Kayonza: Umuyobozi w'Akarere n’abamwungirije bahagaritswe
Umuyobozi w’Akarere ka Kayonza, Nyemazi John Bosco, Visi Meya ushinzwe Iterambere ry’Ubukungu, Munganyinka Hope ndetse na Visi Meya ushinzwe imibereho myiza y’abaturage, Harerimana Jean Damascene, bahagaritswe muri izi nshingano.
Itangazo ry’Inama Njyanama y'Akarere ka Kayonza, ryasohotse kuri iki Cyumweru tariki ya 7 Ukuboza 2025, rivuga ko abagize Komite Nyobozi y'aka karere, bahagaritswe nyuma yo kuba byaragaragaye ko batuzuza neza inshingano zabo.
Nyemazi John Bosco yatorewe kuyobora Akarere ka Kayonza mu Ukuboza 2021, ni mu gihe Munganyinka Hope we yinjiye muri komite nyobozi y’Akarere ka Kayonza mu 2018, aza kongera gutorwa muri manda yakurikiyeho.
Harerimana Jean Damascene we yatorewe kuba Umuyobozi w’Akarere wungirije ushinzwe Imibereho Myiza y’Abaturage mu 2016, aza kongera gutorerwa indi manda mu 2021.
