Igororero Rya Bugesera Ryafunzwe, Abaribagamo bimurirwa Ahandi.
Urwego rw’Igihugu rw’Igorora (RCS), rwatangaje ifungwa ry’igororero rya Bugesera, aho abarigororererwagamo bimuriwe mu yandi magororero yo hirya no hino mu gihugu.
Ifungwa ry’iryo gororero, rikubiye mu itangazo ryashyizwe ahagaragara na RCS kuri uyu wa 12 Ukwakira 2026.
Muri iryo tangazo, RCS yamenyesheje imiryango y’abagororerwaga muri iryo gororero ko gufungwa kwaryo kwahise gushyirwa mu bikorwa nyuma yo gusohoka kw’iryo tangazo, ndetse ko n’abagororwa bose bahise bimurirwa mu yandi magororero.
Iryo tangazo riragira riti, “Ubuyobozi bw’Urwego rw’u Rwanda rushinzwe Igorora (RCS) buramenyesha abafite ababo mu Igororero rya Bugesera, ko iryo gororero ryafunzwe guhera uyu munsi, bityo mukaba mumenyeshejwe ko abari baririmo bimuriwe mu yandi magororero.”
Muri iryo tangazo, RCS ntiyatangaje amakuru arambuye ku cyatumye iryo gororero rifungwa, umubare nyawo w’abarigororererwagamo ndetse n’amagororero yihariye bimuriwemo.
