziva muri Repubulika ya Demokarasi ya Kongo zijya mu Rwanda zikaba zitari zoroshye. Mu kubisobanura, Hon. Anne Marie yagize ati, “Mu gitondo twaragiye, tujya hejuru y’umusozi, arambwira ati, ubwo turi hejuru y’umusozi, ntabwo amajwi ari bumanuke ngo agere kuri bariya basirikare, araguma muri twebwe, ngaho mbwira. Ndamubwira byose, mubwira byinshi cyane, mubwira ikinzanye, mubwira ko nta minsi nshaka kumara mu mashyamba ya Kongo, ko iminsi nshaka kumara ari iyo tuzamara turi kugenda. Nawe aravuga ati, uri umusazi. Ndamubwira nti, ndi muzima, ahubwo mbwira, urabibona ute?”

Hon. Anne Marie yakomeje agira ati, “Yariyumviriye maze arambwira ati, reka tubanze dusenge, maze  dusenga iminsi itatu twiyiriza ubusa, kuko cyari icyemezo gikomeye, twibazaga aho turanyura, uko tuzava mu bandi basirikare n’uko tuzagera mu Rwanda. Ibyo namubwiraga byose by’uko tuzagaruka mu Rwanda ntiyabyumvaga, ahubwo yarambwiraga ngo, Uri umusivire, ibyo ni ibitekerezo by’abasivire. Ariko mbere y’iyo minsi itatu yo gusenga, yari yambwiye ngo, ibyo wambwiye ndabyumvise kandi ndabyemeye.”

Nyuma y’iminsi itatu yo gusenga, we n’umugabo we baje gutaha mu Rwanda. Nyamara nubwo yari amaze gufasha umugabo we gutaha, Hon. Anne Marie Musabyemungu, ntiyarekeye aho kuko yagize uruhare mu gufasha Jenerali Rwarakabije gutaha mu Rwanda nyuma y’iminsi mike mugenzi we Jenerali Ngendahimana atashye.

Gusa mbere y’aho gato, ubwo Jenerali Ngendahimana n’umugore we Hon. Anne Marie bari bageze mu Rwanda, bakiriwe na Jenerali James Kabarebe. Muri uko gusangira, Jenerali James Kabarebe, yaboneyeho kuvugisha Jenerali Rwarakabije, amusobanurira ko mugenzi we Ngendahimana yatashye, ko igihe kigeze ngo na we atahe mu rwamubyaye.

Hon. Anne Marie, asobanura ko icyatumye asubira muri Repubulika ya Demokarasi ya Kongo gufasha Jenerali Rwarakabije gutaha mu Rwanda, ari uko Jenerali Rwarakabije yari yaravuze ko niyongera kubona Hon. Anne Marie, ari bwo azemera gutaha. Hon. Anne Marie, abisobanura agira ati, “Nasubiyeyo kumuzana. Yatanze amabwiriza ko ari njyewe ugomba kugerayo, ko nambona mu birindiro bye, ari bwo azemera gutaha.”

Umunyamakuru wa KPMedia, yamubajije niba atari afite ubwoba bwo kwicwa, cyane ko yari yarabatwaye umugabo we, kandi yari umutasi mukuru, maze Hon. Anne Marie amusubiza agira ati, “Ibyo kwicwa ntabwo nari nkibitekereza, natekerezaga gusa ikizavamo. Naravugaga nti, hari benshi bagiye ku rugamba, bamwe bagapfa abandi bakabaho. Jyewe reka nishyire mu bazabaho.”

Nubwo yemeza ko gufasha Jenerali Rwarakabije gutaha mu Rwanda byari bikomeye kurusha uko byagenze afasha umugabo we gutaha mu Rwanda, Hon. Anne Marie, avuga ko Jenerali Rwarakabije yamubonye, maze na we akiyemeza gutaha. Hon. Anne Marie, abisobanura agira ati, “Yarambonye, maze aravuga ati, “Jyewe ntabwo nakwica isezerano, ntabwo naba naravuze ngo uzaze hano, ngo uhagere uri umugore usize umugabo wawe, n’iyo myaka yose mutari mubanye ukihara amagara ukaza ngo nanjye mbireke.” Afata icyemezo rero cyo gutaha, turatahana, ari na bwo yazanye n’abasirikare barenga 120 barimo abofisiye 12.”

Kuba Jenerali Rwarakabije na Jenerali Ngendahimana baratashye mu Rwanda, bigatuma n’abanyarwanda bari muri FDLR barenga 15,000 na bo bataha ku bushake bwabo, Hon. Anne Marie Musabyemungu, abona ko hari imbuto nyinshi zavuyemo. Yagize ati, “Gutaha kwabo, imbuto byeze ni nyinshi. Abo banyarwanda 15,000 batashye bo muri FDLR, bazanye n’impunzi zirenga uwo mubare, kandi uko baza mu ngo zabo, bagira uruhare mu iterambere ryazo. Byahinduye bo ubwabo, bihindura n’imiryango yabo, kandi byateje imbere abana babo, n’umutekano hari ibyahindutse. Ibiza ni bya bindi nyine by’abantu bafite intwaro batabura kugaragaza ko bahari, ariko nta bitero bikaze bafite.”

Jenerali Rwarakabije nyuma yo gutaha mu Rwanda, yahawe imirimo itandukanye irimo kuyobora urwego rw’igihugu rw’igorora (RCS), naho Jenerali Ngendahimana nyuma yo gutaha yahawe imirimo itandukanye irimo kuba umuyobozi wungirije w’inkeragutabara, ndetse yanazamuriwe ipeti, ava ku ipeti rya Colonel yari afite ubwo yari mu mashyamba ya Repubulika ya Demokarasi ya Kongo, ajya ku ipeti rya General de Brigade.

Hon. Anne Marie Musabyemungu we, yakoze imirimo inyuranye irimo kuba yarabaye umwarimu, ndetse hagati y’umwaka wa 2008 na 2013, Hon. Anne Marie Musabyemungu yinjiye mu nteko ishinga amategeko umutwe w’Abadepite.

Nko mu isoko rya Nyarugenge mu mujyi wa Kigali, ni itegeko ko buri wese ushaka kuryinjiramo abanza gukaraba intoki, ndetse n’abashinzwe umutekano bagenzura niba uwinjiye yabanje gukaraba intoki, kandi n’abinjira muri iryo soko usanga basobanukiwe n’akamaro ko gukaraba intoki muri ibi bihe.

Ku kigo mpuzamahanga gitegerwamo imodoka cya Nyabugogo mu mujyi wa Kigali, hashyizweho uburyo bwo gukaraba intoki, kandi abagenzi bakoresha icyo kigo babanza gukarabira intoki imbere y’ushinzwe umutekano w’icyo kigo, kugira ngo bajye gutega imodoka isuku yabo yizewe. Gusa ku rundi ruhande, imiryango y’icyo kigo inyurwamo n’imodoka, yashyizwemo uburyo bwo gukaraba intoki. Usanga hari abubahiriza izo ngamba, ariko ugasanga hari n’abandi bihitira batabanje gukaraba intoki, kuko nta muntu washyizweho kugira ngo akurikirane iyubahirizwa ry’izo ngamba kuri iyo miryango.

Abaganiriye n’itangazamakuru batifuje ko amazina yabo atangazwa, bavuze ko basobanukiwe n’indwara ya Ebola n’ubukana bwayo, akaba ari na yo mpamvu bakurikiza inama bagirwa mu rwego rwo kwirinda, bakanarinda n’imiryango yabo.

Urusengero rwitwa Christian Life Assembly Church ruherereye i Nyarutarama, rwasuwe n’itangazamakuru maze risanga ahantu ho gukarabira intoki harateganyijwe, kandi abayobozi b’urwo rusengero batangaje ko aho hantu hakomeje gukoreshwa na nyuma y’icyorezo cya Covid-19, mu rwego rwo kwimakaza umuco w’isuku.

Si aho honyine gusa, kuko no mu mashuri, umuco wo gukaraba intoki watojwe abanyeshuri, abarimu n’abandi bakozi bayo. Nko mu ishuri riherereye i Nyarutarama ryitwa Trinity International Academy, uburyo bwo gukaraba intoki bwashyizwe muri metero nkeya uvuye ku irembo rinini ry’iryo shuri. Umwe mu bashinzwe irembo ry’iryo shuri utarashatse kumenyekana, yavuze ko umuco w’isuku ari imwe mu ndangagaciro z’ishuri, kandi abanyeshuri baryo bakangurirwa gukaraba intoki mu buryo buhoraho mu rwego rwo kwirinda ikwirakwira ry’udukoko duto tutaboneshwa amaso.

Mu isoko rya Kimironko, uburyo bwo gukaraba intoki bwashyizwe muri buri muryango w’isoko kandi abashinzwe umutekano bashyizwe kuri buri muryango kugira ngo bagenzure ko icyo gikorwa cyubahirizwa. Nubwo iryo soko usanga riganwa n’abantu benshi, abashinzwe umutekano bakora ibishoboka byose kugira ngo uryinjiyemo wese akarabe intoki, kuko n’ugerageje guhita adakarabye intoki, ushinzwe umutekano aramugarura akabanza agakaraba intoki mbere yo gukomeza.

Umwe mu bashinzwe umutekano muri iryo soko witwa Innocent Nigenzera, yabwiye itangazamakuru ko gukaza ingamba zo gukaraba intoki, biri mu mabwiriza yatanzwe n’akarere ka Gasabo, ubwo indwara ya Ebola yongeraga kuvugwa muri Repubulika ya Demokarasi ya Kongo.

Ubwoko bw’agakoko gatera indwara ya Ebola kahawe izina rya Bundibugyo, ni bumwe mu bwoko butandatu bw’indwara ya Ebola, kandi ubu bwoko ni bumwe mu bwica abantu benshi mu gihe gito. Mu rwego rwo kwirinda ikwirakwira ryabwo, abantu baragirwa inama yo gukurikiza inama bagirwa n’inzego z’ubuzima.

Uretse ingamba zo gukaraba intoki, u Rwanda rwongereye ubugenzuzi ku kibuga cy’indege mpuzamahanga cya Kigali i Kanombe, ndetse runafunga imipaka yose iruhuza na Repubulika iharanira Demokarasi ya Kongo.

Amabwiriza yatangajwe tariki 22 Gicurasi 2026, ateganya kandi ko abanyamahanga bose bazanyura muri Repubulika ya Demokarasi ya Kongo mu minsi 30 ishize batemerewe kwinjira mu Rwanda, naho abanyarwanda cyangwa abanyamahanga bafite ibyangombwa bibemerera kuba mu Rwanda banyuze muri Repubulika ya Demokarasi ya Kongo mu minsi 30 ishize, bo bemerewe kwinjira mu Rwanda, ariko bagasabwa kubanza kujya mu kato.

Ku itariki 29 Gicurasi 2026, Minisitiri w’ubuzima Dr. Sabin Nsanzimana, yasangije bamwe mu bahagarariye ibihugu byabo mu Rwanda uko icyorezo cya Ebola cyifashe muri aka karere. Yaboneyeho kwemeza ko nta murwayi wa Ebola uragaragara mu Rwanda, ndetse abitabiriye icyo kiganiro basangira amakuru ku ngamba zafashwe na Leta y’u Rwanda mu rwego rwo guhangana n’iki cyorezo.

Nubwo izo ngamba zose zafashwe kandi zikaba ziri gukurikizwa, ubuzima busanzwe bw’abanyarwanda, inama, ibikorwa by’ubukerarugendo, ibikorwa by’ubucuruzi ndetse n’ingendo z’imbere mu gihugu bizakomeza, nk’uko amabwiriza y’urwego rw’igihugu rw’iterambere (RDB) yo kuwa 25 Gicurasi 2026 abisobanura.

Ikigo cy’igihugu cyita ku buzima (RBC), kirakangurira abaturage bose gutanga amakuru y’umuntu wese ushobora kugaragarwaho n’ibimenyetso by’indwara ye Ebola banyuze ku murongo wa Telefoni utishyurwa w’icyo kigo ari wo 114.

Imibare itangwa n’ishami ry’umuryango w’abibumbye ryita ku buzima (OMS), igaragaza ko kugeza ubu, abantu barenga 900 bamaze kwandura iyi ndwara, naho abandi 223 bakaba barahitanywe na yo mu bihugu bya Repubulika ya Demokarasi ya Kongo na Uganda. Muri Uganda honyine, hamaze gutangazwa abarwaye iyi ndwara 9, harimo umwe wahitanywe na yo.

Icyorezo cya Ebola, cyongeye kuvugwa muri uyu mwaka wa 2026, gihereye mu ntara ya Ituri iri mu Burasirazuba bwa Repubulika ya Demokarasi ya Kongo.

 Ibirori byo gutanga iryo peti, byizihirijwe rimwe n’isabukuru y’imyaka 25 Polisi y’u Rwanda imaze ishinzwe, aho abasoje amasomo yabo bakoze akarasisi ndetse banerekana bumwe mu bumenyi bungutse.

 Ibyo birori kandi, byitabiriwe n’imiryango y’abo bapolisi bashya, abayobozi batandukanye mu nzego za Guverinoma, abayobozi b’inzego z’umutekano, ndetse n’abakuru ba Polisi baturutse mu bihugu bitandukanye by’inshuti z’u Rwanda.

Umuyobozi mukuru w’ishuri rya Polisi ry’i Gishari, Commissioner of Police (CP) Rafiki Mujiji, yavuze ko amasomo y’aba bapolisi yatangiye mu kwezi kwa Nyakanga 2025, aho bigishijwe ku kwigirira icyizere, indangagaciro zigomba kubaranga mu kazi ndetse n’ikinyabupfura. Yagaragaje icyizere afitiye abo bapolisi bashya, avuga ko biteguye kuzuza neza inshingano zabo.

Yagize ati, “Turabashimira Nyakubahwa (Perezida), ku cyerekezo nyacyo no ku nkunga iri shuri rikesha ubuyobozi bw’igihugu. Iyo nkunga, yatumye ishuri ryivugurura mu kugira ibikorwaremezo byiza. Ibyo byatumye ireme ry’amasomo dutanga rijyana n’igihe.”

Mujiji kandi, yanashimiye ababyeyi n’imiryango muri rusange y’abapolisi basoje amasomo yabo, ku kuba barabashyigikiye mu rugendo rwo gukorera igihugu cyabo, anasaba abapolisi bashya kuzarangwa n’ubwangamugayo, kwemera guhangana n’ibibazo bazahura na byo, gukora neza akazi kabo kandi mu kinyabupfura.

Muri ibyo birori kandi, abapolisi bane bahize abandi mu gihe cy’amasomo, bahawe ibihembo. Uwabaye uwa mbere yitwa Castro Bowazi, uwabaye uwa kabiri yitwa Isaïe Kayiranga, uwabaye uwa gatatu yitwa Chantal Mureshya, naho uwahize abandi baturutse mu birwa bya Seychelles yitwa Nicolette Marie.

Amakimbirane y’aba bagabo babiri bari inshuti zikomeye, aje mu gihe igihugu kiremerewe n’imyenda myinshi, kuko imibare itangwa n’ibinyamakuru bitandukanye, yerekana ko iyo myenda imaze kurenga 132 ku ijana, ugereranyije n’umusaruro mbumbe w’igihugu.

Kimwe mu bituma Faye na Sonko badahuza, ni uburyo buri wese yifuza ko ikibazo cy’iyo myenda cyakemuka. Perezida Bassirou Diomaye Faye, yifuza ko igihugu ayoboye kiganira n’ikigega mpuzamahanga cy’imari (FMI), ku bijyanye n’imfashanyo icyo kigega kigenera Senegal, naho Sonko we yifuza ko icyo kibazo cy’imyenda cyakemukira ku gushaka ibisubizo bihereye imbere mu gihugu, kandi hatabayeho kwishingikiriza imiryango mpuzamahanga.

Nubwo bimeze bityo, inteko ishinga amategeko umutwe w’abadepite muri Senegal, kuri uyu wa kabiri iratorera kugira Ousmane Sonko umudepite, ndetse no kuba Perezida w’inteko, icyo uruhande rutavuga rumwe n’ubutegetsi rwamaganye, ruvuga ko ari uguhungabanya ubwisanzure bw’inteko ishinga amategeko y’icyo gihugu.

Ukutavuga rumwe hagati ya Perezida Bassirou Diomaye Faye na Ousmane Sonko, kuraca amarenga ko aba bombi bashobora kuzahangana mu matora y’umukuru w’igihugu ateganyijwe mu mwaka wa 2029.

Urukiko rukuru muri Espanye, rwatangaje kuwa 19 Gicurasi 2026  ko ingingo zatanzwe n’uruhande rwa Shakira zifite ishingiro, kuko mu rubanza, 

Umuhanzikazi Shakira ku Rubyiniro

urwego rw’igihugu rushinzwe imisoro ruterekanye ibigaragaza ko Shakira yamaze iminsi 183 ari muri Espanye mu mwaka wa 2011.

Urwo rukiko, rwahise rutegeka ko Shakira yishyurwa Miliyoni 55 z’amayero, ni hafi Miliyari 110 z’amafaranga y’u Rwanda, harimo amande yaciwe n’urwego rushinzwe imisoro muri Espanye ndetse n’indishyi z’akababaro.

Shakira, yishimiye umwanzuro w’urukiko ati, “Nyuma y’imyaka umunani nsa n’uwihishahisha, urukiko rushyize umucyo ku byo naregwaga. Ibi byose, byari byarateguwe kugira ngo byangize izina ryanjye, bituma mara amajoro menshi ntasinzira, bingiraho ingaruka mbi ku buzima bwanjye ndetse n’imibereho myiza y’umuryango wanjjye.”

Uyu muhanzikazi wamenyekanye mu ndirimbo zitandukanye nka Hips don’t lie, Wherever Whenever, Waka Waka n’izindi, yongeyeho ko atigeze anyereza imisoro, kuko niba urukiko rutabyemeje, ibyo yaregwaga ari ibinyoma.

Uruhande rw’urwego rushinzwe imisoro muri Espanye, rwo rwatangaje ko ruzajuririra urukiko rw’ikirenga rwo muri icyo gihugu, ko kandi nta faranga na rimwe ruzishyura Shakira mbere y’uko umwanzuro wa nyuma w’uru rubanza utangazwa.

Uwo mwanzuro, uteganya ko abanyarwanda bose bifuza kwinjira muri Nigeria nta viza bazasabwa, niba bifuza kumara muri icyo gihugu igihe kitarenze ukwezi kose, ni ukuvuga iminsi 30, naho uzarenza icyo gihe ari muri Nigeria, akaba we azasabwa gusaba viza anyuze mu nzira ziteganywa n’amategeko ya Nigeria.

Icyo cyemezo, kije mu rwego rwo gushimangira umubano mwiza uri hagati y’u Rwanda na Nigeria, kandi impande zombi zikaba zikomeje kuwagura, by’umwihariko mu buhahirane, ubucuruzi n’ubukerarugendo.

Abanyarwanda batazasabwa viza igihe binjiye muri Nigeria, ni abazaza muri icyo gihugu ku mpamvu z’ubucuruzi, ubukerarugendo, ndetse n’abazaza mu butumwa bufitanye isano n’imirimo ya Leta.

Mu gusoza, urwego rw’abinjira n’abasohoka muri Nigeria, rwatangaje ko imipaka yo mu kirere n’iyo mu butaka, igomba gukurikiza icyo cyemezo kigitangazwa.

Umuntu ashobora kugira amatsiko y’amasomo Mudenge Boniface atanga muri za Kaminuza no mu makoraniro anyuranye y’abantu kandi atarize. Mudenge Boniface, yasubije icyo kibazo agira ati, “Nigisha ubumuntu. Umuririmbyi yaravuze ati, “Umuntu nyamuntu si umwe gica, uza abantu bagakangarana. Umuntu nyamuntu ni uharanira amahoro, kandi agashaka no kuyasangiza bagenzi be.” Icya mbere nsangiza za Kaminuza n’urubyiruko, ni ukugira indangagaciro z’ubumuntu, indangagaciro z’ubunyarwanda, indangagaciro z’ubukirisitu. Iyo byahuye, birema umuntu muzima, ubumenyi bwe akabukoresha neza, ndetse njya mbwira abana nti iyo ubifite, binagufasha no kugira indangagaciro mu myigire yawe.”

Umuntu ashobora kandi kwibaza icyo kwigisha muri Kaminuza kandi atarize bisobanuye kuri we. Mudenge Boniface, yagize ati, “Bibiliya iravuga ngo, iyo ubumenyi bugwiriye, n’ibibi biragwira. Iyo abantu bagize ubwenge ariko badafite indangagaciro n’ubumuntu, bwa bwenge babukoresha mu bikorwa bibi kandi bakabikora nabi cyane, kuko hazamo ubuhanga, ariko ubuhanga bukora nabi. Isomo ntanga rero kandi ry’umwimerere, ni uko ubumenyi bugomba gusanga indangagaciro z’ubumuntu, ubupfura na za Kirazira.”

Ubuzima bushaririye ari na ho avoma isoko y’imbabazi yigisha, Mudenge Boniface yatangiranye na bwo akiri muto cyane, mu mwaka wa 1973 ubwo yari hafi kuzuza imyaka 9 y’amavuko, ubwo abana bo mu rungano rwe bamuteraga imicanga bamuziza ko ari umututsi. Ubwo yari atangiye umwaka wa mbere w’amashuri abanza, awumazemo gusa igihe kitageze ku byumweru bitandatu, ubwo itotezwa ryakorerwaga abatutsi ryari rigikomeje, se yamusabye kuva mu ishuri akaragira inka, maze inzozi zo gukomeza amashuri kuri Mudenge Boniface zirangirira aho, dore ko nta n’inyuguti yari yakamenye.

Itotezwa Mudenge Boniface yagiriwe, ntiryarangiranye n’igihe cy’ubuto bwe, kuko n’igihe yari yarashinze urugo, iryo totezwa ryakomeje, kuko uretse kuba yarazizwaga ko ari umututsi, hiyongereyeho n’itotezwa rishingiye ku myemerere ye, biza gutuma mu mwaka wa 1993, we n’umuryango we bahungira muri Repubulika ya Demokarasi ya Kongo.

Nubwo yacishishije amashuri ye atarayamaramo n’igihembwe, kuri ubu azi kwandika no gusoma, kuko ajya akora umurimo w’ivugabutumwa yifashishije ibitabo. Ese ni irihe banga yakoresheje kugira ngo amenye kwandika no gusoma kandi ataragize amahirwe yo kubyigira mu ishuri? Mudenge Boniface yahishuriye iryo banga KPMedia24 uko yabigenjeje agira ati, “Ni Bibiliya yamfashije. Mu mwaka wa 1982, umusaza w’umurera yaje kugura ibigori iwacu, maze aza afite Bibiliya ebyiri mu kwaha, maze numva ndamukunze, kandi numva nkunze bya bitabo. Nuko mbwira mwene Data witwa Gahanda nti ba uri kureba iyi nka itarya ibigori ngiye kwihagarika. Nuko njya mu mashinge y’ibigori ndapfukama ndavuga nti, Mana nta dini nagize, n’iwacu nta ryo, ariko uzamfashe. Kiriya gitabo numvise kinguye ku mutima. Uzamfashe nzamenye gusoma.”

Mudenge Boniface, yarakomeje agira ati, “Nasabye uwitwa Ntamugabumwe mwene Tadeyo w’Umugatolika twari duturanye, yari yaratsinzwe ikizamini cya Leta, yaragiraga inka zabo ebyiri z’imikara, ndamusaba nti, ese Faustin, wamfasha tukajya turagirana ukanyigisha gusoma? Ni ho yanyemereye, nkajya niga inyuguti imwe ku munsi.”

Kugira ngo atibagirwa inyuguti yize, Mudenge Boniface, yayihaga urwibutso, icyo we yise kuyiha umuzamu kugira ngo atayibagirwa. Yaduhaye ingero zinyuranye z’abazamu yahaye inyuguti yigaga agira ati, “Hari nk’inyuguti nibuka umuzamu natangaga, ku buryo zitigeze zimva mu mutwe. Nka o, naribazaga nti nk’ejo tutaragiranye, iyo nyuguti nayibuka nte? Nkavuga nti, ngiye kujisha inka nenda kuyikama, ikankandagira ku kirenge, nkavuga nti Oh! Irankandagiye! Najyaga kuyibagirwa, nkibuka ko nayihaye umuzamu wo gukama inka, bigatuma nibuka ibimenyetso.”

Uretse iyo nyuguti, Mudenge Boniface yanaduhaye urundi rugero rw’inyuguti ya w agira ati, “Nashyiragaho ikimenyetso cyo guturuka inyuma y’umuntu nshaka kumukanga, iyo ukanga umuntu uvuga ngo iki? Uravuga ngo we! Ni uko namenye gusoma.”

Burya koko, imbuto z’umugisha, zera ku giti cy’umuruho. Uretse urwo rugendo rwose Mudenge Boniface yanyuzemo kuva akiri muto, agacikishiriza amashuri, ndetse akamenya no gusoma no kwandika bimugoye, Mudenge Boniface ni umwe mu barimu muri Kaminuza zinyuranye, aho yigisha cyane cyane urubyiruko inyigisho zijyanye n’ubumwe, ubudaheranwa, ndetse n’indangagaciro zikwiye kuranga umunyarwanda nyawe.

Uretse kuba ari umwarimu muri Kaminuza, Mudenge Boniface ni umurinzi w’igihango wabiherewe igihembo na Nyakubahwa Perezida wa Repubulika Paul Kagame, ndetse yanegukanye ibihembo binyuranye, birimo icyo yaherewe i New York muri Leta zunze ubumwe za Amerika n’umuryango utegamiye kuri Leta ukora ubushakashatsi ku mahoro, by’umwihariko mu bihugu byabayemo ibibazo.

Ikiganiro kirambuye KPMedia24 yagiranye na Mudenge Boniface, ushobora kugikurikira cyose unyuze kuri iyi nzira:

John Mugabo kandi, yanatsindagiye ko ubukotanyi mu muco nyarwanda busanzwe buremetse, nta wabwiremeye. Yagize ati, “Ntabwo ubukotanyi navuga uko nshaka ko bumera, ahubwo ndabuvuga uko buri, buraremye. Sinaburema sinanabishobora. Icy’ingenzi ahubwo, ni uko twese dushyira imbaraga mu kubusobanukirwa uko buri, aho kuba uko twe tubushaka. Mu by’ukuri, ni na cyo kibazo dufite, hari abantu batekereza ko barema ubukotanyi. Oya! Ubukotanyi, burakurema wowe ntabwo uburema.”

John Mugabo kandi, ashimangira ko umuryango wa RPF Inkotanyi atari wo waremye ubukotanyi ahubwo wabugendeyeho agira ati, “Umuryango wa RPF inkotanyi, ntabwo waremye ubukotanyi, ahubwo wagerageje kwihuza n’igisobanuro cy’ubukotanyi mu migirire yawo kugeza uyu munsi.”

Hari abashobora kumva ibisobanuro by’ubukotanyi bakabuhuza n’amadini. Kuri icyo, John Mugabo yagishyizeho umucyo agira ati, “Ubukotanyi ugiye kubushyira ku gisobanuro cy’idini, waba ubutesheje agaciro, kuko idini ni igitekerezo cy’umuntu cyangwa kiva ku bantu, kandi kigamije inyungu bwite. Naho ubukotanyi, ni igenantekerezo rigamije inyungu rusange.”

John Mugabo kandi, yanasobanuye mu buryo bucukumbuye impamvu umuryango wa RPF Inkotanyi witwa umuryango utitwa ishyaka, nk’uko bimeze ku yandi mashyaka yavutse n’andi azavuka nyuma, agaragaza ko ayo mashyaka aba afite inyungu zayo, naho umuryango wa RPF Inkotanyi wo ukaba waraje kubohora igihugu ku bw’inyungu rusange z’abanyarwanda. Yagize ati, “Ingabo za RPF inkotanyi ubwo zazaga, zaje mu njyana no mu mujyo w’icyo ubukotanyi buvuze. Ntabwo zari zinaniwe kuza zifite ishyaka ryo kwihorera, ishyaka ryo kurwanirira icyiciro cy’abanyarwanda cyari cyarapyinagajwe, ntabwo zari zinaniwe kuza zigamije ubutegetsi bwabo gusa kuko ni bo babaye igihe kinini mu buhunzi, batagira ibyo barya, batagira aho baba. Ibyo byose navuze, ntabwo byari bibananiye, nyamara bo baje ku bw’inyungu za Rubanda.”

Ashingiye ku gisobanuro cy’ijambo Kwanda ari na ryo ryashibutseho izina u Rwanda, no kuba inkotanyi bisobanuye ubuzima, John Mugabo yibajije niba abayobozi bo mu nzego zinyuranye z’igihugu cyane cyane iz’ibanze bafasha abaturage bayoboye kwaguka mu iterambere no mu mibereho. Yagize ati, “Ubu iyo tureba ubuyobozi bw’abaturage, dukwiriye kwibaza nk’abayobozi, ese mu mibereho y’umuturage, harimo kwanda? Iyo dusesenguye neza, dusanga abaturage barimo baranda? Ese bimwa ibya ngombwa byose bituma banda? Kuko buriya kwanda, ni igikorwa kirimo ubuzima, gukura, mbese ni ukubeshaho ikinyabuzima. Ni cyo Kwanda, kuranda no kwaguka bivuga. Iyo ureba umuturage nk’umuyobozi w’akarere, cyangwa se uri umukuru w’intara, cyangwa se uri mu rundi rwego rw’ubuyobozi, ubona ubuzima bw’uwo muturage burimo bwanda? Niba butanda, uri inkotanyi bwoko ki, ko inkotanyi ari ubuzima?”

Mu gusoza ikiganiro yagiranye na KPMedia24, John Mugabo, yagize icyo asaba inzego zinyuranye z’abanyarwanda kugira ngo igisobanuro cy’ubukotanyi cyumvikane neza agira ati, “Nk’urubyiruko, dukwiriye kugira amatsiko arenze ayo dufite ku gisobanuro cy’ubukotanyi. Turenge ubbukotanyi dushaka kurema mu mitwe yacu nk’ishyaka rya Politiki, turenge ubukotanyi mu gisobanuro dushaka kubuha nk’igice kimwe cy’abantu. Ikindi kandi, abaramutswa ubukotanyi, nibagerageze babwegereze imitima y’abantu kuruta kububegereza mu mateka cyangwa kububegereza mu bigwi. Ni byiza ko tubyegereza umutima kuko ni ubutunzi bw’umutima, ntabwo ari ubw’ubumenyi gusa.” 

Mu Kinyarwanda, baca umugani ngo, “Iyimijwe n’ikaramu ntiramburura.” Iyo uganiriye n’umusaza Ngaruyinka, ni bwo wumva neza igisobanuro cy’uyu mugani, bitewe n’urwibutso yasigiwe n’umwami Mutara III Rudahigwa. Ngaruyinka, yabisobanuriye KPMedia ati, “Ujya wumva nirahira Rudahigwa nti, Mba ndoga rudahigwa! Cyangwa se ndakifuriza Rudahigwa akabi! Uwo ni Nkubito y’Imanzi. Kubera iki kandi nta nka bashoreye yigeze ampa? Yampaye ikaramu.”

Iby’iyo mpano umwami Mutara III Rudahigwa yahaye Ngaruyinka, arabyibuka neza nk’ibyabaye ejo. Yabisangije KPMedia24 agira ati, “Najyanye i Bwami na Papa, twari twicaranye n’umubyeyi wacu, (Rosalie Gicanda), Umbabarire kuko iyo muvuze ntangira kugira amarangamutima kubera amateka ya nyuma. Rudahigwa rero yasanze twicaye aho maze abaza Papa ati, “Sha! Aka kana ni akawe?” Undi ati, “Yego.” Arahindukira arambaza ati, “Sha! Uriga?” Nanjye nti, “Ndiga.” Ati, “Wabaye uwa kangahe?” Nti, “Nabaye uwa mbere.” Ati, “Ni byo?” Papa ati, “Ni byo. Ni we uba uwa mbere mu ishuri.” Yaragiye anzanira ikaramu, ampa ikaramu imwe bavomeshaga Wino.”

Birumvikana ko impano nk’iyo iturutse ku mwami ari ifoto idasibangana ku mutima, ni cyo cyatumye Ngaruyinka Sebashi yirahira umwami, akanasobanura impamvu amwirahira agira ati, “Impamvu nirahira umwami Rudahigwa ngo yampaye inka, ni uko ibyo nabashije kugera byose, nabigezeho kuko nize. Yampaye umurage w’ikaramu.”

Uretse kuba yarigeze guhura n’umwami Mutara III Rudahigwa, Ngaruyinka Sebashi aribuka neza uko yanabanye n’umwamikazi Rosalie Gicanda, ndetse anaboneraho kumusobanurira KPMedia24 by’umwihariko, kugira abatamuzi cyangwa abamuzi igice bamusobanukirwe neza.

Ngaruyinka Sebashi, yasobanuye imico n’imyitwarire y’umwamikazi Rosalie Gicanda agira ati, “Yari umubyeyi mwiza, ugira urugwiro, kandi ukunda abantu. Yagiraga urukundo rudasanzwe, kandi yanagiraga isuku nk’umwamikazi birumvikana, kandi nyamara umwami yari yaratanze, ariko yarihanganaga cyane.”

Nkuriyinka Sebashi, ntiyahawe impano n’umwami gusa, kuko n’umwamikazi Rosalie Gicanda yamuhaye impano zinyuranye nk’uko abyivugira agira ati, “Njya muri Kongo mu kwezi kwa Nyakanga mu mwaka wa 1976, nagiye kumureba i Butare, aho yari yaragiye bitewe n’uko yavuye i Nyanza hari Perefe witwaga Shamukiga w’umuhindangiga ukomoka mu Kabagari wari umumereye nabi cyane, noneho Musenyeri Gahamanyi aramufasha ajya i Butare. Ubwo rero nagiye kumureba i Butare kumubwira nti, “Ngiye muri Kongo, nakundaga kugenda nkararayo, nari nk’umwana we. Noneho ampa amafaranga ibihumbi icumi by’icyo gihe. Ibyo ni byo nagize impamba, njyana n’umukecuru wanjye kuko twari kumwe.”

Uretse impano y’amafaranga ibihumbi icumi Ngaruyinka Sebashi yahawe n’umwamikazi Rosalie Gicanda, hari n’indi mpano itazamuva ku mutima yibuka yahawe n’umwamikazi. Iyo mpano, Ngaruyinka Sebashi yayisobanuriye KPMedia24 agira ati, “Mu mwaka wa 1978, nagarutse mu Rwanda, ahantu nahitiye ni i Butare kureba Shangazi cyangwa se Masenge, ni ko twamwitaga. Amalinete ya mbere nambaye yo kutabona, ni we wayanguriye. Naramubwiye nti, “Mfite ikibazo cy’amaso!” Na we arambwira ati, “Ayo maso ni aya so ndayazi. Ariko se kwa muganga ntibagerageza?” Anjyana ku witwa Bourgois, umupadiri w’umubiligi wapimaga amaso agatanga n’amalinete. Nuko angurira amalinete, ariko amafaranga yatanze sinyazi. Arangije, ampa ibihumbi bitanu na none, maze ndagenda.”

Gusa nubwo byari bimeze gutyo, Ngaruyinka Sebashi, ababazwa n’uko nta buryo bw’itumanaho bwabagaho kugira ngo avugane n’umwamikazi Rosalie Gicanda, cyane ko yari umubyeyi we mu buryo buziguye.

Umusaza Ngaruyinka Sebashi, ni umwe mu bagize uruhare rutaziguye mu gukangurira abanyarwanda bari batuye i Bibwe muri Repubulika ya Demokarasi ya Kongo, ndetse mu mwaka wa 1999, yanabaye Bourgmestre i Gaseke mu cyahoze ari Perefegitura ya Gisenyi, ubu ni mu karere ka Ngororero mu ntara y’Uburengerazuba.

John Rucyahana, yavukiye i Butete mu karere ka Burera mu ntara y’amajyaruguru tariki 14 Ugushyingo mu mwaka wa 1945, atangira kwiga amashuri abanza mu gace avukamo, mbere y’uko umuryango we uhungira mu gihugu cya Uganda mu mwaka wa 1959, bitewe n’itotezwa ryakorewe abatutsi n’ubuyobozi bwariho mu Rwanda muri uwo mwaka.

Musenyeri Rucyahana, asobanura igihe cy’ubugimbi bwe nk’igihe cy’icuraburindi kuri we agira ati, “Icyo gihe, ubuto bwanjye bwaravangiwe. Intego zacu, ibyo twifuzaga, ibyiringiro byacu n’ibindi, byabaye bibi, noneho tuva muri bwa buzima bwo kumva ufite agaciro ko kwishimira uwo uri we, ubana n’umuryango, n’ibyiringiro byo kwiga tukagera kure. Mu by’ukuri, ibyo byose twatekerezaga, byabaye nk’ibisutswemo amazi akonje bavanye muri Frigo, noneho dutangira kubaho mu bwoba.”

Nubwo urugendo rwe nk’impunzi rwatangiriye mu gihugu cya Repubulika ya Demokarasi ya Kongo, ubuzima ntibwigeze buba bwiza muri icyo gihe, kuko intambara yatangijwe na Pierre Mulele hagati y’umwaka wa 1963 kugeza mu mwaka wa 1968, ubwo yarwanyaga ubutegetsi bw’i Kinshasa, yageze i Goma aho yigaga, bigasaba ko anyura mu Rwanda kugira ngo ahungire mu gihugu cya Uganda nk’uko abisobanura ati, “Twaje kuva muri Kongo kubera intambara ya Mulele, kuko muri Goma hatangiye kuba imidugararo, bagafata abantu bakabajyana i Rwanda. Icyo gihe bafashe umuntu witwaga Butera, ndamwibuka, n’abandi bantu batatu babazana i Gisenyi barabica, bivamo n’imvururu muri Kongo, icyo gihe uwari uyoboye umujyi baramucyura, bitewe n’ugusakuza kw’abantu bo muri ONU. Ibyo bihe bibi, byatumye abanyeshuri bari bariyo tudafite aho ducumbika kandi tutamerewe neza tugenda.”

Mu myaka yo hagati y’umwaka wa 1965 n’umwaka wa 1967, urugendo rwe nk’impunzi, rwakomeje kumusharirira ubwo yari ageze i Bunyoro muri Uganda, aho asobanura ko hari imibu n’izuba ryinshi, bigatuma bamwe mu bahashyizwe nk’impunzi bahagwa. Musenyeri Rucyahana, asobanura ubukana bw’aho hantu agira ati, “Hari imibu, hari izuba riteye ubwoba, hameze nabi, abantu barapfa benshi cyane! Abahaguye, bishwe na Malaria, bicwa n’imirire mibi, barapfuye ari benshi cyane, ku buryo twahambaga kuva mu gitondo kugera nimugoroba, abandi bantu bapfuye tukabaraza.”

Ubwo yageraga i Kinyala muri Uganda ari na ho yaje kwakirira agakiza, Musenyeri John Rucyahana, asobanura ko kimwe mu byamubabaje ari ukubona bamwe mu bana bari bato kuri we batoragura za biswi zaguye hasi ati, “Aho ni ho nagize umutwaro wo kubona abana bacu batoragura za Biswi mu itaka, barwanira za biswi, babajugunyira nk’ujugunyira imbwa, birambabaza cyane! Byarambabaje cyane kubona abana bari bafite ibyiringiro, nanjye nari mfite ibyiringiro byo kuzaba umuntu no kuzagira icyo mba cyo, nkabona barumuna banjye n’abana b’ababyeyi bacu n’abana b’inshuti n’abavandimwe, bya byiringiro byo kuzagira agaciro bihinduka gutoragura ibyo hasi.”

Nubwo na we yari agikeneye kwiga, ariko uwo mubabaro watumye we na bagenzi be bake bashinga ishuri ryatangiranye abana 600, bakigishirizamo abo bana, ariko na bo biyigisha.

Nubwo nta bikoresho bari bafite, Musenyeri John Rucyahana, yishimira ko nyuma y’imyaka ine iryo shuri ritangiye, ryatsindishije ikizamini cya Leta riri ku mwanya wa mbere. Yagize ati, “Twageze ubwo nyuma y’imyaka nk’ine dutangiye iryo shuri, ishuri ryacu ryabaye irya mbere mu gutsindisha neza ikizamini cya Leta cy’amashuri abanza. Abo muri ako karere baribazaga ngo, ni nde wigisha bariya bana? Bariya barimu bambaye amakabutura, babigenjeje gute kugira ngo bariya bana batsinde kurusha abanyoro?”

Nyuma y’uko Musenyeri John Rucyahana na bagenzi be bahawe amahirwe yo kwiga mu mashuri nderabarezi kugira ngo bagire ubumenyi buhagije ku mwuga w’ubwarimu, Musenyeri John Rucyahana, abifashijwemo no kuvuga ubutumwa bw’ijambo ry’Imana, yaje kunguka igitekerezo cyo kutigisha abana amasomo asanzwe yo mu ishuri gusa, ahubwo no kubaremamo indangagaciro z’umunyarwanda w’ejo hazaza.

Musenyeri John Rucyahana, asobanura uwo murimo ukomeye yakoze agira ati, “Nyuma rero yo kurokoka no kuvuga ubutumwa, ba bana bacu, ntitwari tukibabwira ibyo kubara, guteranya n’ibindi ndetse no kubigisha andi masomo nk’uko andi mashuri abigenza, ahubwo tukabatoza no kuba abantu. Ntabwo ari ukuvuga amasomo y’imibare, siyansi cyangwa ibindi, oya, ahubwo twigishaga abana mu buryo bwo kubafasha kwishakira ibisubizo. Icyo dukeneye nk’abanyarwanda, mu by’ukuri ni imibare, cyangwa ni ukuba abantu? Icyo dukeneye, ni ukugira agaciro no kugira indangagaciro zishingiye ku muco.”

Muri uko kurema indangagaciro z’abana, Musenyeri John Rucyahana, yakoraga icyo umuntu yagereranya no kubahanurira ababwira ati, “Mwa bana mwe, u Rwanda ruzabakenera. Nubwo turi hano, ntabwo turi aba hano. Ni byo turi hano, tugomba gushimira Imana, tugomba kubana neza n’abantu ba hano, ariko hano si iwacu. Mugomba kumenya ko hari ahandi twavuye.”

Musenyeri Rucyahana, agereranya icyo umuntu yakwita ubuhanuzi n’ishusho ya Mose cyangwa Musa uvugwa muri Bibiliya, kuko uwo muhanuzi yabanje kuba mu mahanga nk’umucakara ariko agaherekeza Abayisiraheli kugera mu gihugu cy’isezerano.

Uretse kuba abigereranya, Musenyeri John Rucyahana, avuga ko yanakunze cyane imico y’uwo muhanuzi akanayigiraho agira ati, “Icyo nakunze cya Mose cy’icyo gihe, Farawo yaramubwiye ngo nimugende mujye kuramya iyo Mana yanyu mu butayu. Na we ati Oya! Twe tuzajyana n’abakecuru bacu n’abana bacu n’inka zacu n’imitungo yacu n’imbata zacu, nta cyo tuzasiga, byose bizakorera Uwiteka. Aho ni ho namenye ko agakiza katavuga ibyerekeye amarangamutima, ubwenge no gutekereza, ngo Rucyahana n’Imana mu ijuru, Rucyahana yapfuye ngo njye mu by’umwuka. Oya, namenye ko nkizwa wese n’ibikorwa byanjye byose.”

Nubwo ari mu kiruhuko cy’izabukuru ku myaka 80 y’amavuko, Musenyeri John Rucyahana ntiyigeze ahagarika kwigisha abana no kubatoza indangagaciro, kuko kuri ubu afasha abana batishoboye kubona amafaranga y’ishuri ndetse no gufasha ababyeyi babo gukora imishinga mito n’iciriritse yiganjemo iy’ubworozi.

Imibare y’iyi Minisiteri, igaragaza ko mu mwaka wa 2025, u Rwanda rwaguze isukari mu mahanga ingana na toni 195,610 zifite agaciro k’amadolari ya Amerika Miliyoni 145, ni hafi Miliyari 212 z’amafaranga y’u Rwanda, mu gihe mu mwaka wari wabanje, u Rwanda rwaguze isukari mu mahanga ingana na toni 308,000 zifite agaciro k’amadolari Miliyoni 238, ni hafi Miliyari 348 z’amafaranga y’u Rwanda.

Isukari u Rwanda rwatumije mu mahanga, yiganjemo idatunganyijwe yakoreshejwe n’inganda ziyikenera mu gukora ibicuruzwa byazo, iyakoreshejwe mu gutunganya ibiribwa n’ibinyobwa, ndetse n’ikoreshwa mu ngo z’abantu muri rusange.

Minisitiri w’ubucuruzi n’inganda Prudence Sebahizi, agaragaza ko isukari u Rwanda rutumiza mu mahanga yagabanutse, ahanini biturutse ku kugabanuka kw’isukari isanzwe ikoreshwa n’abanyarwanda, kwiyongera kw’isukari itunganyirizwa imbere mu gihugu, ndetse no kugabanuka kw’isukari u Rwanda rugura mu mahanga, rukayigurisha mu bihugu bihana imbibi na rwo.

Minisitiri Prudence Sebahizi yabwiye itangazamakuru ati, “Igabanuka ry’isukari itumizwa mu mahanga, rishobora gushakirwa mu kugabanuka kw’isukari ikoreshwa n’abaturage, ibi bikajyana n’ubwiyongere bw’umusaruro w’isukari uboneka imbere mu gihugu.”

Minisitiri Prudence Sebahizi kandi, yagaragaje ko isukari idatunganyije u Rwanda rwaguraga mu mahanga rukayigurisha mu bihugu by’ibituranyi na yo yagabanutse mu mwaka wa 2025 ugereranyije n’umwaka wabanje wa 2024, ibyagize uruhare mu kugabanuka kw’isukari u Rwanda rutumiza mu mahanga, ati, “Iri gabanuka, ryatewe n’uko isoko rihagaze ndetse no guhinduka kw’ibyifuzo by’abaguzi, nta zindi mpamvu zishingiye kuri politiki zabiteye.”

Nubwo iri gabanuka ryabayeho mu mwaka wa 2025 ugereranyije n’umwaka wa 2024, Leta y’u Rwanda igaragaza ko mu mwaka wari wabanje, habayeho kwiyongera kw’isukari u Rwanda rutumiza mu mahanga, kuko isukari ingana na toni 308,000 u Rwanda rwaguze mu mahanga mu mwaka wa 2024 ifite agaciro ka Miliyoni 238 z’amadolari ya Amerika, yiyongereye ku rugero rwa 24 ku ijana ugereranyije n’isukari u Rwanda rwaguze mu mahanga mu mwaka wa 2023, kuko yo yari ifite agaciro k’amadolari ya Amerika Miliyoni 192.

U rwanda, rwashyize mu bikorwa imisoro rusange yashyizweho mu muryango wa Afurika y’Iburasirazuba, ndetse na politiki zigamije kurengera abaguzi ndetse n’inganda zikora isukari z’imbere mu gihugu.

Mu rwego rwo guhangana n’izamuka rikabije ry’ibiciro no gushyigikira inganda zikora ibikomoka ku isukari z’imbere mu gihugu, Leta y’u Rwanda yemeje isaranganywa ry’isukari inganda zizajya zigura mu mahanga.

Leta y’u Rwanda kandi, yoroheje by’agateganyo imisoro ku isukari ndetse n’ibicuruzwa nkenerwa mu gutunganya ibiribwa biturutse mu karere ka Afurika y’Iburasirazuba, mu rwego rwo kugabanya izamuka ry’igiciro cyishyurwa n’umuguzi wa nyuma, nk’uko Minisiteri y’imari n’igenamigambi yabitangaje.

Minisitiri w’ubucuruzi n’inganda Prudence Sebahizi, yagaragaje kandi ko Leta y’u Rwanda ifite umugambi wo kugena ubutaka buri ku buso bwa Hegitari 8,000 buzahingwaho ibisheke, ndetse no gukurura abashoramari, ku buryo byibura Miliyoni 50 z’amadolari zizaba zarashowe mu itunganywa ry’isukari mu myaka iri imbere.

Iyo politiki ya Leta y’u Rwanda, igamije kongerera imbaraga inganda z’imbere mu gihugu zikora isukari mu mikoro ndetse no mu bwinshi bw’isukari zitunganya, ndetse no kugabanya ku buryo bugaragara isukari u Rwanda rugura mu mahanga.

Yatangiye asobanura impamvu umuhora wa Hormuz unyuramo 20 ku ijana bya peteroli icuruzwa ku isi, ariko twe tukaba tubyumva nk’aho ari peteroli yose yafunzwe agira ati, “Impamvu twebwe dutuye muri ibi bihugu twumva uburemere bwa kiriya kibazo, ni uko biriya 20 ku ijana biza iwacu. Ni ukuvuga ngo hari iybindi bihugu ku yindi migabane y’isi biriya 20 ku ijana bitabageraho.”

Teddy Kaberuka, yatanze ingero z’ibihugu byo muri Amerika y’Amajyepfo nka Venezuela, Argentina n’ibindi, aho avuga ko ibikomoka kuri Peteroli binyuzwa mu muhora wa Hormuz bitagera kuri ibyo bihugu, kuko ubwabyo bifite Peteroli byicukurira.

Uretse ibihugu ubwabyo, hari n’amasoko manini adakoresha inzira inyura mu muhora wa Hormuz ataragizweho ingaruka nyinshi n’ifungwa ryawo nk’uko Teddy Kaberuka abisobanura agira ati, “Hari andi masoko manini agerwaho na Peteroli ariko adakurikira iriya nzira, Urugero nk’Uburusiya. Ku bazi ubumenyi bw’Isi, ku ikarita yayo, Uburusiya buri hejuru ya Iran, hagati y’Uburusiya na Iran harimo ikiyaga cya Caspian. Ni ukuvuga ko hari ibikomoka kuri Peteroli bicuruzwa mu Burusiya no mu Burayi bidakoresheje inzira y’umuhora wa Hormuz.”

Muri iki gihe ibikomoka kuri Peteroli bikomeje guhenda, hari ibihugu biri gutekereza ku kugabanya gukoresha cyane Peteroli, ahubwo igasimbuzwa amashanyarazi, igishobora gutekerezwa nk’indi mpamvu yateza intambara ku ruhando mpuzamahanga. Teddy Kaberuka, yakigarutseho agira inama ibihugu kongera ishoramari bikora ku mashanyarazi agira ati, “Kugira ngo ugere aho uvuga uti ndi igihugu gifite ubushobozi bwo kwirwanirira muri ya ntambara, aho buri wese akoresha imbaraga ze zose kugira ngo arengere inyungu ze, icya mbere, tugomba kuvuga tuti dufite amashanyarazi ijana ku ijana twivanira imbere mu gihugu. Kuko turabizi, amashanyarazi aturuka ku ngomero zikoresha amazi, ku zuba, ku muyaga no kuri Nyiramugengeri. Izo ni ingufu zitandukanye zunganirana zikajyana hamwe, noneho igihugu kikagira ubushobozi.”

Kaberuka kandi, yanibukije ko mu gihe abantu bava ku gukoresha Peteroli bakagana amashanyarazi, byaba byiza ingufu zayo zongerewe, kugira ngo igihe abakoresha amashanyarazi bacomeka ibikoresho byabo, hatabaho bamwe bayabura bigateza idindira mu iterambere.

Bitewe n’uko ibihugu bishobora gusaba abashoramari gushora imari yabo mu binyabiziga bikoresha amashanyarazi aho kuyishora mu bikoresha Lisansi, hari abibaza niba bidashobora guteza igihombo ku bashoye imari mbere y’uko intambara yo mu Burasirazuba bwo Hagati yaduka.

Teddy Kaberuka, yabasubije agira ati, “Ntabwo ari mu munsi umwe tuzabyuka dusange zose zahindutse, ntabwo byashoboka. Ni nk’igihe twakwita icy’inzibacyuho kigenda kibaho buhoro buhoro, uko abantu bagenda babona ubushobozi, n’ibigo by’imari uko bigenda biborohereza.”

Teddy Kaberuka, yasoje ikiganiro cyihariye yagiranye na KPMedia24, asaba abaguzi kwitwararika muri iki gihe ibintu nkenerwa ku rwego mpuzamahanga bikomeje guhenda, igihe umuntu akoze urugendo, akarukora yaruteguye kandi abona ko ari ngombwa kuri we, ntiyitware nk’aho nta cyabaye.

Ushobora gukurikira ikiganiro cyose KPMedia24 yagiranye na Teddy Kaberuka ku kibazo cy’ibura ry’ibikomoka kuri Peteroli rikomeje kugaragara ku masoko anyuranye unyuze kuri iyi nzira:

Ako kanama, karashinja abo bantu gukwirakwiza intwaro, gutera inkunga intambara ndetse no kohereza abacanshuro bakomoka muri Colombia kugira ngo bajye kurwana ku ruhande rw’umutwe wa RSF.

Uri ku isonga ry’abafatiwe ibyo bihano, ni Algoney Hamdan Dagalo, murumuna w’umuyobozi mukuru w’umutwe wa RSF, General Mohamed Hamdan Dagalo.

Uretse uwo, abandi bafatiwe ibihano, ni abafite aho bahuriye n’abacanshuro bo       muri Colombia bajya kurwana ku ruhande rwa RSF, harimo Colonel uri mu kiruhuko cy’izabukuru witwa Alvaro Andres Quijano Becerra, uwitwa Claudia Viviana Oliveros Forero, ndetse n’uwitwa Mateo Andres Duque Botero.

Abo bantu bose uko ari bane, bahuriye ku bihano byo kubabuza gukora ingendo mpuzamahanga, kubahagarikira kugura intwaro ndetse no gufatirwa kw’imitungo yabo iherereye hirya no hino ku isi.

Intambara yo muri Sudan, yatangiye ku itariki 15 Mata mu mwaka wa 2023, aho ingabo za Leta ya Sudan ziyobowe na Perezida w’iki gihugu General Abdel Fattah al-Burhan, zisanze zihanganye n’umutwe wa RSF washinzwe n’uwari umufatanyabikorwa we ukomeye muri politiki y’iki gihugu, ariko nyuma bakaza kutumvikana, ari we General Mohamed Hamdan Dagalo.

Iyo ntambara, yashegeshe ubuzima bw’abaturage b’iki gihugu, bituma hari benshi bahungira mu bihugu binyuranye birimo n’u Rwanda, ndetse imiryango myinshi mpuzamahanga, yakomeje kugaragaza ko intambara yo muri Sudan, yirengagijwe n’umuryango mpuzamahanga, ko kandi niba nta gikozwe, iyo ntambara ishobora gutuma muri Sudan haba icyorezo cy’inzara ikabije.

Umuvugizi w’ibiro by’umukuru w’igihugu mu Burusiya bizwi nka Kremlin, Dmitry Peskov, yavuze ko ubuyobozi bwa Gisirikare muri Mali budashobora guhangana bwonyine n’imitwe y’iterabwoba budahawe ubufasha n’Uburusiya agira ati, “Ukuba k’Uburusiya muri Mali ni ingirakamaro nk’uko byasobanuwe na Leta y’iki gihe muri icyo gihugu. Muri Mali, Uburusiya buzakomeza guhangana n’imitwe igendera ku matwara akarishye, iterabwoba n’ibindi bikorwa bibi, kandi buzakomeza guha ubufasha Leta ya Mali muri iki gihe.”

Abarwanyi b’umutwe w’AbaTuareg bafatanyije n’abo mu mutwe wiyise uwo kubohora intara ya Tuareg ariko yiswe Azawad n’uwo mutwe, baherutse gutangaza icyifuzo cyabo cyo guhirika ubutegetsi bwa Mali, by’umwihariko bakaba bifuza kugera ku mugambi wabo babanje kwigarurira uduce tw’Amajyaruguru ya Mali harimo intara za Gao, Timbuktu ndetse na Ménaka, ni nyuma y’uko ibitero byagabwe n’imitwe yitwaje intwaro mu cyumweru gishize, bitumye iyo mitwe itera intambwe ikigarurira agace ka Kidal.

Uretse iyi mibare, umuganga w’inzobere mu buvuzi bw’impyiko usannzwe akorana n’umuryango mpuzamahanga witwa Inshuti Mu buzima wanakoranye n’ibitaro bya Butaro mu gusuzuma iki kibazo, Dr. Etienne Ntabanganyimana, yanahereye ku kuba bamwe muri bo bageze ku cyiciro cya gatatu n’icya kane muri ubu burwayi, maze atangariza ikinyamakuru The New Times ati, “Iyi mibare iteye inkeke rwose.”

Nubwo nta n’umwe wasanzwe ageze ku cyiciro cya gatanu cy’uburwayi bw’impyiko, ari na cyo cyiciro gikomeye kurushaho, Dr. Ntabanganyimana, yagaragaje ko mu bantu 866 basanzwemo icyo kibazo, 36 muri bo bari mu cyiciro cya kane, bityo aburira abantu gufata ingamba zikwiye, kuko nta gikozwe abo bantu bashobora kwisanga mu cyiciro cya gatanu, aho kugira ngo bafashwe, byasaba gukoresha imashini iyungurura amaraso, cyangwa bigasaba ko undi muntu atanga impyiko ye mu rwego rwo gufasha umurwayi.

Muri kano karere kari mu turere dukora ku mipaka u Rwanda rusangiye n’ibihugu by’ibituranyi, uretse ikibazo cy’ikoreshwa ry’ubuvuzi bwa Magendu cyane cyane ubwifashisha ibyatsi, ikindi gishyirwa mu majwi mu gutera ubwiyongere bw’ikibazo cy’uburwayi bw’impyiko, ni ugukoresha ibisindisha ku rugero rwo hejuru.

By’umwihariko ku kijyanye n’imiti y’ibyatsi, Dr. Ntabanganyimana yasabye abantu kutizera cyane ubwo buvuzi agira ati, “Imiti ya Gakondo by’umwihariko iy’ibyatsi si myiza ku buzima bwacu, kuko ibiyigize ndetse n’urugero rw’umuti ruyirimo bitazwi. Ishobora kongera ibyago byo kwangirika kw’impyiko, cyane cyane ku bafite uburwayi bwa Diyabete n’ubw’umuvuduko ukabije w’amaraso. Abaturage bakwiriye kwirinda gukoresha iyo miti, kuko ishobora kongera ubukana bw’uburwayi bw’impyiko.”

Uyu muganga, yanagarutse ku kuba abarwayi benshi bo mu bice by’icyaro bakunze kugana abavuzi ba Gakondo mbere yo kugana abavuzi bemewe, icyo abona nko gishobora kugabanya amahirwe y’ubuvuzi bwafasha umurwayi agira ati, “Ubu buvuzi, bushobora gutera impyiko gukomereka cyane, kandi mu gihe bitakurikiranywe neza, bishobora gutera uburwayi budakira bw’impyiko.”

Uyu muganga, yagiriye inama abantu yo gufata ibisindisha mu rugero, kunywa amazi ahagije, guhangana n’indwara za Diyabete n’umuvuduko ukabije w’amaraso bagabanya umunyu barya, kandi bagakora imyitozo ngororamubiri mu buryo buhoraho mu rwego rwo guhangana n’uburwayi bw’impyiko.

Uretse mu karere ka Burera, ikigo cy’igihugu cy’ubuzima, RBC, kigaragaza ko abafite uburwayi bw’impyiko bakomeje kwiyongera mu bitaro byo hirya no hino mu gihugu.

Dr. Jean Claude Habineza, ukuriye ishami rishinzwe indwara zitandura muri RBC, yabwiye itangazamakuru ati, “Ubu ni uburwayi bukomeje kwiyongera, ariko ni n’uburwayi bushobora kwirindwa. Imibare y’abafite uburwayi bw’impyiko mu bitaro byo hirya no hino ku isi harimo n’u Rwanda, ikomeje kwiyongera. Iyo urebye amakuru atangwa n’ibitaro, ubona ko imibare iri kwiyongera cyane.”

Dr. Jean Claude Habineza, yashimangiye ko kugabanya kunywa inzoga, kureka kunywa itabi ndetse no kugabanya gukoresha imiti igabanya ububabare, ari zimwe mu ngamba zafasha kugabanya ibyago byo kurwara impyiko.

Abaturage b’akarere ka Burera, bishimiye iri suzumwa ryakozwe, ahubwo basaba ko ryakwaguka rikagera ku bantu benshi.

Umwe muri bo, ni Agnès Uwamariya w’imyaka 47 y’amavuko aho yatangarije itangazamakuru ati, “Ndi umwe mu bitabiriye bwa mbere iri suzuma ryakorewe abafite indwara ya Diyabete n’umuvuduko ukabije w’amaraso. Izi gahunda ni ingirakamaro, cyane cyane ku baturage bo mu cyaro, aho abenshi bizera imiti y’ibyatsi kurusha kugana inzobere z’abaganga.”

Byinshi mu bitangazamakuru byandika ku ikoranabuhanga, byo byatangaje mu minsi yashize ko igikoresho cy’ikoranabuhanga kizakorwa n’ikigo cya OpenAI, kizaba ari igikoresho kitagendanwa, kandi kitagira ikirahure.

Biteganyijwe ko nibigenda neza nk’uko iki kigo kibyifuza, mu mpera z’uyu mwaka wa 2026 cyangwa se mu ntangiriro z’umwaka wa 2027, ibisabwa byose kugira ngo Telefoni ya mbere y’iki kigo ikorwe bizaba byamaze kuboneka, ku buryo Telefoni ya mbere y’iki kigo izajya ku isoko mu mwaka wa 2028.

Abahuriye mu nama, basuzumye imyanzuro yafatiwe mu nama iheruka ya 11 yabereye i Kigali mu Rwanda mu mwaka wa 2023 aho igeze ishyirwa mu bikorwa, ndetse n’imbogamizi zihari kugira ngo zikurweho, hamwe no kwigira hamwe izindi nzego zo kwaguriramo ubutwererane hagati y’impande zombi.

Mu minsi itatu y’imirimo y’iyo nama kandi, hazabamo no kwigira hamwe uburyo bwo gushimangira ubutwererane mu nzego ibihugu byombi bisanzwe bifitanyemo imikoranire, harimo umutekano, iterambere ry’ibikorwaremezo, uburezi, ikibazo cy’abimukira ndetse n’ubucuruzi.

Ku ngingo y’ubucuruzi, abitabiriye iyi nama kandi basuzumye uko ubucuruzi nyambukamipaka bwanozwa hakurikijwe amabwiriza mu bucuruzi yashyizweho n’umuryango wa Afurika y’Iburasirazuba (EAC). Impande zombi kandi zemeye ko hakenewe gukurwaho imbogamizi zikigaragara mu bucuruzi hagati y’impande zombi, kugira ngo ubucuruzi bushingiye ku bukerarugendo, ubuhinzi, ubwubatsi n’ubukorikori butere imbere, nk’uko byagaragajwe na Minisiteri y’ububanyi n’amahanga ya Uganda.

Itsinda rihuriweho n’u Rwanda na Uganda rizwi nka JPC, (Joint Permanent Commission) ryashyizweho mu rwego rwo gusuzuma no kongera inzego z’imikoranire n’ubutwererane, ndetse no gukuraho imbogamizi zishobora kubangamira imikoranire myiza hagati y’impande zombi.

Abakurikiranywe muri izo dosiye na bo baragabanutse, bava ku bantu 82 mu mwaka wa 2025, bagera kuri 53 muri uyu mwaka wa 2026, aho na bo bagabanutse ku ijanisha rya 27.2 ku ijana.

Muri iyo shusho, umuvugizi w’urwego rw’igihugu rw’ubugenzacyaha RIB Dr. Murangira B. Thiery, yerekanye ko mu byaha byakozwe, icyaha cyo guhohotera uwacitse ku icumu rya Jenoside ari cyo cyiganje cyane, aho hari dosiye 22 zigishingiyeho, bingana na 44.9 ku ijana, naho icyaha cyo guhakana Jenoside cyo cyagaragaye muri dosiye 8, icyaha cyo gupfobya Jenoside cyo cyagaragaye muri dosiye 7, icyaha cyo guha ishingiro Jenoside, cyo cyagaragaye muri dosiye 6, icyaha cy’ingengabitekerezo ya Jenoside cyo kigaragara muri dosiye 4, icyaha cyo kuzimiza cyangwa gutesha agaciro ibimenyetso cyangwa amakuru y’ibyerekeye Jenoside, ndetse n’icyaha cyo gusenya, konona cyangwa gutesha agaciro urwibutso rwa Jenoside cyangwa ahashyinguye imibiri y’abazize Jenoside, hagaragaye dosiye imwe kuri buri cyaha.

Iyo shusho kandi, yerekana ko intara y’Amajyepfo ari yo yagaragayemo dosiye nyinshi ku kigero cya 29 ku ijana, naho intara y’Iburasirazuba ikaza ku mwanya wa kabiri aho yagaragayemo dosiye zingana n’ijanisha rya 27 ku ijana, naho ku rwego rw’uturere, akarere ka Gasabo ni ko kagaragayemo dosiye nyinshi, aho kihariye dosiye 5, kagakurikirwa n’uturere twa Gatsibo na Kayonza two mu ntara y’Iburasirazuba ndetse n’akarere ka Nyanza ko mu ntara y’Amajyepfo, aho buri karere kagize dosiye 4, naho akarere ka Rubavu ko mu Burengerazuba bw’u Rwanda n’aka Nyamagabe ko mu Majyepfo, two twagaragayemo dosiye 3 kuri buri karere, n’aho uturere twa Muhanga na Nyaruguru two mu Majyepfo, aka Nyamasheke ko mu Burengerazuba n’aka Nyagatare ko mu Burasirazuba, two twagaragayemo dosiye 2 kuri buri karere.

Ashingiye ku kuba icyaha cyo guhohotera uwacitse ku icumu rya Jenoside ari cyo cyiganje cyane, kandi abenshi mu bagikurikiranyweho baragikoze biturutse ku magambo babwiye abacitse ku icumu rya Jenoside yakorewe abatutsi, umuvugizi w’urwego rw’igihugu rw’ubugenzacyaha RIB Dr. Murangira B. Thiery, yavuze ko hagiye kubaho kwigisha ariko kujyana no guhana.        

Yagize ati, “Ibi byaha, ibyinshi muri byo ku kigero cya 90 ku ijana, bikorwa mu magambo abwirwa abarokotse Jenoside, ari amunnyega, ari amubabaza, ari amusubiza mu bihe bibi, cyangwa se ayo kumukomeretsa gusa. Iyo tuvuga ngo birakorwa mu magambo, tukumva ko ubukana bw’icyaha bwaba buri kugabanuka, ariko kandi tuzi ko ijambo ryica. Ibyo rero bikaduha umukoro wo kugumya kwigisha abantu no kubahana. Kwigisha bigomba kujyana no guhana, kuko ayo magambo ntabwo akwiriye kwihanganirwa n’uwo ari we wese.”

Dr. Murangira kandi, yanasabye abanyarwanda kwirinda gukora ibikorwa bo bashobora kwibwira ko nta cyo bitwaye, nyamara bishobora gukomeretsa bamwe mu barokotse Jenoside.

Yifashishije urugero rw’abahanzi b’indirimbo zo kwibuka, yagize ati, “Tujya tubona abantu bahimba indirimbo zo kwibuka. Ni byiza pe! Ariko hariho imyitwarire ubona bajya ku rwibutso n’uko bifata, ukabona ntibijyanye! Hari ababibona bashobora gukomereka. Twubahe ibihe turimo! Si ibihe byo kwirya,  kujya kwifotoza no kwigira ibintu biteye isoni. Twubahe ibihe turimo, ni ibihe biremereye!”

Uretse abahanzi kandi, Dr. Murangira B. Thiery, yanakebuye bamwe mu bantu batanga ubutumwa bifashishije imbuga nkoranyambaga, aho usanga bigisha abantu ububi bwa Jenoside, nyamara amagambo bakoresheje ugasanga ashobora kubyara icyaha. Mbere yo gukora ibiganiro byabo kuri izo mbuga, barasabwa kubanza kwihugura ku mateka ya Jenoside, nk’uko Dr. Murangira B. Thiery yabibasabye agira ati, “Rwose ufite umutima mwiza wo kwigisha, ariko nawe banza wihugure, udashiduka muri bya bintu ukora wakoreyemo ibyaha. Ufite umutima mwiza wo guhugura, ariko ushobora gusanga wakoreyemo ibyaha kubera inyito. Iyi ni content (Ingingo) ugomba kubanza kwihuguramo ukabimenya nawe, hato udakoresha amagambo adakwiriye, twajya mu mategeko tugasanga wakoze icyaha cyo gupfobya cyangwa guhakana.”

Ku kibazo cy’ingengabitekerezo ya Genocide ikigaragara mu Banyarwanda, umunyamabanga nshingwabikorwa w’umuryango Ibuka uharanira inyungu z’abarokotse Jenoside, Naftar Ahishakiye, agaragaza ko igikwiye ari ugukomeza kwigisha abanyarwanda Jenoside n’ububi bwayo, n’uko yasenye igihugu.

Yagize ati, “Igikwiye gukorwa, ni ugukomeza kwigisha abantu, mu miryango abantu bakwiye gutinyuka bakaganira kuri Jenoside yakorewe abatutsi, bakaganira ku ngengabitekerezo ya Jenoside, kandi ibintu bakabiganira mu mazina yabyo, abana bakabwirwa ukuri, uko Jenoside yateguwe, uko yakozwe, ingaruka yagize, n’impamvu umuntu adakwiye kubana n’ingengabitekerezo yayo uyu munsi.”

Dr. Murangira B. Thiery, yasoje asaba abantu kwirinda ibikorwa bishobora kuganisha ku byaha, haba ibikozwe binyuze mu kuvuga, cyangwa se ibindi bikorwa bishobora gutuma umuntu ubiketsweho akurikiranwa, nko gutema amatungo y’uwarokotse Jenoside, kumwangiririza ibihingwa n’ibindi, agaragaza ko uwo bizagaragaraho, ubutabera buzamukurikirana.

Mu gihe igikorwa cyo kubarura abaturage bo mu mugi wa Kigali ku ndangamuntu koranabuhanga cyasojwe tariki 2 Mata 2026, imibare itangwa n’ikigo cy’igihugu cy’indangamuntu NIDA, iragaragaza ko 98 ku ijana by’abanyakigali bamaze kubarurwa.

Ubuyobozi bw’ikigo cy’igihugu gishinzwe indangamuntu NIDA, bwagaragaje ko iyi mibare yazamuwe ahanini no gushyira ibiro by’ibarura hafi y’ahantu hahurira abantu benshi, nko mu bigo bitegerwamo imodoka za rusange, Imbuga City Walk, n’ahandi hatandukanye.

Umuyobozi mukuru w’ikigo cy’igihugu gishinzwe indangamuntu NIDA Josephine Mukesha, yabwiye ikinyamakuru The New times ko abacikanwe bashobora kwibaruriza mu bindi bice by’igihugu, aho igikorwa cyo kubarura abaturage kizakomereza.

Uyu muyobozi yabwiye iki kinyamakuru ati, “Ijanisha ry’ababarurwa rikomeje kuzamuka mu gihe turi kugera no mu tundi turere. Mu gihe twabaruraga mu mujyi wa Kigali, twabonye na bamwe mu baturage bo mu ntara y’Amajyepfo baza kwibaruza.”

Josephine Mukesha kandi, yanavuze impamvu asaba abaturage bo mu mujyi wa Kigali bacikanwe kuzajya kwibaruriza aho igikorwa kizaba kiri gukorerwa hirya no hino mu gihugu agira ati, “Twatanze iminsi y’inyongera yo kwibaruza, ariko muri iyo minsi, twakiraga abantu bake cyane. Ndashishikariza abacikanwe kuzagana abakarani bacu b’ibarura mu turere twa Ngoma, Bugesera na Kirehe.”

Utwo turere two mu ntara y’Iburasirazuba, ni two tuzaba dutahiwe mu gikorwa cyo kubarura, kuva tariki 21 Mata 2026.

Mukesha kandi, yanagarutse ku kibazo cy’abaturage bafite amakuru atuzuye cyangwa se atarakosowe, avuga ko umuturage ufite icyo kibazo ashobora guhura n’ingorane zo kugana abakarani b’ibarura inshuro zirenze imwe, bityo mu kwirinda uko gusiragira, aboneraho kugaragaza ko ikigo ayoboye cyatangije ubukangurambaga bwo gusuzuma amakuru y’umuturage, aho buri wese ufite telefone igendanwa ashobora kwisuzumira amakuru ye yanditswe mu gitabo cy’irangamimerere mbere yo kujya kwibaruza ku ndangamuntu koranabuhanga, aho yandika mu butumwa bugufi ijambo “Amakuru” hamwe na numero ye y’indangamuntu, akohereza ubwo butumwa kuri 3500.

Josephine Mukesha kandi, yanamaze impungenge abaturage bafite intege nke, nk’abageze mu za Bukuru n’abafite ubumuga badashobora kugera aho igikorwa cyo kubarurwa kizajya gikorerwa, avuga ko hashyizweho uburyo abo bantu bazajya begerwa.

Igikorwa cy’ibarura kandi, kizakorwa mu buryo budaheza buri wese, nk’uko ubuyobozi bwa NIDA bwabitanzeho umucyo, kuko ahazajya hakorerwa igikorwa cy’ibarura hazaba ari ahantu horohereza abafite ubumuga kuhagera, ikindi kandi, abafite ubumuga batazashobora gutanga ibimenyetso koranabuhanga biranga intoki, cyangwa se (Fingerprint), cyangwa iby’isura cyangwa se (Facial recognition) mu ndimi z’amahanga, na bo bazafashwa batange amakuru yabo ashobora kuboneka.

Ku bantu bafite kuva ku myaka 16 kuzamura, igihe bagiye kubarurwa, bazajya basabwa gutanga ibimenyetso koranabuhanga biranga umuntu, nk’iby’intoki (Fingerprint), iby’isura (Facial recognition), ndetse n’amakuru y’umuntu ku giti cye, nk’amazina ye, itariki y’amavuko, amazina y’ababyeyi be, ndetse n’aho umuntu atuye.

Abasanzwe bafite indangamuntu bazasabwa kuzerekana, naho abatazifite bo bazerekana ibindi byangombwa nk’icyemezo cy’amavuko, cyangwa se ibindi byangombwa byemewe bibaranga.

Nk’uko byatangajwe n’ikigo cy’igihugu gishinzwe indangamuntu NIDA, indangamuntu zisanzwe zikoreshwa mu Rwanda, zizasimburwa n’indangamuntu koranabuhanga mu kwezi kwa Kamena mu mwaka wa 2027, .

Kuva saa sita z’ijoro ku isaha ngengamasaha ya GMT, ni ukuvuga saa munani z’igicuku ku isaha yo mu Rwanda kuri uyu wa kane, muri Isiraheli ntihongeye kugabwa ibitero bya za Misile biturutse muri Iran, bityo ubutegetsi bwa Isiraheli na bwo butangaza isubikwa ry’ibihe bidasanzwe, aho amashuri ndetse n’inyubako zikoreramo abantu benshi harimo n’inkiko zari zifunze.

Ibitero bya Iran, byaturutse ku kuba Iran yaragabweho ibitero tariki 28 Gashyantare 2026 n’ubuyobozi bwa Isiraheli bufatanyije na Perezida wa Leta zunze ubumwe za Amerika Donald Trump, biturutse ku byifuzo byabo byo kubuza Iran gukomeza igisirikare cyayo, guca intege iki gihugu mu ikorwa ry’intwaro za Neuclear, ndetse no guhirika ubutegetsi bwa Kiyisilamu bwa Iran.

Kuwa gatatu w’iki cyumweru, impande zose zirebwa n’iyi ntambara, ziyemeje agahenge k’ibyumweru bibiri, ariko birasa n’aho ako gahenge gashobora kutamara igihe cyemeranyijwe, ahanini biturutse ku bitero igihugu cya Isiraheli gikomeje kugaba muri Libani, kandi ibyo bitero bikaba bigamije gushegesha umutwe wa Hezbollah ushyigikiwe na Iran.

Ubutumwa bw’umuvugizi w’urukiko rw’i Tel Aviv ari na rwo ruburanisha Bwana Netanyahu bwashyizwe ahagaragara kuri uyu wa kane buragira buti, “Nyuma y’isubikwa ry’ibihe bidasanzwe, bigatuma urwego rw’ubutabera rwongera gukora nk’uko byari bisanzwe, imanza zose zigiye kongera kuburanishwa nk’uko byari bisanzwe.” Ubwo butumwa bwongeraho ko Netanyahu azajya aburana buri ku Cyumweru na buri wa Gatatu.

Bwana Netanyahu, arahakana ibyaha byose ashinjwa birimo Ruswa, ubujura ndetse no gusuzugura inzego z’ubugenzacyaha muri icyo gihugu mu mwaka wa 2019, nyuma y’imyaka myinshi uyu mugabo akorwaho iperereza.

Netanyahu kandi, ni we minisitiri w’intebe wa mbere wa Isiraheli ukiri ku mwanya we urezwe mu nkiko ibyaha biri ku rwego rw’impanabyaha. Urubanza rwe rwatangiye mu mwaka wa 2020, ariko rugenda rusubikwa biturutse ku nshingano afite, ndetse nta n’amatariki atangazwa urubanza rwe ruzapfundikirirwaho, ndetse aramutse ahamijwe n’urukiko ibyaha ashinjwa, ashobora gukatirwa ibihano birimo n’igifungo.

Perezida wa Leta zunze ubumwe za Amerika Donald Trump, uzwiho kuba inshuti ikomeye ya Netanyahu, yashyigikiye icyifuzo cya Netanyahu cyo gusaba Perezida wa Isiraheli Isaac Herzog kugenera imbabazi z’umukuru w’igihugu Bwana Netanyahu, kandi ko mu gihe Netanyahu yakwitaba inkiko mu buryo buhoraho, bishobora kugira ingaruka mbi ku gukora akazi ke neza.

Ibiro bya Perezida Isaac Herzog, byatangaje ko abagize akanama gashinzwe iby’imbabazi z’umukuru w’igihugu kabarizwa muri minisiteri y’ubutabera muri Isiraheli, kazakusanya ibitekerezo, maze kakabigeza ku mujyanama wa Perezida mu by’amategeko, maze na we akageza icyo cyifuzo kuri Perezida, ariko na none, Perezida Isaac Herzog, yibukije ko nta mbabazi z’umukuru w’igihugu zishobora gutangwa mu gihe urubanza rutarasomwa.

Ibi byaha byose Netanyahu ashinjwa, hiyongereyeho ibindi byaha ashinjwa kuba yarakoze nyuma y’uko umutwe wa Hamas ugabye ibitero kuri Isiraheli mu kwezi kw’Ukwakira mu mwaka wa 2023, byagabanyije icyizere afitiwe n’abaturage ba Isiraheli.

Mu kwezi kw’Ukwakira 2026, igihugu cya Isiraheli kizagira amatora y’abagize inteko ishinga amategeko, aho ishyaka rifite intebe nyinshi, ari ryo rihitamo uzaba Minisitiri w’intebe w’iki gihugu, ariko abasesenguzi benshi mpuzamahanga mu bya politiki, baremeza ko ishyaka rya Netanyahu ndetse n’amashyaka yose amushyigikiye bigoye ko azatsinda.

Icyo gikorwa, cyabaye kuwa kabiri tariki 7 Mata 2026, kibera mu nyubako ikoreramo umuryango w’abibumbye iri i Nairobi muri Kenya, witabirwa n’umuryango nyarwanda ubarizwa muri Kenya, bamwe mu bahagarariye ibihugu byabo muri Kenya, sosiyete sivile iri muri icyo gihugu, ndetse na bamwe mu bayobozi y’amadini ya gikristu ikorera muri icyo gihugu.

Abatanze ibiganiro muri icyo gikorwa, bagarutse ku kuba genocide yakorewe abatutsi mu mwaka wa 1994, ari amwe mu mateka mabi yaranze ikiremwamuntu, kuko genocide yakorewe abatutsi mu mwaka wa 1994, yatwaye ubuzima bw’inzirakarengane zirenga miliyoni mu minsi 100 gusa, bityo bahamagarira isi yose kwikiriza intero ya “Ntibizongere ukundi”.

Abatanze ibiganiro kandi, banagarutse ku kibazo cy’umutekano muke ukomeje kugaragara mu Burasirazuba bwa Repubulika ya Demokarasi ya Kongo, bakomoza ku mvugo z’ivangura zikomeje kugaragara muri icyo gihugu, bagaragaza ko zibangamiye inzira y’amahoro muri ako gace, basaba umuryango mpuzamahanga kwirinda ko ibyabaye mu Rwanda byaba no muri Repubulika ya Demokarasi ya Kongo, cyane ko guceceka kw’amahanga kwatumye genocide yakorewe abatutsi igira ubukana.

Serge Rwigamba warokotse genocide yakorewe abatutsi mu mwaka wa 1994 ariko ikamutwara abari bagize umuryango we bagera kuri 15, yatanze ubuhamya agaragaza uburyo abakoze genocide bafatanyije n’abari abayobozi b’igihugu icyo gihe, bakoze ibitero byinshi aho yari atuye, ari na byo byiciwemo abe.

Muri icyo gikorwa cyo kwibuka ku nshuro ya 32 genocide yakorewe abatutsi cyabereye i Nairobi, abahanzi b’indirimbo, imivugo, ndetse n’ubuhamya bwatanzwe na Serge Rwigamba, byose bigaragaza inkovu zatewe na genocide yakorewe abatutsi mu mwaka wa 1994, guhamagarira amahanga ko abagize uruhare muri genocide bakihishahisha bagezwa imbere y’ubutabera, ndetse n’inzira yo kwiyubaka no kwimakaza politiki y’ubumwe n’ubudaheranwa u Rwanda rwahisemo.

Mu izina ry’umunyamabanga mukuru w’umuryango w’abibumbye Antonio Guterres, umuyobozi w’ibiro by’uyu muryango bikorera muri Kenya ari we Zainab Bangura, yatanze ubutumwa agaragaza ko umuryango mpuzamahanga watereranye u Rwanda, kandi wananiwe guhagarika genocide, maze asaba ko hafatwa ingamba zikwiriye zo kwirinda ko ibyabaye mu Rwanda byaba aho ari ho hose ku isi.

Muri ubwo butumwa, Antonio Guterres yagize ati, “Mu myaka 32 ishize, u Rwanda rwababaye kubera ibihe bikomeye rwanyuzemo. Hari imiryango yazimiye. Twunamiye abazize genocide, kandi turubaha n’abayirokotse. Turibuka kandi ugutsindwa kw’umuryango mpuzamahanga, kuko nta cyo wakoze kugira ngo hirindwe ko genocide ibaho.”

Antonio Guterres kandi, yashimangiye ko hakenewe kongerera ingufu imiryango mpuzamahanga ishobora kubona ibimenyetso by’ubwicanyi ndengakamere, ndetse no gufasha mu kwirinda ubwo bwicanyi hakiri kare.

Yagize ati, “Dukeneye gufasha imiryango mpuzamahanga ishobora kudufasha kwirinda hakiri kare ibikorwa by’ubwicanyi ndengakamere. Reka uyu munsi utubere intangiriro yo gushyira hamwe dushimangira kwibuka, gutega amatwi ndetse no gukora.”

Ambasaderi w’u Rwanda muri Kenya, Ernest Rwamucyo, yagaragaje ko u Rwanda rukomeje guhangana n’amateka yarwo ababaje, binyuze mu ntambwe rukomeje gutera mu kwiyubaka ndetse n’ubumwe bw’abanyarwanda.

Yagize ati, “Genocide ni amateka yacu kandi ntidushobora kuyahunga. Urugendo rwo kwiyubaka duhereye hasi, si ikintu cyoroshye, ahubwo ni ikintu gisaba gukomera.” 

Ambasaderi Rwamucyo kandi, yanongeyeho ko kwibuka ari igikorwa cy’ingirakamaro, kuko gituma amateka mabi yaranze u Rwanda adashobora kwisubiramo.

Dennis Mburu, umuyobozi wungirije ushinzwe Afurika muri Minisiteri y’ububanyi n’amahanga wa Kenya, ari na we wari uhagarariye Leta y’iki gihugu muri iki gikorwa, we yavuze ko genocide yakorewe abatutsi mu mwaka wa 1994 ari ugutsindwa gukomeye kw’ikiremwamuntu.

Yagize ati, “Uku kwabaye ugutsindwa gukomeye kw’ikiremwamuntu. Turazirikana ingaruka mbi zatewe na genocide yakorewe abatutsi, kandi nka Kenya, twishimiye gushimangira ubushake dufite bwo gukomeza gukorana n’u Rwanda.”

Abitabiriye icyo Gikorwa, bacanye urumuri rw’icyizere, ndetse banashyira indabo ahabugenewe mu rwego rwo kunamira no guha icyubahiro abazize genocide yakorewe abatutsi mu mwaka wa 1994.

Uretse muri Kenya, no mu bindi bihugu u Rwanda rufitemo ababihagarariye, ndetse no ku cyicaro gikuru cy’umuryango w’abibumbye kiri i New York muri Leta zunze ubumwe za Amerika, tariki 7 Mata 2026, habereye igikorwa cyo kwibuka ku nshuro ya 32 genocide yakorewe abatutsi mu mwaka wa 1994.

Uyu muhango wabereye ku rwibutso rwa genocide rwa Kigali i Gisozi, aho umukuru w’igihugu ndetse na Madame we Jeanette Kagame babanje gushyira indabo ku mva ziruhukiyemo imibiri isaga ibihumbi 250 y’abatutsi bishwe muri genocide, kunamira abazize genocide yakorewe abatutsi, ndetse no gucana urumuri rw’icyizere rukomeza kwaka kugeza iminsi 100 yo kwibuka genocide yakorewe abatutsi irangiye.

Mu ijambo rye, umukuru w’igihugu, yahereye ku mateka igihugu cyanyuzemo ndetse n’ubuhamya bwatanzwe n’uwarokotse genocide yakorewe abatutsi mu mwaka wa 1994, maze agaragaza ko u Rwanda rudashobora gupfa kabiri.

Yagize ati, “Ntabwo wakwica umuntu kabiri. Ubigerageje, azakwica mbere y’uko umwica. Ubwo turi aha mutureba, bamwe bajya bashinyagura bavugira hanze, igihugu cyose, igihugu cy’u Rwanda ureba, ntabwo gishobora gupfa kabiri. Mbere y’uko wakwica u Rwanda, ruzakwica. Ntabwo wakwica abantu kabiri ntibibaho, uko utureba uku ntitwapfa kabiri. ari twe bakuru, ari abana bacu, nta wuzabica kabiri ntibishoboka, ntabwo byakunda. Tuzabaho, nk’uko abantu bakwiriye kuba babaho, nk’uko abandi bantu abo ari bo bose babaho, byanze bikunze nta we twabisaba.”

Nyakubahwa Perezida wa Repubulika y’u Rwanda Paul Kagame kandi, yongeye gushimangira ko u Rwanda rutazongera kuba mu icuraburindi rya Genocide, mu ijambo rye agira ati, “Abanyarwanda bazi neza ikiguzi cyo kwihanganira ubuhezanguni, kandi ihame shingiro tugenderaho mu by’umutekano ni ugushyira imbere kurengera ubuzima bw’abaturage bari mu kaga. Nyuma ya genocide, abanyarwanda twahisemo kongera kubaka igihugu cyacu twese hamwe, ibyo kandi bikajyana n’isezerano ryo kutazigera na rimwe twemera ko politiki ya genocide yongera kugira aho ishinga imizi mu Rwanda. Reka mbabwire. Genocide ntishobora kubaho ukundi hano, ntizongera kubaho ukundi.”

Uretse u Rwanda, tariki 7 Mata buri mwaka ku isi yose, ni umunsi mpuzamahanga wo kuzirikana genocide yakorewe abatutsi mu mwaka wa 1994, nk’uko bikubiye mu myanzuro y’umuryango w’abibumbye yo ku matariki ya 23 Ukuboza 2003, ndetse na 26 Mutarama 2018.