Perezida w'Umutwe w'Abadepite yaganiriye na mugenzi we wa Mozambique
Perezida w’Umutwe w’Abadepite, Kazarwa Gertrude, uri muri Mozambique, yagiranye ibiganiro na mugenzi we w'iki Gihugu, Margarida Adamugi Talapa.
Perezida w'Umutwe w'Abadepite Kazarwa yavuze ko uru ruzinduko, rugaragaza ubucuti n'ubufatanye biri hagati y'ibihugu byombi.
Depite Margarida na we yashimye ubufatanye buri hagati y'ibihugu byombi ndetse n'ubufasha u Rwanda ruha iki gihugu mu guhangana n'ibikorwa by'iterabwoba mu Ntara ya Cabo Delgado.
Abayobozi bombi kandi baganiriye ku ishyirwa mu bikorwa ry'amasezerano y'imikoranire yasinywe mu 2022, hagati y'Inteko Ishinga Amategeko y'u Rwanda n'iya Mozambique.
