Inkongi y'umuriro yishe abantu 16 mu nzu y'amasaziro muri Indonesia
Abantu 16 babaga mu nzu y'amasaziro ku Kirwa cya Sulawesi muri Indonesia bapfuye kuri iki Cyumweru, nyuma y'aho ifashwe n'inkongi y'umuriro, abandi batatu barakomereka.
Iyi nkongi y'umuriro yabaye ku Cyumweru, tariki 28 Ukuboza 2025, mu masaha y'igicuku, kuri iki Kirwa cya Sulawesi muri Indonesia.
Benshi mu bapfuye bari baryamye ubwo inkongi yadukaga nk'uko byatangajwe na Al Jazeera dukesha iyi nkuru.
Inzego z'ubuyobozi zatangaje ko zabashije kurokora abantu 12 batagize icyo baba.
