Ubwizigame bw’abarimu mu Umwalimu SACCO bwageze kuri miliyari 19 Frw

Mineduc yabitangaje kuri uyu wa Gatanu tariki 12 Ukuboza 2025, mu birori byo kwizihiza Umunsi Mpuzamahanga w’Abarimu, byabereye mu Karere ka Kirehe, Intara y’Iburasirazuba.

Umunyamabanga wa Leta muri iyi Minisiteri, Irere Claudette, yagaragaje ko ubwizigame bw’abarimu mu Umwalimu SACCO bwageze kuri Miliyari 19 Frw, akaba ari bwo basabamo inguzanyo.

 Kuva Koperative Umwalimu SACCO itangiye mu 2008, imaze gutanga arenga Miliyari 1000 Frw y’inguzanyo abarimu bifashisha bubaka inzu zo guturamo, batangiza imishinga ibyara inyungu n’ibindi.

 Muri uyu mwaka wa 2025, hatanzwe arenga Miliyari 222 Frw y'inguzanyo.